Misambu 1:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Disanka didi kudi muntu udi kayi ulonda lungenyi lua bantu babi, udi kayi wimana mu nshila diatshimue ne benji ba malu mabi, udi kayi mushikame mu tshisombelu tshia babuidi.

MUKANDA WA MYIDI MUKULU

¹ Muena diakalenga ngudi ubenga meji adi bantu babi bamuambila, kayi ulonda tshidi bantu bapambuke benza, kayi usomba pamue ne bantu badi baseka Mvidi Mukulu!

Misambu 1:1 ပူးပေါင်းရင်းမြစ်များ

Genese 49:6

Mutshima wanyi kaubuedi mu tshifufu tshiabo, ne butumbi buanyi kabubuelakanyi nʼabo mu disangisha diabo. Bualu bua bobo bakashiha bantu mu tshiji tshiabo, ne mu tshishiku tshiabo bakakosa ngombe mijilu ya bikono biai.

Genese 5:24

Hanoka wakendakana ne Nzambi, ne yeye kakikalaku bualu bua Nzambi wakamuangata.

1 Bakalenga 16:31

Bualu ebu buakadi butekete ku mesu kuandi bua kuendeye mu malu mabi a Yalohama, muana wa Nebata: nunku wakabaka Izebele, muana wa bakashi wa Etebâla, mukelenge wa Bena Sidona, wakakuatshila Bâla mudimu, wakamutendelela.

2 Kulondolola 22:3

Yeye wakenda mu nshila ya bakadi mu nsubu wa Ahaba; bualu bua mamu wandi wakamulombola mua kuenza malu mabi.

Yobe 10:3

Bidi bimpe ku mesu kuebe bua wewe kunkengesha, bua wewe kubenga mudimu wa bianza biebe, ne bua wewe kutemesha munya webe ku meji a bantu babi, anyi?

Yobe 21:16

Tangilai, diakalengele diabo kadiena dilua kudibo ku bukole buabo, meji a bantu babi adi kule nʼanyi.

Yobe 31:5

Bingikala muende ne mashimi, bikala dikasa dianyi diye lubilu bua kudinga bantu,

Misambu 1:6

Bualu bua Yehowa udi mumanye nshila wa bantu bakane, kadi nshila wa bantu babi neajimine.

Misambu 106:3

Disanka didi kudi badi balonda kulumbulula kuakane, ne badi benza malu makane misangu yonso.

Misambu 112:1

Tumbishai Yehowa! Disanka didi kudi muntu udi unemeka Yehowa, udi usanka bikole bua mikenji yandi!

Misambu 119:115

Nuenu benji ha malu mabi, umukai kundi, bua meme kutumikila mikenji ya Nzambi wanyi.

Misambu 144:15

Disanka didi kudi bantu badi mu tshikadilu atshi! Disanka didi kudi bantu badi ne Yehowa, Nzambi wabo!

Misambu 146:5

Disanka didi kudi muntu udi ne dikuatshisha diandi kudi Nzambi wa Yakoba, udi ne ditekemena diandi mu Yehowa Nzambi wandi,

Misambu 146:9

Yehowa udi ulama benyi, udi ukuatshisha bana ba nshiya ne bakashi ba mu lufuila: kadi udi ukonyangasha nshila wa bantu babi.

Misambu 2:12

Nuluangane mishiku ne muana wandi wa balume, bua yeye kikadi ne tshiji, ne bua nuenu kanujiminyi mu nshila. Bualu bua tshiji tshiandi tshidi tshitemeshibua lukasa. Disanka didi kudi bonso badi bamueyemena!

Misambu 26:12

Dikasa dianyi didi dimana mu muaba muhunga; nenvudishile Yehowa disanka mu masangisha a bantu bandi.

Misambu 34:8

Teta, ulabule, unvue ne, Yehowa udi muakane; disanka didi kudi muntu udi unyemena kudiye!

Misambu 36:4

Udi uhangidisha bua kuenza malu a dihambuka halaleye mu bulalu buandi; udi udijadika mu nshila udi kayi muakane; kena ulengulula malu mabi.

Misambu 64:2

Unsokoke ku bifufu bia mu musokoko bia bantu babi ne ku diyoyo dia benji ba malu a tshinyangu.

Misambu 81:12

Nunku nakabalekela bua kulondabo tshitshu tshia mu mitshima yabo, bua kuendabo mu nshila wakadi meji abo masungule.

Misambu 84:12

Yehowa wa misumba, disanka didi kudi muntu udi ukueyemena!

Nsumuinu 1:15

Muanʼanyi, kuendi nʼabo mu nshila umue nansha, ukande dikasa diebe bua kadidiatshi mu nshila yabo.

Nsumuinu 1:22

Nuenu batshimbakanyi, nenunange butshimbakane musangu bule munyi? Badi babuidia nebasanke mu kubuidia kuabo, bahote nebakine lungenyi musangu bule munyi?

Nsumuinu 13:15

Dijingulula dimpe dia mianda didi dihetesha diakalengele, kadi nshila wa bahidi ba Nzambi udi bizakala-bizakala.

Nsumuinu 13:20

Udi wenda ne bena meji udi ulua muena meji, kadi udi ubuelakana ne bahote neakenge bua bualu ebu.

Nsumuinu 19:29

Bakulongoluela babuidi makengesha, bakulongoluela nyima ya bahote mitutu.

Nsumuinu 2:12

bua kukuhandisha ku nshila wa malu mabi, mu bianza bia bantu badi bamba mei a tshishiku;

Nsumuinu 3:34

Udi ubuidia babuidi, kadi udi ulesha badi bahuekele luse.

Nsumuinu 4:19

Nshila wa bantu babi udi bu mîdima mikole; kabena bamanye tshidi tshibalenduisha.

Nsumuinu 9:12

Biwikala ne meji, meji ebe nga kudikuatshisha nʼau; biwabuidiangana, mibuidi yebe neyikuandamukile.

Yirmeya 15:17

Tshiakashikama munkatshi mua bakadi ne tuseku, tshiakaseka nʼabo tuseku; nakashikama ha nkayanyi, bualu bua bujitu bua tshianza tshiebe; bualu bua wewe wakungusha tente ne kanyinganyinga.

Yirmeya 17:7

Muntu udi weyemena Yehowa ne udi ubala Yehowa nkayandi bu tshieyemenu tshiandi, udi ne disanka.

Yezekiyele 20:18

Mu tshihela nakambila bana bakalelabo ne, Kanulondi malu a batatu benu, kanutumikidi mikenji yabo, kanudinyangi ne mpingu yabo.

Matayi 16:17

Yesu wakamuandamuna ne, Simona Bâ-yona, wewe udi ne disanka; bantu kabakukubuluila bualu ebu, anu Tatu wanyi wa mu diulu.

Luke 11:28

Kadi yeye wakamba ne, Nasha, badi batelesha dî dia Nzambi, badi badilama, badi ne disanka.

Luke 23:51

(yeye kakitabusha dî diabo ne bualu buakenzabo) wakadi muntu wa ku Alimataya, musoko wa Bena Yuda, wakadi mutekemene bukelenge bua Nzambi;

Yowanane 13:17

Binuamanya malu â, nenuikale ne disanka binuâenza.

Yowanane 20:29

Yesu wakamuambila ne, Bualu bua wewe wakuntangila, wakuitabusha; bakungitabusha, kabai banze kuntangila, badi ne disanka.

Rome 5:2

Bua bualu buandi kabidi tudi ne tshibueledi tshietu bua ditabusha mu ngasa emu mutudi bashindame; tutumbile bietu bua ditekemena dia butumbi bua Nzambi.

Efeze 6:13

Bua muanda eu angatai bintu bionso bia nvita bia Nzambi, bua nuenu numanye mua kudimanyika bimpe halua dituku dibi, ne, hanuashikisha kuenza malu onso, nudi mua kuimana.

Dielulula 14:6

Bimuna bionso bidi ne mikono mihanduluke, bidi bihingishilula bintu mukana: nudi mua kudia nyama ei.

Dielulula 33:29

Bena Isalele, nuenu nudi ne disanka, banganyi badi bu nuenu basungidibue kudi Yehowa! Yeye udi bu ngabu wa dikuatshisha dienu; udi bu muele wa nvita unudi nutamba nʼau bakuabo! Bantu badi nʼenu lukuna nebanukokele, nuenu nenudiate mikuna yabo mu makasa enu.

1 Petro 4:3

Bualu bua matuku mahite akakumbana bua nuenu nulonde disua dia bisamba bia bende, ne bua nuenu nuende mu tshienzenza tshia masandi, mu nkuka, mu kukuatshika kua malulu, mu manaya a bundu, mu tshingu tshia banu ba malulu, ne mu kutendelela kua mpingu mibi.

Didimanyisha 22:14

Disanka didi kudi badi buvua mayeka abo, bua bobo bikale ne bukokeshi bua kuluabo ku mutshi wa muoyo, ne bua kubuela ku bibi munda mua musoko.