Mika 3:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bamonyi ba malu nebatatakane, batempi nebakuatshike bundu; buonso buabo nebabuikile bianza ku mishiku, bualu bua Nzambi kena ubitaba.

MUKANDA WA MYIDI MUKULU

⁷ Bantu bonsu badi bamba malu adi kaayi manji kuenzeka, nebadibuikile bilamba ku mesu, bua kusokoka bundu buabu, bualu Mvidi Mukulu kena ukumbaja bidibu bamba.

Mika 3:7 ပူးပေါင်းရင်းမြစ်များ

Misambu 74:9

Katuena tumona bimanyinu bietu; kakuenaku muprofete kabidi, ne kakuena muntu munkatshi muetu udi mumanye bule bua tshikondo tshia bualu ebu.

Ekesode 9:11

Bena bilengulengu kabakamanya mua kuimana ku mpala kua Mose bualu bua mputa ya mbalanga, mputa yakadi hamʼbidi ha bena bilengulengu ne hamʼbidi ha Bena Ejipitu bonso.

Yeshaya 44:25

Ndi yeye udi uhumbisha bimanyinu bia bena mashimi, udi uvuisha batempi ba mbuku bu bahale; udi wakikisha bena meji tshianyima, udi uvuisha meji abo buhote.

Yirmeya 18:18

Mu diba adi bakamba ne, Luai, tuelele Yelemiya tshifufu; bualu bua mikenji kayena yumuka kudi muakuidi, meji kaena umuka kudi bena meji, ne dî kadiena diumuka kudi muprofete. Luai, tumutahe ne ludimi, katuteleji matshu etu ku mei andi kabidi.

Yezekiyele 24:17

Humuna biebe muoyo, kadi humuna muoyo anu talalâ, kuashidi mufue webe eu madilu; ujingile tshitambala ku mutu kuebe, luata bisabata biebe ku makasa; kubuikidi mishiku yebe, ne kudi bidia bia bena madilu.

Yezekiyele 24:22

Hashishe nenuenze bu munakuenza: kanuena nubuikila mishiku yenu, kanuenji nudia bidia bia madilu.

Lewitiki 13:45

Muena nsudi eu neahande bilulu biandi, neashiye nsuki ya ku mutu kuandi tshianana, neabuikile mushiku wandi wa ha mutu, nêle mbila ne, Tshiena muakane, tshiena muakane.

Amosa 8:11

Mukelenge Yehowa udi wamba ne, Monai, mu matuku ulualua, nentume tshiole mu buloba, tshidi katshiyi bu tshiole tshia bia kudia, ne nyota idi kayiyi bu nyota ya mai, kadi ntshiole tshia kunvua mei a Yehowa.

Mika 3:4

Hashishe, nebadile kudi Yehowa, kadi yeye kena ubunvuila; yeye mene neusokoke mpala wandi kudibo mu tshikondo atshi, bualu bua bakuenza malu mabi.

Mika 7:16

Ba mu bisamba bia bantu nebamone malu â, nebakuatshike bundu nansha bobo bikale ne bukole bua bungi; nebateke bianza biabo ku mishiku, ne matshu abo neikale mahate.

Zekâya 13:4

Mu dituku adi baprofete nebakuatshike bundu, muntu ne muntu bua tshikena kumona tshiandi, hambeye mei bu muprofete; kena udiluatshisha ne tshikutu tshia miosa bua kudinga nʼatshi bakuabo.

1 Samuele 14:37

Shaula wakakonka Yehowa lungenyi ne, Nenye kulonda Bena Peleshete, anyi? Wewe neubafile mu bianza bia Bena Isalele, anyi? Kadi Yehowa bakamukudimuna dî dituku adi.

1 Samuele 28:15

Samuele wakebesha Shaula ne, Wakantatshisha bua kumbisha nunku bualu kai? Shaula wakamuitaba ne, Bualu bua ndi ntamba kutata. Bualu bua Bena Peleshete bakalua kuluangana nʼanyi ne Nzambi wakandekela, kena muitabe kundi kabidi nansha kudi baprofete nansha ku bilota: nunku nakukubikila bua wewe kummanyisha tshindi mua kuenza.

1 Samuele 28:6

Shaula wakakonka Yehowa lungenyi, kadi Yehowa kakamuitaba, nansha mu tshilota nansha ku Ulima, nansha kudi baprofete.

1 Samuele 9:9

(Kale kale mu Isalele hakaya muntu bua kukonkeye Nzambi bualu, wakadi wamba ne, Tuye bietu kudi mumonyi wa malu: bualu bua udibo babikila muprofete katataka, diambedimbedi bakadi bamubikila mumonyi wa malu.)