Mika 4:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Wewe, tshibumba tshia balami ba mikoko yanyi, mukuna wa muana mukashi wa Siona, bukokeshi nebufike kûdi; e, bukokeshi buwakadi nʼabu diambedi nebufike kûdi, bukelenge bua muana mukashi wa Yelushalema.

MUKANDA WA MYIDI MUKULU

⁸ Wewe, mukuna wa Yerushalayime, udi ulama bantu bimpe, bu mudi kaleya ka kutentekela baluishi, neupete tshiakabidi bumfumu buebe, buuvua nabu kale. Yerushalayime neikale tshiakabidi, tshimenga tshikulu tshia bukalenga.”

Mika 4:8 ပူးပေါင်းရင်းမြစ်များ

Genese 35:21

Isalele wakabisha luendu luandi, wakashimika ntenta yandi ku nyima kua tshibumba tshinene tshia Ede.

2 Samuele 5:7

Kadi Davidi wakanyenga musoko wa lumbu wa Siona; eu udi musoko wa Davidi.

Nehemya 3:25

Palala, muana wa Uzai, wakalongolola buludiludi ne ditumba dia lumbu tô ne ku tshibumba tshiakadi tshiasa hehi ne nsubu wa mukelenge wakadi ku mukuna, tshidi ku luseke lua luhangu lua balami ba ku bibi. Ku nyima kuandi Pedaya, muana wa Palosha, wakalongolola.

Misambu 24:7

Ambulai mitu yenu, nuenu bibi bia musoko; banuambule, nuenu bibi bia kale, bua Mukelenge wa Butumbi abuelemu!

Misambu 48:3

Nzambi wakudimanyisha mu mbalasa yau bu tshinyemenu tshile.

Misambu 61:3

bualu bua wewe udi tshinyemenu tshianyi, udi tshibunda tshikole ku mpala kua badi nʼanyi lukuna.

Musambu wa Solomo 4:4

Nshingu webe udi bu tshibunda tshia Davidi, tshiakaseye bua bintu biandi bia nvita, tshidibo balembeleshe bintu bia nvita bia bantu tshinunu ne ngabu ya bena bukitu.

Yeshaya 1:26

Nenkuhingashile balumbuluishi bebe bu muakadi aba ba diambedi, ne bafidi bebe ba meji bu muakadi ba ku tshibangidilu. Hashishe nebakubikile ne, Musoko wa buakane, musoko udi bantu bamanye mua kueyemena.

Yeshaya 10:32

Dituku edi mene neatule ku Nobo, neavunge mbala ku mukuna wa muana mukashi wa Siona, mukuna wa Yelushalema mene.

Yeshaya 5:2

Yeye wakabubundulula, wakumusha mabue onso akadimu, wakakunamu mionshi ya tumuma yakatamba buimpe, wakasa tshibumba tshia batentekedi munkatshi muabu, wakumbula tshikaminu tshia tumuma mu dibue diakadimu; wakatekemena ne, Budimi nebukuamishe tumuma tua nyinyo tuimpe, kadi buakakuamisha tumuma tusasa.

Danyele 2:44

Mu matuku a bakelenge aba Nzambi wa mu diulu neajadike bukelenge bukuabo budi kabuyi bubutudibua tshiendelele. Bukokeshi buabu kabuena buhianyibua kudi bantu bakuabo, kadi nebutshibule makelenge â onso bituha bituha, nebuabutule, ne buobu nebujalame tshiendelele.

Danyele 7:18

Kadi bansanto ba Nzambi Mutambe Bunene wa mu diulu nebangate bukelenge, bukelenge nebuikale kudibo tshiendelele, lahalaha.

Obadya 1:21

Bahikudi nebabande ha mukuna wa Siona bua kulumbuluisha mu mukuna wa Esau, ne bukelenge nebuikale bua Yehowa.

Mika 2:12

Bulelela, nensangishe bana benu bonso, Yakoba; bulelela, nensangishe difuka dia Bena Isalele hohamue; nembasangishe hohamue bu mikoko mivule mu luhangu, bu tshisumbu tshia mikoko mu mpata wai wa mashinde, nebikale ne mutoyi bualu bua bungi buabo.

Zekâya 9:10

Yeye neatshibule dikalu dia nvita ku Efelayima, neashihe kabalu ka nvita ku Yelushalema, neatshibule buta bua nvita; neambe mei a kuvuisha nʼau ditalala munkatshi mua bisamba bia bantu. Bukokeshi buandi nebuikale ku mai manene tô ne ku mai manene makuabo, ne ku musulu wa Pelata tô ne kunfudilu kua buloba.

Zekâya 9:12

Hinganai bienu ku musoko udi ne ngumbu ya mabue, nuenu bena lukanu badi batekemena luhandu; dituku edi mene ndi nnuambila ne, Nennuvudishile disanka tshiakabidi.

Zekâya 9:9

Sanka bikole, wewe muana mukashi wa mu Siona; ela mbila ne disanka, wewe muana mukashi wa mu Yelushalema. Mona, Mukelenge webe udi ulua kûdi; yeye udi muakane ne wakutamba hadi nʼandi lukuna bukole; udi ne kalolo, udi wenda ha nyima ha mpunda, ba nyima ha muana wa nyama wa mpunda mene.

Dibadika 24:19

Muntu nealuhuke kudi Yakoba, neikale ne bukelenge butambe, neashihe tshituha tshia bantu badi bashala mu musoko.

Matayi 21:33

Unvuai lusumuinu lukuabo: Muena budimi wakadiku, wakatentula mionshi ya mamuma a nvinyo mu budimi buandi, wakelela budimi luhangu lua mitshi idi isasa, wakimbamu dina dia kukamina mamuma, wakasa nsubu wa batentekedi mule, wakabushia mu bianza bia ba bidime, wakaya biandi ku luseke lukuabo kule.

Marke 12:1

Yesu wakabanga kubambila malu mu nsumuinu. Muntu wakatentula mionshi ya mamuma a nvinyo mu budimi buandi, wakelela budimi luhangu lua mitshi idi isasa, wakimbamu dinu dia kukamina mamuma, wakasa nsubu wa batentekedi mule, wakabushîa mu bianza bia ba bidime, wakaya biandi ku luseke lukuabo kule.

Efeze 1:21

kule ku mutu kua bunfumu buonso ne bukokeshi buongo ne bukole buonso ne bukelenge buonso ne dina dionso diedibua, kenganu mu tshikondo etshi kadi mu tshikondo tshilualua kabidi.

Didimanyisha 22:5

Kakuena kuikala butuku kabidi; ne kabena bakengela dinkenka dia muinda, nasha munya wa diba; bualu bua Mukelenge Nzambi neabatemene; ne bobo nebakokeshe tshiendelele.