Mika 6:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Ndi mumanye mua kuitabusha muntu udi ne tshihiminu tshidi tshidinga, ne udi ne tshibombi tshia bihiminu bidi biba, bu muena mutshima mutoke, anyi?

MUKANDA WA MYIDI MUKULU

¹¹ Ndi mua kuhingisha, bantu badi ne bipimu bisendame, ne badi bela bujitu bua dishima, mu bibombu biabu anyi?

Mika 6:11 ပူးပေါင်းရင်းမြစ်များ

Nsumuinu 11:1

Tshiamu tshidibo bidikisha nʼatshi bujitu tshia mashimi tshidi tshitondesha Yehowa, kadi bujitu budibo bidikisha biakane budi disanka diandi.

Nsumuinu 16:11

Tshiamu ne malonga bidi biteta bujitu biakane mbia Yehowa; mabulu onso a mu tshibombi mbintu biakuenzeye.

Nsumuinu 20:10

Majitu a mishindu ibidi ne bihiminu bia mishindu ibidi, bubidi buabi bidi bitondesha Yehowa.

Yezekiyele 45:10

Nuikale ne biamu bidi bidikisha bintu ne tshidikishilu tshiakane, tshihiminu tshia épha tshiakane, ne tshihiminu tshia bintu bienguluke tshiakane.

Osheya 12:7

Bena Efelayima badi bangendʼa mushinga, tshiamu tshia kuidikisha nʼatshi bujitu tshia kudinga nʼatshi tshidi mu bianza biabo; bobo badi bananga kukengesha bakuabo.

Lewitiki 19:36

Nuikale ne bihimu bimpe ne bihiminu bimpe, nuikale ne épha muimpe ne hin muimpe meme ndi Yehowa, Nzambi wenu, wakantaha tula mu buloba bua Ejipitu.

Amosa 8:5

nuambe ne, Ngondo neafue diba kai bua tumanye mua kuhana manvua? Dituku dia Lumingu nedishike diba kai bua tumanye mua kuhatula blé ya kuhana, tukeheshe tshihiminu tshia épha ne tubandishe mushinga wa blé, tudinge bantu ne tshidikishilu tshia mafi;

Zekâya 5:8

Yeye wakamba ne, Mukashi eu udi Bubi mene; wakamusakila munda mua tshihiminu, wakabuikila tshibuikilu tshia tshiamu tshia ntende ku mishiku yatshi.

Dielulula 25:13

Kanuikadi ne biamu bibidi bia kuidikisha nʼabi majitu, ne tshinene ne tshikese.