Misambu 112:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Kena utshina ngumu mibi; mutshima wandi udi mushindame, udi weyemena Yehowa.

MUKANDA WA MYIDI MUKULU

⁷ Kena utshina ngumu mibi; udi ne muoyi mukole, udi weyemena Maweja-Nangila.

Misambu 112:7 ပူးပေါင်းရင်းမြစ်များ

Yobe 11:15

Hashishe, neumanye mua kubandisha mpala webe kayi ne tshilema bulelela, wewe neutantamane ne kuena utshina.

Misambu 118:6

Yehowa udi nʼanyi, tshiena ntshina nansha. Muntu udi mua kungenzela tshinyi?

Misambu 34:4

Nakakeba Yehowa, ne yeye wakitaba kundi, wakansungila ku malu onso anakatshina.

Misambu 49:6

Mbantu badi beyemena luhetu luabo, badi baditumbisha bua bungi bua biuma biabo.

Misambu 57:7

Mutshima wanyi udi mushindame, Nzambi, mutshima wanyi udi mushindame. Nengimbe misambu, nenkutumbishe ne biombelu.

Misambu 62:8

Nuenu bantu, numueyemene misangu yonso, nuhumune milombu ya mu mitshima yenu ku mpala kuandi; Nzambi udi tshinyemenu tshietu.

Misambu 64:10

Bantu bakane nebasanke mu Yehowa, nebanyemene kudiye; bonso badi bakane mu mitshima yabo nebalumbile kudiye.

Nsumuinu 1:33

Kadi muntu yonso udi ungunvuila neashikame talalâ, neikale holâ kayi ne ditshina dia dikenga dibi.

Danyele 3:16

Shadalaka, Meshaka ne Abedenego bakakudimuna mukelenge dî ne, Mukelenge Nebukadenesâ, katuena ne bualu bua kukukudimuna dî mu muanda eu nansha.

Luke 21:19

Nenudiangatshile mioyo yenu bualu bua dinanukila dienu.

Luke 21:9

Hanunvua bualu bua nvita ne mayoyo kanutshinyi; budi malu â nʼabu mbua kulua diambedi, kadi nshikidilu kena ulua lukasa.

Yowanane 14:1

Mitshima yenu kaizakadi; nuitabushe Nzambi, nungitabushe meme kabidi.

Bienzedi 20:24

Kadi tshiena mbala muoyo wanyi bu tshintu tshia mushinga mukole kundi, binamanya mua kushikisha tshidikishilu tshianyi tshia lubilu ne mudimu unakuangata kudi Mukelenge Yesu wa kumanyisha bantu lumu luimpe lua ngasa wa Nzambi.

Bienzedi 21:13

Kadi Paulo wakatuebesha ne, Nudi nuenzela nunku tshinyi, nudila numpandisha mutshima wanyi? Ndi mumane kudilongolola, kembua kusuikibua nkayaku, kadi bua kufua kabidi ku Yelushalema bua dina dia Mukelenge Yesu.

Bienzedi 27:25

Nunku, bana betu, nukoleshe mitshima yenu; ndi ngitabusha Nzambi ne, Bualu nebuenjibue bu muakangambileye.