Mika 6:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Dî dia Yehowa didi diedibua mu musoko, muena meji neatshine dina diandi.

MUKANDA WA MYIDI MUKULU

⁹ Telejayi bidi Maweja-Nangila wambila badi basomba mu tshimenga: Badi bangata mibelu yende ne mushinga, neabasungidile. “Nuenu bena tshisamba tshia Yuda, nuenu bonsu badi badisangisha mu tshimenga, telejayi!

Mika 6:9 ပူးပေါင်းရင်းမြစ်များ

2 Samuele 21:1

Tshiole tshiakadi ku buloba mu matuku a Davidi bidimu bisatu bilondangane; Davidi wakebesha Yehowa bualu ebu. Yehowa wakamba ne, Bualu ebu buakalua bua Shaula ne bua mashi akamatshishabo mu nsubu wandi, bualu bua wakashiha Bena Gibeona.

Yobe 10:2

Nengambile Nzambi ne, Kumpishi nansha; undeshe bualu butudi tufuila nʼebe.

Yobe 23:14

Bualu bua neashikishe buakumpangidishileye, ne malu makuabo a bungi bu â adi mu mutshima wandi.

Yobe 5:17

Mona, muntu udi Nzambi ubela udi ne disanka; nunku kubengi dikengesha didi Wa Bukole Buonso ukuyisha nʼadi.

Misambu 107:43

Udi ne meji adimuke biandi bua malu â; bantu belangane meji a luse lujalame lua Yehowa.

Misambu 48:10

Nzambi, bu mudi dina diebe dimanyibue, mbu mudi ditumbishibua diebe difika tô ne kunfudilu kua buloba. Tshianza tshiebe tshia balume tshidi tshiule tente ne buakane.

Misambu 83:18

Mbua bamanye biabo ne wewe nkayebe, ngudi muidike dina dia Yehowa, udi Mutambe Bunene wa ha mutu ha buloba bujima.

Misambu 9:16

Yehowa wakudimanyisha kudi bantu, wakukosa bilumbu biabo; bantu babi badi bakuatshibua mu mateyi akenzabo ne bianza biabo.

Nsumuinu 22:3

Muntu mudimuke udi utangila dikenga diamba kumukuata, udi usokoma; kadi batshimbakanyi badi bahitaku, badi bakengeshibua.

Yeshaya 26:11

Yehowa, tshianza tshiebe tshidi tshibishibua kulu, kadi kabena batshimona; kedi bamone lukunukunu lûdi nʼalu bua bantu bebe, bafue bundu; bushuwa, kahia nekoshe badi nʼebe lukuna!

Yeshaya 27:10

Bualu bua musoko wa ngumbu ya nvita udi ushala ha buau, tshishikaminu tshidibo balekela, tshidibo bashiya hatuhu, bu tshihela mene. Mu muaba wawa muana wa ngombe neadie mashinde, nealaleku, neadie ne neamane matamba a mitshi.

Yeshaya 30:27

Monai, dina dia Yehowa didi difuma kule, didi ditema ne tshiji tshiandi, didi mu mulanjilanji wa muishi mufike udi ubanda. Mishiku yandi idi miule tente ne tshiji, ne ludimi luandi ludi bu kahia kadi kashidisha.

Yeshaya 66:6

Unvuai! Mutoyi udi ufuma ku musoko, dî didi difuma ku ntempelo! Ndî dia Yehowa udi uha badi nʼandi lukuna difutu diabo!

Yeshaya 9:13

Kadi bantu aba kabakuhingana kudi yeye wakabakuma, kabakukeba Yehowa wa misumba.

Yirmeya 26:18

Mika, Muena Molesheta, wakambila bantu dî dia Nzambi mu matuku a Hezikiya, mukelenge wa Yuda. Yeye wakambila Bena Yuda bonso ne, Yehowa wa misumba udi wamba ne, Nebabundulule Siona bu mudibo babundulula budimi, Yelushalema nealue anu bikulu, ne mukuna wa ntempelo newikale bu mukuna mu ditu.

Yirmeya 26:6

nunku nenvuishe nsubu eu bu Shilo, ne musoko eu newikale wa mulau kudi bisamba bionso bia ha buloba.

Yirmeya 47:7

Kadi udi mua kuikala talalâ munyi, bualu bua Yehowa wakuwelela mukenji? Wakusunguila mudimu wa kukengesha ba mu Ashekelona ne ba ku muelelu wa mai manene.

Yezekiyele 7:9

Disu dianyi kadiena dinutangila ne dinanga, tshiena nnufuila luse; nennutumine dikenga bu mudi bienzedi bienu, nenteke malu enu a bundu hamʼbidi henu; nenumanye ne, Meme Mukelenge ntu ngakuma bantu.

Osheya 13:16

Bena Samalea nebahishibue bualu bua bakutombokela Nzambi wabo. Nebafue ku muele wa nvita, bana babo batekete nebakoshibue bituha, ne bakashi babo badi ne mafu nebahandibue.

Osheya 14:9

Udi ne meji ajingulule malu â; udi ne lungenyi lua kuamanya, âmanye biandi; bualu bua nshila ya Yehowa idi milulame; bantu bakane badi bendamu, kadi bantu babi badi badishindamu.

Amosa 2:5

Nunku nentumine Bena Yuda kahia, nekashidishe nsubu ya bakelenge ya mu Yelushalema.

Amosa 6:1

Mulau wikale kudi badi bashikame talalâ mu Siona bu badi kabayi ne bualu, ne kudi badi bashikame mu mukuna wa Samalea bu badi kabayi ne ntatu, bantu baneme ba munkatshi mua bisamba binene bia bantu, kudibo baya kudi Bena Isalele!

Mika 3:12

Nunku bua bualu buenu nebabundulule Siona ne lukasu bu mudibo babundulula budimi; Yelushalema neikale bu mishiki ya mabue, ne mukuna wa ntempelo newikale bu mikuna ya muitu.

Mika 6:10

Biuma biakuhetabo ku bibi bitshidi mu nsubu ya bantu babi, anyi? Tshihiminu tshia buivi tshindi ngela mulau tshidimu, anyi?

Mika 6:8

Wewe kampanda, bakukulesha bualu budi buakane; ne Yehowa udi utekemena malu kai kûdi? Anu bua wewe kuenza malu makane, kunanga kulesha bakuabo luse, ne kuenda ne Nzambi webe ne mutshima muhuekele.

Sefanya 3:2

Kawakunvuila dî, kawakuitabusha diyisha. Kawakueyemena Yehowa, kawakusemena hehi ne Nzambi wau.

Didimanyisha 3:19

Bungi bua bandi munange, ndi mbabela, ndi mbakengesha; nunku, wikale ne lukunukunu ne ukudimune mutshima webe.