Misambu 121:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa neakulame hawahatuka ne hawabuela, ku dituku edi tô ne tshiendelele.

MUKANDA WA MYIDI MUKULU

⁸ Eyowa, Maweja-Nangila neakulame, muwaya ne muwafika, ku mpindiewu ne kashidi!

Misambu 121:8 ပူးပေါင်းရင်းမြစ်များ

2 Samuele 5:2

Mu matuku akahita ku nyima hakadi Shaula mukelenge wetu, nguewe wakaluhuka ne Bena Isalele, wakahingana nʼabo. Yehowa wakamuambila ne, Wewe newikale mulami wa bantu banyi Bena Isalele, wewe newikale mukelenge wabo.

Ezela 8:21

Hashishe nakela mukenji bua tuetu kujila bia kudia ku musulu wa Ahawa, bua tuetu kudihuekesha ku mesu kua Nzambi wetu, ne bua yeye atuleshe ne bana betu bakese ne bintu bietu nshila mululame.

Ezela 8:31

Hashishe tuakumuka ku musulu wa Ahawa mu dituku dia dikumi ne abidi dia ngondo wa kumudilu bua kuya ku Yelushalema; tshianza tshia Nzambi wetu tshiakadi kutudi, wakatusungila mu bianza bia bena lukuna ne kudi balaminyi bakadi mu nshila.

Misambu 113:2

Dina dia Yehowa divudishibue disanka ku dituku edi tô ne tshiendelele.

Misambu 115:18

Kadi tuetu netuvudishile Yehowa disanka ku dituku edi tô ne tshiendelele. Tumbishai Yehowa!

Misambu 125:2

Bu mudi mikuna inyunguluka Yelushalema, mbu mudi Yehowa unyunguluka bantu bandi ku dituku edi tô ne tshiendelele.

Misambu 131:3

Nuenu Bena Isalele, nuikale ne ditekemena dienu mu Yehowa, ku diba edi tô ne tshiendelele.

Nsumuinu 2:8

bua yeye alame nshila ya kulu mbulula kuakane, bua alengeshe nshila wa bansanto bandi.

Nsumuinu 3:6

Umumanye yeye bimpe mu bienzedi biebe bionso, yeye neakululamishile nshila yebe.

Dielulula 28:19

Nenuikale ne milau hanuabuela mu nsubu, nenuikale ne milau hanualuhukamu.

Dielulula 28:6

Nenuikale ne disanka hanuabuela mu nsubu, nenuikale ne disanka hanualuhukamu.