Misambu 145:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bantu nebambilangane bua bukole bua bienzedi biebe bidi bibakuatshisha buowa; meme nembalondele bienzedi biebe binene.

MUKANDA WA MYIDI MUKULU

⁶ Bantu bambilangane bua bukole buebe budi bukuata bowa! Kadi meme nemmanyishe malu manene audi muenze.

Misambu 145:6 ပူးပေါင်းရင်းမြစ်များ

1 Kulondolola 29:11

Yehowa, bunene ne bukole ne butumbi ne kutamba ne bulengele butambe mbiebe; bualu bua bintu bionso bia mu diulu ne bia ha buloba mbiebe; Yehowa, bukelenge mbuebe, ne wewe udi ubandishibua ku mutu kua bionso.

Ezela 1:2

Kolesha, mukelenge wa Pelasa, udi Wamba ne, Yehowa, Nzambi wa mu diulu, wakumpa makelenge onso a ha buloba; nyeye wakungelela mukenji bua meme kumuashila nsubu mu Yelushalema, udi mu buloba bua Yuda.

Misambu 113:3

Ku dihatuka dia diba tô ne ku dibuela diadi dina dia Yehowa didi ne bualu bua kutumbishibua.

Misambu 22:27

Ba mu kunfudilu kua buloba nebamuvuluke, nebakudimune mitshima yabo kudi Yehowa. Ba mu biota bionso bia bisamba bia bantu nebatendelele ku mpala kuebe.

Misambu 22:31

Nebambile bantu badi kabayi banze kuedibua bua buakane buandi, nebabandile ne, Yeye wakubuenza.

Misambu 66:3

Nuambile Nzambi ne, Mona mudi bienzedi biebe bikuatshisha bantu buowa! Bualu bua bukole buebe budi bunene, badi nʼebe lukuna badi bakukokela ne lubombo.

Yirmeya 50:28

Edi ndî dia badi banyema ne badi bahanduka mu buloba bua Babulona, dia kuambila ba mu Siona bualu bua kudisombuela kua Yehowa Nzambi wetu, disombuela didiye udisombuela nʼadi ntempelo wandi.

Abakuke 2:14

Kadi buloba nebûshibue tente ne kumanya kua Yehowa, bu mudi mai avuisha mai manene onso.

Dielulula 32:3

Bualu bua meme nengambe dina dia Yehowa: tumbishai bunene bua Nzambi wetu.