Misambu 145:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yehowa, bintu bionso biwakafuka nebikusakidile, bansanto bebe nebakuvudishile disanka.

MUKANDA WA MYIDI MUKULU

¹⁰ Maweja-Nangila, bantu bonsu bakutumbishe! Badi bakulamata bakuele tuasakidila!

Misambu 145:10 ပူးပေါင်းရင်းမြစ်များ

Misambu 103:22

Nuvudishile Yehowa disanka, nuenu bifukibua biandi bionso, mu miaba yonso ya bukokeshi buandi. Mutshima wanyi, uvudishile Yehowa disanka!

Misambu 104:24

Yehowa, mona mudi bungi bua mishindu ya midimu yebe! Wewe wakenza buonso buai ne lungenyi luebe; buloba budi bûle tente ne bintu biwakafuka.

Misambu 149:5

Bantu handi bahanga basankile mu butumbi, bimbe ne disanka halalabo ha malalu abo.

Misambu 19:1

Diulu didi diamba butumbi bua Nzambi; bia mu diulu bibaluluke bidi bimuenesha midimu ya bianza biandi.

Misambu 22:23

Nuenu badi batshina Yehowa, numutumbishe! Nuenu, bana bonso ba Yakoba, numutumbishe; nuenu, bana bonso ba Isalele, nukuatshike buowa ku mpala kuandi!

Misambu 30:4

Imbilai Yehowa misambu ya kumutumbisha nʼai, nuenu bansanto bandi, sakidilai dina diandi dia tshijila.

Misambu 30:5

Bualu bua tshiji tshiandi tshidiku anu tshituha tshihi, luse luandi ludiku matuku onso a muoyo wa muntu. Muadi udi mua kulua bu muladi butuku, kadi disanka didi dilua hatshiabu.

Misambu 32:11

Nuikale ne disanka mu Yehowa, nusanke bikole, nuenu bantu bakane; elai mbila bua disanka dienu, buonso buenu badi bakane mu mitshima yenu!

Misambu 57:9

Mukelenge, nenkusakid le munkatshi mua bantu; nenkuimbile misambu ya kukutumbisha nʼai munkatshi mua bisamba bia bantu.

Misambu 68:26

Bimba ne, Vudishilai Nzambi disanka mu masangisha a bantu; vudishilai Mukelenge disanka, nuenu mushimi wa mai wa Bena Isalele.

Misambu 69:35

Bualu bua Nzambi neasungile Siona, nease misoko ya mu Yuda kabidi; bantu bandi nebashikamemu, nebikale nʼandi bu musoko wabo.

Misambu 97:12

Nusanke bienu mu Yehowa, nuenu bantu bakane; numusakidile hanuavuluka tshijila tshiandi.

Yeshaya 44:23

Bia mu diulu, imbai bualu bua Yehowa wakuenza nunku; bidi mu ndondo wa buloba, elai mbila! Bandishai mei enu mu kuimba kua misambu, nuenu, mikuna, ditu, ne mitshi yonso idimu! Bualu bua Yehowa wakuhikula Yakoba, neaditumbishishe mu Isalele.

Ebrewu 13:15

Nunku bua bualu buandi, tufilafile kudi Nzambi mulambu wa kumutumbisha nʼau, udi biau mamuma a mishiku idi ijukula ditabusha dia dina diandi.

1 Petro 2:5

nunku nuenu kabidi, bu mabue adi ne muoyo, nuakashibua nsubu wa Nyuma, bua kuikala bakuidi ba tshijila; bua nuenu kufila milambu idi ya nyuma mitabushibue kudi Nzambi bualu bua Yesu Kilisto.

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.