Misambu 135:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye wakatuma bimanyinu ne malu a kukema munkatshi muenu, nuenu Bena Ejipitu, biakakengesha Palô ne bena mudimu bandi bonso.

MUKANDA WA MYIDI MUKULU

⁹ Ku tshianza tshia batumibue bende, kuenzejaye bishima ne malu a dikema, — munda muebe wewe Ejipitu! — kukengeshaye mfumu wa bena Ejipitu ne bena mudimu bende bonsu.

Misambu 135:9 ပူးပေါင်းရင်းမြစ်များ

Nehemya 9:10

wakalesha Palô ne bena mudimu bandi ne bantu bandi bonso bimanyinu ne malu a kukema, bualu bua wewe wakamanya ne, Bobo bakadi bafunyina batatu betu bulobo, ne wewe wakangata dina dinene bu mudi nʼadi lelu.

Misambu 136:15

Kadi wakabutula Palô ne misumba yandi ne masalayi mu Mai Manene Makunze, bua luse luandi ludi lujalame tshiendelele.

Misambu 78:12

Yeye wakenza malu a kukema ku mesu kua batatu babo, mu buloba bua Ejipitu, mu madimi a mu Soana.

Bienzedi 7:36

Muntu eu wakabalombola, mumane kuenza malu a kukema ne bimanyinu mu Ejipitu, ne mu Mai Makunze, ne mu tshihela bidimu makumi anai.

Dielulula 4:34

Anyi Nzambi wakamba kuya bua kudisunguila tshisamba munkatshi mua tshisamba tshikuabo, kudi mateta ne kudi bimanyinu ne kudi malu a kukema ne kudi nvita ne ku tshianza tshikole ne diboko diandi diolola ne kudi malu manene adi atshinyisha bantu bu muakanuenzela Yehowa, Nzambi wenu, mu Ejipitu ku mesu kuenu, anyi?

Dielulula 6:22

ne Yehowa wakatulesha bimanyinu ne malu a kukema a bungi ne makole mu Ejipitu ne kudi Palô ne ba mu nsubu muandi, ku mesu kuetu;