Mika 7:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Neanyi udi Nzambi bu wewe, udi ubajimishila bubi, udi ulekelela difuka dia buhianyi buandi bubi bua ditomboka diabo? Yeye kena ushala ne tshiji tshiendelele, bualu bua udi usanka bua kulesha bantu luse lujalame.

MUKANDA WA MYIDI MUKULU

¹⁸ Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Mika 7:18 ပူးပေါင်းရင်းမြစ်များ

Genese 4:7

Biwenza bimpe, kuena ubanduluka, anyi? Kadi biwokala kuyi wenza bimpe, bualu bubi budi bualamina ku mbelu kuebe, mutshima wa bubi newikale kudi, kadi wewe ubukokeshe.

1 Bakalenga 8:23

wakamba ne, Yehowa, Nzambi wa Isalele, kakuena nzambi mukuabo bu wewe mu diulu anyi hanshi ha buloba: utu wamana bihungidi ne luse lujalame kudi bantu bebe badi benda ku mpala kuebe ne mitshima yabo yonso;

2 Kulondolola 30:9

Bualu bua binuakudimuna mitshima yenu kudi Yehowa kabidi, bakuenu ne bana benu balela nebahete luse ku mesu kua bantu bakaya nʼabo mu buhika, nebahingane ku buloba ebu kabidi; bualu bua Yehowa Nzambi wenu udi mûle tente ne luse ne dinanga, kena unukoma nyima binuahingana kudiye.

2 Kulondolola 6:21

Witabushe kutendekena kua muntu webe, ne kua bantu bebe Bena Isalele, hatendelelabo ku muaba eu; bulelela, unvue biebe mu muaba webe, mu diulu mene; ne haunvua, utubuikidile mibi yetu.

Nehemya 9:17

bakabenga mua kuyitumikila, kabakelangana meji a malu a kukema awakenza munkatshi muabo; kadi bakambula mpala yabo; mu kutomboka kuabo bakadisunguila mulombodi wa kubahingisha mu buhika buabo. Kadi wewe udi Nzambi utu wasua kubuikidila bantu mibi yabo, udi ne diakalengele ne luse, kutu wakihata tshiji lubilu, udi mûle tente ne dinanga, kuakabalekela.

Misambu 103:13

Bu mudi tatu ufuila bana bandi luse, mbu mudi Yehowa ufuila badi bamunemeka luse.

Misambu 130:4

Kadi dibuikidila dia mibi didi kûdi, bua wewe unemekibue.

Misambu 35:10

Mifuba yanyi yonso neyambe ne, Yehowa, udi bu wewe nganyi? Wewe udi usungila muena makenga kudi muntu udi umuhita bukole, udi usungila muntu udi muena makenga ne muhele kudi muntu udi mumunyenge.

Misambu 65:3

Malu a dihambuka dianyi adi antamba bukole; wewe udi umbuikidila matomboka etu.

Misambu 65:4

Disanka didi kudi muntu udi usungula ne ûdi ufikisha hehi nʼebe, bua ashikame mu biendelu bia tshitendelelu tshiebe! Tuetu netuikale ne mitshima mitalale bua buimpe bua nsubu webe, ntempelo webe wa tshijila.

Misambu 71:19

Nzambi, buakane buebe budi bufika tô ne kulu. Wewe wakuenza malu manene, Nzambi, udi bu wewe nganyi?

Misambu 86:15

Kadi wewe, Mukelenge, udi Nzambi udi ufuila bantu luse ne diakalengele; udi ne lutulu ludi lukanda tshiji tshiebe, udi mûle tente ne luse lujalame ne lulamatu lua bushuwa.

Misambu 86:5

Bualu bua wewe, Mukelenge, udi muimpe, ne mutshima webe udi musue kubuikidila bantu mihi yabo; udi mûle tente ne luse lujalame kudi bonso badi bakubikila,

Misambu 89:6

Nganyi udi mu diulu udi mua kuelekeshibua ne Yehowa? Nganyi munkatshi mua bana halume ba bakole ba mu diulu udi mua kufuanangana ne Yehowa,

Misambu 89:8

Yehowa Nzambi wa misumba, udi ne bukole bu mûdi wewe, Yehowa, nʼabu nganyi? Lulamatu luebe lua bushuwa ludi lukunyunguluka.

Ekesode 15:11

Nganyi udi bu wewe Yehowa, munkatshi mua nzambi mikuabo? Nganyi udi bu wewe, udi ne butumbi bua tshijila, udi utshinyisha bantu ne bienzedi bia butumbi, udi wenza malu a kukema?

Ekesode 34:9

Yeye wakamba ne, Bingikala muhete dianyisha ku mesu kuebe, Yehowa, witabushe bua Yehowa aye biandi munkatshi muetu; nansha bantu aba bikale ne buhidia bukole; utubuikidile kuhanga kuetu ne mibi yetu, utuitabushe bu buhianyi buebe.

Yeshaya 1:18

Yehowa udi Wamba ne, Luai bienu, tuhunge dî bua bualu ebu: nansha hikala mihi yenu mikunze-kunzû, neyikale ne butoke bua neige; anyi bikalayi mikunze bu mashi, neyikale mitoke bu miosa ya mikoko.

Yeshaya 33:24

Muena musoko kena wamba ne, Ndi ne disama, bantu badi bashikamemu nebikale ne mihi yabo mijimishibue.

Yeshaya 38:17

Mona, bua meme kuheta ditalala ku nyima nakadi ne kanyinganyinga kakole diambedi; kadi dinanga diebe dia muoyo wanyi diakûmusha mu dijimba dia kabutu; bualu bua wewe wakuela mibi yanyi yonso ku nyima kuebe.

Yeshaya 40:18

Nenuelekeshe Nzambi ne nganyi? Nenumufuanyikishe kudi tshifuanyikishi kai?

Yeshaya 40:25

Wa Tshijila udi ukonka ne, Nenunfuanyikishe kudi nganyi, bua meme ngikale nʼandi muomumue?

Yeshaya 43:25

Meme, meme mene, ndi yeye udi ukubuikidila mihi yebe bua bualu buanyi bume, tshiena nvuluka malu mabi ebe kabidi.

Yeshaya 44:22

Nakujimisha matomboka ebe bu mudi ditutu difike dijimina, ne malu mabi ebe bu mudi dibungi dijimina; uhingane kundi, bualu bua nakukubikila.

Yeshaya 55:7

Muntu mubi alekele kuenda mu nshila wandi mubi, udi kayi muakane alekele meji andi mabi; ahingane biandi kudi Yehowa, yeye neamufuile luse; ne kudi Nzambi wetu, bualu bua yeye neatambe kumubuikidila mibi yandi.

Yeshaya 57:10

Wakadihangisha bualu bua bule bua luendu luebe, kadi kuakamba ne, Bualu ebu budi hatuhu! Wakamona bukole buebe buhingana kûdi, nunku kuakahunga nansha.

Yeshaya 57:16

Bualu bua tshiena ntandangana nʼandi tshiendelele, tshiena ngikala ne tshiji matuku onso; bua nyuma wa muntu udi ufuma kundi, ne nakufuka muhuya wa muoyo.

Yeshaya 62:5

Bu mudi nsongalume ubaka mukashi utshidi kamama, muibaki webe neikale bayebe, ne bu mudi mubaki wa mukashi usanka bua mukashi udiye ubaka, nunku Nzambi webe neasanke bua bualu buebe.

Yeshaya 64:9

Yehowa, kuikadi nʼetu tshiji tshikole, ne kuvuluki malu mabi etu tshiendelele. Unvua, tudi tukusengelela ne, Utumone, buonso buetu tudi bantu bebe.

Yeshaya 65:19

Nensanke bua Yelushalema, nensanke bua bantu banyi; kabena bunvua dî dia madilu anyi dia muadi wa dikenga munkatshi muandi kabidi.

Yirmeya 3:12

Ya, wele mbila ei ku luseke lua node, wamba ne, Yehowa udi wamba ne, Wewe Isalele, mundekedi, hingana kundi, Yehowa udi wamba ne, Tshiena nkutangila ne tshiji; bualu bua ndi ne luse; tshiena ngikala ne tshiji tshiendelele.

Yirmeya 3:5

neashale ne tshiji tshiandi tshiendelele, anyi? Neashale nʼatshi tô ne kundekelu kuatshi, anyi? Mona, wewe wakuamba nunku, kadi wakuenza malu mabi onso akadi mutshima webe musue kuenza.

Yirmeya 31:20

Efelayima udi muanʼanyi munanga, anyi? Udi muana undi nkongoluela, anyi? Bua misangu yonso hanamujiana, ntshidi mmuvuluka. Yehowa udi wamba ne, Nunku mutshima wanyi udi umujinga, nemmufuile luse bulelela.

Yirmeya 31:34

Kabena bayishangana kabidi muntu yonso ne muena mutumba nʼandi, ne muntu yonso ne muanʼabo, bamba ne, Umanye biebe Yehowa; bualu bua buonso buabo nebammanye, kudi udi mutambe buhuekele munkatshi muabo tô ne kudi udi mutambe bunene munkatshi muabo. Bualu bua nembabuikidile mibi yabo, ne tshiena nvuluka malu mabi abo kabidi.

Yirmeya 32:41

Bulelela, nensanke bua kubenzela bimpe, ne nembakune mu buloba ebu mu bushuwa ne mutshima wanyi mujima ne muoyo wanyi mujima.

Yirmeya 33:8

Nembalengeshe ku malu mabi onso akadibo bangenzela; nembabuikidile mibi yabo yonso yakadibo bangenzela ne yakantombokelabo nʼai.

Yirmeya 38:8

Ebede-meleke wakaluhuka mu nsubu wa mukelenge, wakambila mukelenge ne,

Yirmeya 50:20

Yehowa udi wamba ne, Mu matuku au ne mu tshikondo atshi nebakebe dihambuka dia Bena Isalele dia ku buakane, kadi kabena badimona, nebakebe malu mabi a Bena Yuda, kadi kabena basangana; bualu bua meme nembuikidile mibi ya bantu bandi nshiya bu difuka didi dishala.

Yirmeya 9:24

kadi muntu udi utumba atumbile mu bualu ebu ne, Ndi mmujingulula, ndi mumumanye ne, Yeye, Yehowa mene, ngudi wenzesha luse ne kulumbulula kuimpe ne buakane ha buloba. Bua Yehowa udi wamba ne, Ndi nsanka mu malu â.

Yezekiyele 18:23

Mukelenge Yehowa udi ukonka ne, Ndi ne disanka bua lufu lua bantu babi, anyi? Tshiena nsanka bua yeye umuke mu nshila wandi mubi bua ikale ne muoyo, anyi?

Yezekiyele 33:11

Ubambile ne, Mukelenge Yehowa udi wamba ne, Bu mundi meme ne muoyo, tshiena ne disanka bua lufu lua muntu mubi, kadi ndi nsanka bua muntu mubi umuke mu nshila wandi mubi bua ikale ne muoyo. Tshingulukai! Tshingulukai! Lekelai bienzedi bienu bibi! Bualu kai nudi basue kufua, nuenu Bena Isalele?

Yezekiyele 33:16

Kabena bavuluka bubi bumue bua mu malu mabi akenzeye diambedi bua kumubanda nʼabu. Yeye wakuenza malu adi makanangane ne mikenji ne adi makane, neikale ne muoyo bulelela.

Danyele 9:9

Kudi Mukelenge Nzambi wetu kudi luse ne kujimisha kua mibi yetu, bualu bua tuakumutombokela.

Osheya 14:2

Nuye ne mei makane, hinganai kudi Yehowa. Numuambile ne, Utûmushile mibi yonso, witabushe malu adi makane, bua tuetu tufile mishiku yetu kûdi bu milambu ya ngombe.

Osheya 14:5

Nengikale bu mume kudi Bena Isalele, bobo nebele bilongo bu tshilongo tshilengele, nebele miji bu mitshi ya mu Lebanona;

Yowele 2:32

Halua bualu ebu, muntu yonso watela dina dia Yehowa neasungidibue; bualu bua mu mukuna wa Siona ne mu Yelushalema nemuikale bakuabo bahanduke bu muakamba Yehowa; ne munkatshi mua bantu aba badi bashala nemuikale bakuabo badi Yehowa Ubikila.

Amosa 1:11

Yehowa udi wamba dî edi ne, Bua malu mabi asatu a Bena Edome, nansha bua anai, tshiena nkudimuna dikenga dindualua kubakengesha nʼadi; bualu bua bakihata bana babo ne muele wa nvita, bakabenga kubalesha luse nansha lukese; tshiji tshiabo tshiakadiku bikondo bionso, ne bobo bakashala nʼabo lukuna kashidi.

Amosa 7:8

Yehowa wakankonka ne, Amosa, udi umona tshinyi? Nakamba ne, Luidi lua plomb. Ka Yehowa wakamba ne, Mona, nendembeleshe plomb munkatshi mua bantu banyi Bena Isalele; tshiena mbabuikidila bubi kabidi.

Amosa 8:2

Yeye wakankonka ne, Amosa, udi umona tshinyi? Nakamuitaba ne, Tshibondo tshia mamuma mabobe. Hashishe, Yehowa wakangambila ne, Nshikidilu wakufika kudi bantu banyi Bena Isalele; tshiena mbabuikidila bubi kabidi tshiendelele.

Yona 4:2

Wakatendelela biandi Yehowa, wakamba ne, Yehowa, ndi ukukonka ne, Tshiakamba dî edi hantshivua mu buloba buanyi, anyi? Bua muanda eu nakadianjila kunyemena ku Tâshishi; bualu bua nakamanya ne wewe udi Nzambi wa luse, mûle tente ne dinanga, kuyi ukuatshika tshiji lubilu, udi ulesha bantu luse lujalame lukumbane, udi ukudimuna mutshima webe bua dikenga kadikuatshi bantu.

Mika 2:12

Bulelela, nensangishe bana benu bonso, Yakoba; bulelela, nensangishe difuka dia Bena Isalele hohamue; nembasangishe hohamue bu mikoko mivule mu luhangu, bu tshisumbu tshia mikoko mu mpata wai wa mashinde, nebikale ne mutoyi bualu bua bungi buabo.

Mika 4:7

Nenyishe badi benda bazobele difuka dia tshisamba, nenvuishe bantu bakihatabo diambedi bu tshisamba tshinene, ne Yehowa neabakokeshe mu mukuna wa Siona ku dituku edi tô ne tshiendelele.

Mika 5:3

Nunku yeye neabafile mu bianza bia badi nʼabo lukuna tô ne ku tshikondo tshialela mukashi muana, ne hahingana difuka dia bana babo kudi Bena Isalele.

Mika 7:14

Ulombele bantu bebe ne mulangala webe wa bulami, mikoko ya buhianyi buebe, idi mishikame ha nkayai mu ditu munkatshi mua Kâmele; badie biabo mu Bashana ne mu Gilada, bu muakenzabo mu matuku a kale.

Sefanya 3:17

Yehowa Nzambi webe udi munkatshi muenu, muena bukitu bukole udi ukusungila. Yeye neasanke bua bualu buebe ne disanka dinene, neakusangashe mu dinanga diandi, neasanke bua bualu buebe ne kuimba kua misambu.

Dibadika 23:21

Yeye kena mutangile malu mabi munkatshi mua bana ba Yakoba, yeye kena mutangile mitshima mikole munkatshi mua Isalele. Yehowa, Nzambi wandi udi nʼandi ne dî dia lubila dia bukelenge didi munkatshi muabo.

Luke 15:32

Biakadi bimpe bia kusaba ne kusanka, bualu bua muanʼenu eu wakadi mufue, udi ne muoyo kabidi; wakadi mujimine, wakumueneka.

Luke 24:47

mbimpe kabidi bia kuambilabo bisamba bionso bualu bua kukudimuna kua mitshima ne bua kujimishibua kua mibi yabo mu dina diandi, babangile ku Yelushalema.

Rome 11:4

Kadi diandamuna dia Nzambi didi dimuambila tshinyi? Udi Wamba ne, Bua bualu buanyi nakadishila balume binunu muanda mutekete badi kabai batue binu hanshi kudi Bâla.

Dielulula 33:26

Yeshuluna, kakuena mukuabo bu Nzambi, udi ushikama biandi mu diulu bua kukukuatshisha: bulengele buandi budi ku mutu kua matutu.

Yakobe 2:13

Bualu bua dilumbulula kadiena ne luse kudi muntu udi kai muleshe bakuabo luse; luse ludi lutamba dilumbulula kutumba.

Balombodi 10:16

Bobo bakumusha nzambi ya bende yakadi munkatshi muabo, bakakuatshila Yehowa mudimu; ne mutshima wandi wakanyingalala bua ntatu ya Bena Isalele.