Misambu 106:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Disanka didi kudi badi balonda kulumbulula kuakane, ne badi benza malu makane misangu yonso.

MUKANDA WA MYIDI MUKULU

³ Badi bakosa nsambu biakane, ne badi benza malu makane misangu yonsu badi ne disanka.

Misambu 106:3 ပူးပေါင်းရင်းမြစ်များ

Misambu 119:106

Nakuditshiha, nengenze munakuditshiha ne, Nentumikile mei ebe makane majalame.

Misambu 119:112

Nakuinyika mutshima wanyi bua kuenzau mikenji yebe mifunda tshiendelele tô ne kunshikidilu mene.

Misambu 119:20

Muoyo wanyi udi muhandike bua dijinga dindi nʼadi ku kulumbulula kuebe kuakane misangu yonso.

Misambu 119:44

Nunku nentumikile mikenji yebe matuku onso, tô ne tshiendelele mene.

Misambu 15:2

Nyeye udi wenda mu buakane, udi wenza malu makane, udi wamba mei malelela mu mutshima wandi.

Misambu 25:7

Kuvuluki malu mabi anakenza mu bunsongalume buanyi, anyi matomboka anyi; Yehowa, bu mudi luse luebe lujalame, unvuluke bualu bua buimpe buebe.

Yeshaya 64:5

Wewe udi wakidila muntu udi wenza bienzedi biakane ne disanka, udi wakidila badi bakuvuluka mu bienzelu biebe. Mona, wewe wakadi ne tshiji, ne tuakenza malu mabi; tuakadimu musangu mule, netusungidibue, anyi?

Marke 3:35

Muntu yonso wenza bu mudi Nzambi musue udi muanʼetu mulume ne muanʼetu mukashi ne mamuʼanyi.

Luke 11:28

Kadi yeye wakamba ne, Nasha, badi batelesha dî dia Nzambi, badi badilama, badi ne disanka.

Luke 11:42

Kadi nuenu Bafalese, mulau ulualua kunudi, bualu bua nuenu nutu nuafila tshia dikumi tshia luenyi ne tshia tshikote ne tshia midioko yonso, kadi nudi nuhetula dilumbulula dijalame ne luse bia Nzambi; biakadi bimpe bia nuenu kuenza malu â a itu nyima, kambimpe nuhidie kuenza malu au a ku mpala kabidi.

Yowanane 13:17

Binuamanya malu â, nenuikale ne disanka binuâenza.

Yowanane 15:14

Nenuikale balunda banyi, binuenza bu mundi nuambila.

Bienzedi 24:16

Bua bualu ebu ndi ndienzesha matuku onso bua kuikala bianyi ne mutshima udi kawi ne tshilema kudi Nzambi ne kudi bantu.

Rome 2:7

Badi bakeba butumbi ne buneme ne malu adi kâl manyanguka, ku dinanukila diabo mu mudimu muimpe, neabafute muoyo wa tshiendelele.

Ngalate 6:9

Katuhangi mu kuenza kua malu mimpe; bualu bua halua tshikondo tshia kuahuola netuahuole bituikala katui tubanga.

Dielulula 11:1

Nunku suai Yehowa, Nzambi wenu, numunemeke, nutumikile malu andi ne mei andi ne mikenji yandi matuku onso.

Dielulula 5:19

Kuibi.

Yakobe 1:25

Kadi udi utangilatangila mikenshi miakane tshishiki ya budishikaminyi, ne udi ushalamu, kai muikale munvui udi uhua muoyo, kadi muikale muenji wa mudimu udi uwenza, muntu eu neikale ne disanka mu kuenza kuandi.

Didimanyisha 22:14

Disanka didi kudi badi buvua mayeka abo, bua bobo bikale ne bukokeshi bua kuluabo ku mutshi wa muoyo, ne bua kubuela ku bibi munda mua musoko.

Didimanyisha 7:15

Bua bualu ebu badi ku mpala kua nkuasa wa butumbi wa Nzambi, ne badi bamukuatshila mudimu mu nya ne butuku mu ntempelo wandi; ne udi ushikama mu nkuasa wandi wa butumbi neashimike nsubu wandi wa tshilulu ha mutu habo.