Misambu 146:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Muhuya wandi udi uhatuka, udi uhingana kabidi ku dinfuenkenya diandi; mu dituku dine adi malu akadiye uhangidisha adi ajimina.

MUKANDA WA MYIDI MUKULU

⁴ Padibu bafua, badi babajika, malu avuabu bapangadika mua kuenza adi ajimina bu bobu.

Misambu 146:4 ပူးပေါင်းရင်းမြစ်များ

Genese 2:7

Yehowa Nzambi wakafuka mulume ne dinfuenkenya dia buloba, wakela muhuya wa muoyo mu diulu diandi, ne mulume wakalua ne muoyo.

Genese 3:19

neudie bidia ne luanga ha mpala hebe to ne hawahingana mu buloba kabidi, wewe wakumushibua mu buloba, wewe udi dinfuenkenya dia buloba, neuhingane mu dinfuenkenya dia buloba kabidi.

Genese 6:17

Tangila, meme nkayanyi, nendokeshe mai mangi ha buloba bua kujimisha bintu bionso bidi ne muhuya wa muoyo munda muabi muinshi mua diulu, tshintu tshionso tshidi ne muoyo ha buloba netshifue.

Yobe 14:10

Kadi muntu udi ufua ne bukole buandi budi bujimina; e, muntu udi uhuola muoyo wandi, hashishe, udi kudi kunyi?

Yobe 14:21

Bana bandi badi baheta butumbi, kadi yeye kena mumanye bualu ebu; badi bahuekeshibua, kadi yeye kena ubamona.

Yobe 17:1

Muoyo wanyi wakubutuka, matuku anyi adi ahuwa; lukita ludi lungalamina.

Yobe 17:11

Matuku anyi akumana kuhita; malu anakuhangidisha mu mutshima akulua tshianana, meji mene a mu mutshima wanyi.

Yobe 27:3

tô ne hantshidi ne muoyo munda muanyi, ne hatshidi muhuya wa Nzambi mu mihembu ya diulu dianyi,

Misambu 104:29

Udi usokoka mpala webe, bidi bitshina; udi ubiumushila muhuya wabi, bidi bifua ne bidi bihingana ku dinfuenkenya diabi kabidi.

Misambu 33:10

Yehowa udi uvuisha meji adi ba mu bisamba bia bantu bahangidisha malu a hatuhu; udi uhumbisha malu adi bantu bahangidisha bua kuenzabo.

Misambu 90:3

Wewe udi uhingasha bantu mu dinfuenkenya kabidi, udi Wamba kabidi ne, Hinganai, nuenu bana ba bantu.

Muambi 12:7

nunku mubidi newandamuke dinfuenkenya dia buloba kabidi ne muhuya wa muoyo neuhingane kudi Nzambi wakaufila.

Muambi 9:6

Dinanga diabo ne lukinu luabo ne mukau wabo biakajimina kale; kabena ne bualu bukuabo tshiendelele mu malu onso adi enjibua muinshi mua diba.

Yeshaya 2:22

Lekelai kueyemena muntu, udi ne muhuya mu mimpempe ya mu diulu diandi; bua badi mua kumubala bu tshinyi?

Muadi 4:20

Mukelenge muedibue manyi kudi Yehowa, wakakuatshibua mu majimba abo, utuakatekemena bu muhuya wa mûlu etu; uwakamba bualu buandi ne, Muinshi mua mundidimbi wandi netuikale ne muoyo munkatshi mua bisamba bia bantu.

Danyele 5:23

Kadi wakudibandisha ne wakuhetula Mukelenge wa mu diulu; bua bakulua ne mpanza ya mu nsubu muandi ku mpala kuebe; wewe ne miloho yebe, bakashi bebe ne bakashi bahika bawakabaka nuakunuinamu nvinyo. Wewe wakutumbisha nzambi ya tshiamu tshia argent ne tshia or, ya tshiamu tshia mitaku, ya tshiamu tshifike, ya mitshi ne ya mabue, nzambi idi kayiyi mua kumona anyi kunyua anyi kumanya bualu. Kuena mutumbishe Nzambi udi ne muhuya webe mu tshianza tshiandi, udi mumanye bienzedi biebe bionso.

1 Korente 2:6

Tudi tuamba mei a meshi munkatshi mua bantu bakamana kukola mu bualu bua Nzambi, kadi kemeshi a tshikondo etshi anyi a bakokeshi ba tshikondo etshi balualua ba hatuhu.