Misambu 135:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Yehowa wakenza malu onso akasueye kuenza, mu diulu ne ha buloba, mu mai manene ne mu ndondo yonso.

MUKANDA WA MYIDI MUKULU

⁶ Maweja-Nangila udi wenza bionsu bidiye musue, nansha mu diulu nansha pa buloba, nansha mu mayi manene, nansha mu kandondu ka buloba.

Misambu 135:6 ပူးပေါင်းရင်းမြစ်များ

Yobe 42:2

Ndi mumanye ne, Wewe udi ne bukole bua kuenza malu onso, ne kakuena muntu udi mua kukanda bualu buwakuhangidisha.

Misambu 115:3

Kadi Nzambi wetu udi mu diulu, yeye utu wenza malu onso adiye musue.

Misambu 33:11

Lungenyi ludi Yehowa usungula ludi lujalama tshiendelele, meji adiye uhangidisha mu mutshima wandi adi ajalama tô ne ku bikondo bionso.

Misambu 33:9

Bualu bua yeye wakamba dî diandi, ne buloba buakadiku; wakela mukenji, buakajalama.

Yeshaya 46:10

ndi ndianjila kulesha bantu nshikidilu wa bualu ku tshibangidilu tshiabu, ne mu bidimu bia kale mubaleshe malu akadi kâyi manji kuenjibua. Ndi ngamba ne, Bualu bunakadihangidishila bua kuenza nebuenjibue, nengenze malu anakusua kuenza;

Danyele 4:32

Nebakuihate munkatshi mua bantu, neushikame ne nyama ya mu mpata; neudie mashinde bu mudi ngombe idia; ne bidimu muanda mutekete nebihite tô ne hawamanya ne, Mutambe Bunene wa mu diulu udi ukokesha bukelenge bua bantu, ne udi ubuhesha muntu yonso udiye musue.

Danyele 4:35

Bonso ba ha buloba badi hatuhu ku mesu kuandi. Yeye utu wenza bu mudiye musue munkatshi mua misumba ya ba mu diulu ne munkatshi mua ba ba buloba; kakuena muntu udi mua kukauda tshianza tshiandi, anyi kumuebesha ne, Udi wenza tshinyi?

Amosa 4:13

Monai, yeye udi wimanyika mikuna ne udi utuma luhehele, udi umanyisha muntu meji adi munda muandi, udi uvuisha kabundubundu midima, udi wenda ha miaba mibandile ya ha buloba; Yehowa, Nzambi wa misumba, ndina diandi.

Amosa 9:6

Nyeye udi wibaka nsubu yandi mu diulu, udi ujadika diulu diandi didi ha mutu ha buloba; udi Ubikila mai a mu mai manene kudiye, udi wahongolola hanshi ha buloba; Yehowa ndina diandi.

Matayi 14:25

Hakadi diba bu ha inai hatshiatshia, Yesu wakalua kudibo, wenda ha mutu ha mai.

Matayi 28:18

Yesu wakalua kudibo, wakabambila ne, Bakumana kumpa bukokeshi buonso mu diulu ne ha buloba.