Mika 5:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Difuka dia Yakoba nedikale munkatshi mua bisamba bia bantu, munkatshi mua bisamba bia bungi, bu nyama wa ntambue munkatshi mua nyama ya muitu, bu muana wa ntambue munkatshi mua bisumbu bia mikoko; yeye mene, biahiteye munkatshi muai, udi widiata, udi wisunsula, ne kakuena muntu wayihandisha.

MUKANDA WA MYIDI MUKULU

⁸ “Eyowa, luisha baluishi bebe, ubashipe, ubasunsule!

Mika 5:8 ပူးပေါင်းရင်းမြစ်များ

Genese 49:9

Yuda udi bu muana wa nyama wa ntambue, wakalekela tshintu tshiandi tshia kudia, wakalamina ne binu biandi bu nyama wa ntambue udi bu mukashi wa nyama wa ntambue, mundi kai wamubisha ku tulu?

Misambu 104:20

Udi uvuisha biebe mîdima, butuku budi biula, halua nyama yonso ya muitu kuhatuka bua kubombelelai.

Misambu 44:5

Ku dikuatshisha diebe tudi mua kushindika badi nʼetu lukuna hanshi. Mu dina diebe tudi mua kudiata badi babika kutuluisha muinshi mua makasa etu.

Misambu 50:22

Telejai matshu enu ku dî edi, nuenu badi bahua Nzambi muoyo, bua meme tshinuhandi bihesa bihesa, kakuena wa mua kunuhandisha!

Nsumuinu 30:30

Nyama wa ntambue udi uhita nyama yonso bukole, kena wahuka bua kushila mukuabo nshila.

Yeshaya 5:29

Tshibingu tshiabo netshikale bu kudila kua nyama wa ntambue mukashi, nebele tshibingu bu mudi bana ba nyama wa ntambue badila ne nebakungule, nebakuate tshintu tshidibo banyenga, nebanyeme nʼatshi, kakuyi muntu wa kutshihandisha.

Yezekiyele 39:10

Nunku kabena ne bua kudiangatshila nkunyi mu madimi abo, anyi kutaha mutshi mukuabo muitu bua kutshiaba nkunyi, bualu bua nebatemeshe kahia kabo ne bielelu abi bia nvita; nebahaule bantu aba bakabahaula, nebanyenge bintu bia bantu aba bakanyenga bintu biabo. Mukelenge Yehowa udi wamba dî edi!

Osheya 5:14

Bualu bua nengikale bu nyama wa ntambue kudi Bena Efelayima, ne bu muana wa nyama wa ntambue kudi Bena Yuda. Meme, meme mene, nembahande ne nengumuke; nenye nʼabo ne kakuena muntu wa babandisha.

Mika 2:12

Bulelela, nensangishe bana benu bonso, Yakoba; bulelela, nensangishe difuka dia Bena Isalele hohamue; nembasangishe hohamue bu mikoko mivule mu luhangu, bu tshisumbu tshia mikoko mu mpata wai wa mashinde, nebikale ne mutoyi bualu bua bungi buabo.

Mika 4:13

Bika biebe, ubashihule, wewe muana mukashi wa Siona, bualu bua nenvuishe lusengu luebe tshiamu, nenvuishe mikono yebe tshiamu tshia mitaku; ne wewe neuboteshe bantu ba bungi; neujidile luhetu luabo kudi Yehowa, ne biuma biabo kudi Mukelenge wa buloba buonso.

Mika 4:7

Nenyishe badi benda bazobele difuka dia tshisamba, nenvuishe bantu bakihatabo diambedi bu tshisamba tshinene, ne Yehowa neabakokeshe mu mukuna wa Siona ku dituku edi tô ne tshiendelele.

Mika 5:3

Nunku yeye neabafile mu bianza bia badi nʼabo lukuna tô ne ku tshikondo tshialela mukashi muana, ne hahingana difuka dia bana babo kudi Bena Isalele.

Mika 7:18

Neanyi udi Nzambi bu wewe, udi ubajimishila bubi, udi ulekelela difuka dia buhianyi buandi bubi bua ditomboka diabo? Yeye kena ushala ne tshiji tshiendelele, bualu bua udi usanka bua kulesha bantu luse lujalame.

Zekâya 10:5

Nebikale bu bena bukitu mu nvita badi badiata badi nʼabo lukuna mu bitahikidi bia misesu; nebaluangane nvita bualu bua Yehowa udi nʼabo, nebafuishe babandi ba ha nyima ha tuhalu bundu.

Zekâya 11:6

Yehowa udi wamba ne, Nunku tshiena nfuila ba mu buloba ebu luse kabidi; monai, nenfile bantu aba bonso, muntu ne muntu mu bianza bia muena mutumba nʼandi, muntu ne muntu mu bianza bia mukelenge wandi; nebavuishe buloba tshikulu, ne tshiena mbahandisha mu bianza bia babashihi.

Zekâya 12:3

Mu dituku adi nenvuishe Yelushalema bu dibue dihite bujitu kudi bantu bonso; bonso badi badiambula nebatahike mputa mibi, ne ba mu bisamba bionso bia ha buloba nebadisangishe hamue bua kumuluisha.

Zekâya 14:18

Bikala tshisamba tshia Bena Ejipitu katshiyi tshibandeku anyi tshibuelemu, nvula kayena ibalokela kabidi; hashishe, tshihuhu netshibalukile tshidi Yehowa ukengesha nʼatshi bisamba bidi kabiyi bibandaku bua kujidila bidia bia disanka dia bitandatanda.

Zekâya 9:15

Yehowa wa misumba neabalame, ne bobo nebatshimune, nebadiate badi bahela mabue; nebanue mashi abo, nebateke diyoyo bu badi bakuatshike nvinyo; nebukute bu malonga adi ne mashi a mulambu, bu matumba a tshioshelu.

Malaki 4:3

Yehowa wa misumba udi wamba ne, Nenudiate bantu babi, bualu bua nebikale bu dinfuenkenya muinshi mua makasa enu mu dituku dindi ngenza malu au.

Dibadika 24:9

Udi walamina bu nyama wa ntambue, udi ulala hanshi bu mukashi wa nyama wa ntambue, nganyi neamubishe? Wakasankisha ikale biandi ne disanka, ne wakuela mulau ikale biandi ne mulau.

Matayi 10:14

Muntu udi kai unuitabusha, udi kai unvua mei enu, hantshidi nuluhuka mu nsubu au anyi mu musoko au, nututule nsenga idi mu makasa enu.

Bienzedi 18:6

Hakamutantamenabo ne hakamuhendabo, yeye wakabanyukuila bilulu, wakabambila ne, Mashi enu ikale ha mitu henu, meme tshiena ne bualu; katataka tô ne tshiendelele nenye kudi bisamba bia bende.

Ebrewu 12:25

Nudimuke bua nuenu kanubidi udi wakula nʼenu. Bikalabo kabai bahanduke, hakahidiabo wakabadimusha ha buloba, kudi kutamba kumueneka ne tuetu katuena tuhanduka, badi bumuka kudi udi utudimusha mu diulu.

Ebrewu 2:3

tuetu mene netuhanduke munyi, bituahetula luhandu bunene nunku, luakadianjila kuambibua kudi Mukelenge, luakajadika bua kutudi kudi bakalunvua kudiye?