Misambu 140:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Bulelela, bantu bakane nebasakidile dina diebe; badi ne mitshima miakane nebashikame ku mpala kuebe.

MUKANDA WA MYIDI MUKULU

¹³ Maweja-Nangila, ndi mumanye ne: udi ubingisha bapele, udi ulumbuluila bena dikenga.

Misambu 140:13 ပူးပေါင်းရင်းမြစ်များ

Yobe 36:6

Kena Usungila mioyo ya bantu babi, ne udi uha badi mu dikenga malu makane a bobo kuangata.

Misambu 11:7

Bualu bua Yehowa udi muakane; udi unanga buakane; bantu badi bakane nebamonangane nʼandi ku mesu.

Misambu 16:11

Wewe neundeshe nshila wa muoyo. Tshiuwidi tshia masanka tshidi ha buihi nʼebe; masanka adi mu tshianza tshiebe tshia balume tshiendelele.

Misambu 23:6

Bulelela, buimpe ne luse nebindonde matuku onso a muoyo wanyi; nengikale mu nsubu wa Yehowa tshiendelele.

Misambu 32:11

Nuikale ne disanka mu Yehowa, nusanke bikole, nuenu bantu bakane; elai mbila bua disanka dienu, buonso buenu badi bakane mu mitshima yenu!

Misambu 35:10

Mifuba yanyi yonso neyambe ne, Yehowa, udi bu wewe nganyi? Wewe udi usungila muena makenga kudi muntu udi umuhita bukole, udi usungila muntu udi muena makenga ne muhele kudi muntu udi mumunyenge.

Misambu 73:24

Wewe neundombole ne meji ebe, hashishe, neumbueshe mu butumbi.

Misambu 97:12

Nusanke bienu mu Yehowa, nuenu bantu bakane; numusakidile hanuavuluka tshijila tshiandi.

Nsumuinu 22:23

Bualu bua Yehowa neabalumbuluile tshilumbu tshiabo, neanyenge mioyo ya badi banyenga bintu biabo.

Yeshaya 3:10

Nuambile bantu bakane dî edi ne, Nenuikale ne diakalengele; bua nebadie mamuma a bienzedi biabo.

Yowanane 14:3

Binaya ne binanulongoluela muaba, nempingane kabidi, nenuangate kundi meme muine, bua kundi ngikala, nuenu nenuikaleku kabidi.

Yowanane 17:24

Tatu, ndi musue bawakumpa bikale kundi bua kutangilabo butumbi buwakumpa, bualu bua wewe wakansua meme diambedi kabai banze kufuka buloba.

1 Tesalonike 4:17

ne hasnishe tuetu batshidi ne muoyo badibo bashîa netuangatshibue nʼabo hohamue mu matutu, bua kusangila ne Mukelenge mu luhehele; nunku netuikale ne Mukelenge tshiendelele.