Mika 5:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mpindiu udisangishe mu misumba, wewe muana mukashi, muena misumba; badi bakutshintshimika; nebakune mulumbuluishi wa Bena Isalele mulangala ku ditama.

MUKANDA WA MYIDI MUKULU

¹ Maweja-Nangila udi wamba ne: “Wewe Betleyeme wa mu Efrata, ku misoku yonsu ya bena meku a Yuda, udi musoku udi ne bantu bakese. Kadi nempatule muntu wa munda muebe, bua alombole mu dina dianyi, tshisamba tshia bena Izrayele. Muntu awu uvuaku ku kale ne kalele.”

Mika 5:1 ပူးပေါင်းရင်းမြစ်များ

Genese 35:19

Lakele wakafua, bakamujika mu nshila wa ku Efelata (eu udi Beteleheme).

Genese 49:10

Dikombo dia bukelenge kadiena diumuka kudi Yuda, tshibangu tshia bukokeshi katshiena tshiumuka hankatshi ha makasa andi to ne halua Shilo, ne bantu bonso nebakukukuile.

1 Bakalenga 22:24

Hashishe Sedekiya, muana wa Kenana, wakasemena ha buihi, wakataha Mikaya dilu ku ditama diandi, wakamuebesha ne, Nyuma wa Yehowa wakaya mu nshila kai hakafumeye kundi bua kukuambila dî?

2 Bakalenga 24:2

Yehowa wakamutumina bisumbu bia Bena Kasada ne Bena Sulia ne Bena Moaba ne Bena Amona bua kuluanganabo ne Bena Yuda ne bua kubabutula bu muakadi dî dia Yehowa diakabambileye mukana mua bantu bandi baprofete.

Yobe 16:10

Bakela miau bua bualu buanyi; bakuntaha mahi ku matama hakumpetulabo; badi badisangisha hamue bua kungelela tshifufu.

Nsumuinu 8:23

Nakajadikibua ku tshibangidilu tshia bidimu, ku tshibangidilu mene, diambedi buloba kabuyiku.

Yeshaya 10:6

Ndi mmutuma bua kuluangana ne ba mu tshisamba tshia badi babenga Nzambi, ndi mmuelela mukenji bua bantu banakukuatshila tshiji tshianyi, bua kubahaula ne bua kunyenga bintu biabo, ne bua kubadiata muinshi mua makasa bu mudi bantu badiata bitahikidi bia mu misesu.

Yeshaya 33:22

Bualu bua Yehowa udi mulumbuluishi wetu, Yehowa udi mutueledi wa mikenji, Yehowa udi Mukelenge wetu; yeye neatusungile.

Yeshaya 8:9

Tshibukai bituha bituha, nuenu bantu, nukuatshike buowa; telejai matshu enu, nuenu ba mu maloba adi kule; nudiluatshishe bielelu bia nvita, nukuatshike buowa; nudiluatshishe bielelu bia nvita, nukuatshike buowa.

Yeshaya 9:5

Bualu bua tshisabata tshionso tshidi disalayi diluata mu diyoyo dia nvita, ne bivualu bia nvita biakinabo mu mashi, nebikale bintu bia kuoshabo, bu nkunyi ya kuela mu kahia.

Yirmeya 25:9

monai, nentume dî bua kuangata ba mu meku onso a ku luseke lua ku nôde, mmudi Yehowa wamba; nembikile Nebukadenesâ, mukelenge wa Babulona, muntu wanyi; nendue nʼabo bua kuluisha bena buloba ebu ne bonso badi bashikamemu, ne bua kuluisha ba mu bisamba bidi binunyunguluke. Nembutule ba mu buloba ebu, nembavuishe bu tshintu tshidi tshikemesha bantu, tshidibo babingila, bu bikulu tshiendelele.

Yirmeya 4:7

Nyama wa ntambue wakubandaku, mufume mu tshihuka muakadiye, mubutudi wa bisamba bia bantu; udi mu nshila wandi, muhatuke mu muaba wandi bua kuvuisha buloba buenu tshihela, bua misoko yebe ibutuke, ikale kayiyi ne bantu.

Muadi 3:30

Afile ditama diandi kudi udi umututa; ukutshishibue tente ne bihendu.

Yezekiyele 21:32

Newikale bu lukunyi mu kahia; mashi ebe neamate mu buloba; kabena bakuvuluka kabidi; bualu bua meme, Yehowa, nakuamba nunku.

Yezekiyele 24:2

Muana wa muntu, funda dina dia dituku edi, dituku edi mene; bualu bua mukelenge wa Babulona wakabanga kutshintshimika Yelushalema dituku edi mene.

Danyele 9:25

Nunku Umanye, ujingulule ne, Diba diakahatuka mukenji ne, Bahingashe bantu mu Yelushalema ne base musoko tshiakabidi, tô ne ku difika dia muntu muedibue manyi ha mutu, mukokeshi mene, mbingu muanda mutekete neyihite. Hashishe, mu mbingu makumi asambombo ne ibidi nebase musoko tshiakabidi, muikale ne muaba munene bu wa tshisalu ne misesu; tshikondo etshi netshikale tshia ntatu mene.

Yowele 3:9

Elai dî edi munkatshi mua bisamba bia bantu ne, Longololai bintu bia nvita. Bishai bena bukitu. Bena nvita bonso basemene ha buihi, baye ku nvita.

Amosa 2:3

Nenshihe nfumu bua kikadi munkatshi muabo, nenshihe bakokeshi bonso diatshimue nʼandi. Yehowa udi wamba nunku.

Abakuke 1:6

Monai, ndi mbisha Bena Kasada, tshisamba atshi tshia bantu badi ne luonji ne benji ba malu lukasa lukasa, badi bahitshila mu buloba bujima bua kunyengabo miaba ya kushikama idi kayiyi yabo.

Abakuke 3:16

Nakunua malu â, ne mutshima wanyi wakuhampakana, mishiku yanyi yakukanka bua tshiona atshi. Mifuba yanyi yakuvingutuka, nakuzakala mu muaba unakuimana; ndi ne bua kuindila dituku dia ntatu, muhuwe talalâ; tô ne haluadi kudi bantu badi batukengesha.

Matayi 26:67

Hashishe, bakamutuila mate mu mesu, bakamukuma bisusu, bakuabo bakamukuma mikumu,

Matayi 27:30

Akamutuila lute, akangata mulangala, akamukuma nʼau mu mutu wandi.

Matayi 5:39

Kadi meme udi nuambila ne, Kanuluanganyi ne muntu mubi; biakukuma muntu dihi ku ditama dia ku tshianza tshia balume, umuandamuine dia ku bakashi kabidi.

Yowanane 18:22

Hakambeye dî edi, kahalai kakuabo kakadi kimane nʼandi ha buihi kakamukuma, kakamba ne, Wakukudimuina muakuidi wa Nzambi dî nunku tshinyi?

Yowanane 19:3

akalua kudiye, akamuambila ne, Muoyo, Mukelenge wa Bena Yuda. Akamukuma.

Bienzedi 23:2

Muakuidi mimene wa Nzambi, dinu diandi Anania, wakambila bakadi bimane ha buihi ngandi bua kumukumabo ku mishiku.

2 Korente 11:20

Bualu bua nudi nulesha muntu lutulu, bianuvuisheye bahika, biadieye bintu bienu, bianukuateye lukole, biadibandisheye, bianukumeye ku mesu.

Dielulula 28:49

Yehowa neanutumme tshisamba tshia kule kuakua ku ditunga dikuabo bu nyunyu wa mukanku; kanuena bamanye muaku wa tshisamba atshi;

Dielulula 33:27

Nzambi wa kashidi udi muaba webe wa kushikama talalâ, ne maboko andi a tshiendelele atu akubisha: yeye wakihata bena lukuna ku mesu kuebe, ne yeye wakamba ne, Bashihai.

Balombodi 17:7

Nsongalume wakadiku wa mu Beteleheme-yuda, wa mu tshisamba tshia Yuda, wakadi Muena Lewi; wakasombaku.