Misambu 109:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bualu bua mukana mua muntu mubi ne mua mashimi mudi mubulula bua kumbanda. Bakunsonguela ne ndimi idi yamba mashimi.

MUKANDA WA MYIDI MUKULU

² bualu bantu babi, bena dishima, badi bansonguela, badi banjana.

Misambu 109:2 ပူးပေါင်းရင်းမြစ်များ

Genese 40:15

Bulelela, bakungiba mu buloba bua Bena Ebelu, ne kunoko kabidi tshiakuenza bualu bubi bua kungelelabo mu nsubu wa mîdima.

2 Samuele 17:1

Ahitofele wakambila Abashaloma ne, Witabushe bua meme nsungule bantu binunu dikumi ne bibidi, nenjuke butuku ebu mene bua kulonda Davidi;

Misambu 140:3

Badi basakisha ndimi yabo bua kutuayi bu ya nyoka, lulengu lua nyoka wa mbanvu ludi mukana muabo.

Misambu 31:13

Bualu bua ndi ngunvua dinunganyi dia mei a bunsonge a bantu ba bungi — buowa ku nseke yonso — hadibo badisangisha hohamue bua kungelela tshifufu, hadibo basangisha dî bua kunyengabo muoyo wanyi.

Misambu 31:18

Mishiku idi yamba mashimi ilue tumama, idi idiula bantu bakane ne dikamakama, ne mu diambu ne dihetu.

Misambu 52:4

Wewe, ludimi ludi ludinga bantu, udi unanga mei onso adi abutula bantu.

Nsumuinu 12:19

Muntu udi wamba mei malelela neashaleku kashidi, kadi udi wamba mei a mashimi udiku anu katuha kihi.

Nsumuinu 15:28

Mutshima wa muntu muakane udi welangana meji a bualu budiye mua kukudimuna, kadi mukana mua bantu babi mudi muhatula malu mabi.

Nsumuinu 6:17

mesu adi ne dihetu, ludimi ludi lushima, ne bianza bidi bimatshiha mashi a badi kabayi ne tshilumbu hanshi,

Yirmeya 9:3

Yehowa udi wamba ne, Badi banana ndimi yabo bua kushimabo bu mudibo banana buta; bakulua bantu bakole mu buloba, kadi kabena ne bukole bua kunanukila mu buakane, bualu bua badi baya kuenza bualu bubi butentekasha ha mutu ha bualu bubi ne kabena bammanye meme.

Yirmeya 9:5

Muntu ne muntu neadinge muena mutumba nʼandi, kabena bamba dî dilelela; bakayisha ndimi yabo bua kuambayi mashimi; badi baditekesha ne kuenza kuabo kua malu mabi.

Bienzedi 6:13

bakatua ne bamanyi ba mashimi, bobo bakamba ne, Muntu eu kena ulekela kuhetula muaba eu wa tshijila, ne mikenshi ya Mose;