Misambu 107:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bantu badi Yehowa muhikule bambe biabo nunku, bobo mene badiye muhikule mu bianza bia muena lukuna,

MUKANDA WA MYIDI MUKULU

² Ke mudibu mua kuamba nanku, kudi bantu badi Maweja-Nangila mupikule, kudi bantu bavuaye musungidile mu bianza bia baluishi,

Misambu 107:2 ပူးပေါင်းရင်းမြစ်များ

Misambu 106:10

Ka wakabasungila mu bianza bia wakabakina, wakababikila mu bukole bua bakadi nʼabo lukuna,

Misambu 130:8

Ne yeye neahikule Isalele ku dihambuka diandi dionso.

Misambu 31:5

Ndi nteka muoyo wanyi mu bianza biebe; wewe wakumpikula, Yehowa, wewe Nzambi udi ulamata ku bushuwa.

Ekesode 15:16

Buowa ne ditshina biakubakuata, bualu bua bukole bua diboko diebe bobo badi bashikama holâ bu mabue, to ne hasabuka bantu bebe, Yehowa, tô ne hasabuka bantu bawakahikula.

Yeshaya 35:9

Kakuena kuikalamu nyama wa ntambue, nyama mukuabo udi utuasangana kena ubandamu; kabena bayisanganamu; kadi bakuhikudibua ku buhi nebendelemu.

Yeshaya 43:1

Kadi mpindiu, Yehowa, wakakufuka wewe, Yakoba, wakakufuanyikisha wewe, Isalele, udi wamba ne, Kutshinyi, bualu bua nakukuhikula, nakukubikila ku dina diebe, wewe nguanyi.

Yeshaya 44:22

Nakujimisha matomboka ebe bu mudi ditutu difike dijimina, ne malu mabi ebe bu mudi dibungi dijimina; uhingane kundi, bualu bua nakukubikila.

Yeshaya 62:12

Nebababikile ne, Bantu ba tshijila, Bahikudibue kudi Yehowa; nebakubikile ne, Musoko mukebibue, musoko udi kauyi mushiya hatuhu.

Yeshaya 63:4

Bualu bua dituku dia kusombela diakadi mu mutshima wanyi, tshidimu tshianyi tshia kuhikula bantu banyi tshiakufika.

Yirmeya 15:21

Nenkuhandishe mu bianza bia bantu babi, nenkuhikule mu bianza bia bakengeshi babi.

Yirmeya 31:11

Bualu bua Yehowa wakuhikula Yakoba, wakamusungila mu bianza bia wakadi umuhita bukole.

Mika 4:10

Ukenge hebe, tantamana, ulele, wewe muana mukashi wa Siona, bu mukashi udi ne didinyenga dia ha kulela; bualu bua katataka neuluhuke mu musoko, neushikame mu mpata, neuye tô ne ku Babulona; ku muaba au nebakuhandishe, ku bianza bia badi nʼebe lukuna.

Luke 1:68

Batumbishe Mukelenge, Nzambi wa Isalele, Bua yeye wakulua kutangila bantu bandi, wakubahidia,

Luke 1:74

Ne, Hanuasungidibua mu bianza bia badi nʼenu lukuna,

Luke 24:21

Kadi tuetu tuakadi bamutekemene ne, Nyeye wahikula Isalele! Ne bualu bukuabo kabidi, matuku asatu akuhita akalua malu â.

Ngalate 3:13

Kilisto wakatuhikula ku mulau wa mikenshi, wakadivuisha bu mulau bua bualu buetu; bu muakafundabo ne, Muntu yonso udi mukudika ku mutshi udi ne mulau;

Dielulula 15:15

Uvuluke ne wewe wakadi muhika mu buloba bua Ejipitu, ne Yehowa, Nzambi wenu, wakakubikula: ka nunku ndi nkuelela mukenji eu lelu.

Dielulula 7:8

kadi bualu bua Yehowa udi munusue ne bualu bua yeye utu watumikila mulayi wakalayeye batatu benu, Yehowa wakanuhatula ne tshianza tshikole, wakanuhikula mu nsubu wa lukanu, ne mu tshianza tshia Palô, mukelenge wa Ejipitu.

Tite 2:14

Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.