Matayi 27:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Hakaluhukau akasangana Muena Kule ne, dina diandi Simona, akamuenzesha ku bukole bua kutualeye mutshi mutshiamakane wa Yesu.

MUKANDA WA MYIDI MUKULU

³² Pavuabu bumuka mu tshimenga, kusangilabu ne muntu wa mu musoku wa Sirene. Dina diende nSimone. Basolayi kumukolela bua ambule mutshi mutshiamakane wa Yezu.

Matayi 27:32 ပူးပေါင်းရင်းမြစ်များ

1 Bakalenga 21:10

nushikike bantu babidi bena lukinu ku mpala kuandi, bobo bamudingile ne, Wewe wakuhenda Nzambi ne mukelenge kabidi. Hashishe nuye nʼandi ha bule, numushihe ne mabue.

1 Bakalenga 21:13

Bantu aba babidi, bena lukinu, bakabuela, bakashikama ku mpala kuandi; bena lukinu aba bakamudingila, Nabota mene, ku mesu kua bantu bonso, bamba ne, Nabota wakahenda Nzambi ne mukelenge kabidi. Hashishe bakumuka nʼandi mu musoko, bakamushiha ne mabue.

Lewitiki 4:12

ne mubidi wandi mujima, neabituale ku butshika bua tshitudilu ku muaba muteke kudibo bela butue, neabioshe ha nkunyi ne kahia, yeye neabioshile kudibo bela butue.

Lewitiki 4:21

Yeye neatuale muana mulume wa ngombe ku butshika bua tshitudilu, neamuoshe ha kahia bu muakenzeye ne muana mulume wa ngombe wa kumudilu eu udi mulambu wa kubuikila nʼau bubi bua bantu bonso.

Lewitiki 4:3

bienza muakuidi muela manyi ha mutu bualu bubi budi buhisha bantu, yeye nealele mulambu wa muana wa ngombe udi kayi ne tshitema kudi Yehowa, bu mulambu wa kubuikidila nʼau bubi buandi.

Matayi 16:24

Yesu wakambila bayidi bandi ne, Biasua muntu kundonda, adihidie, ambule mutshi wandi mutshiamakane, alonde.

Matayi 5:41

Biakuendesha muntu ntanta wa kilometa umue ku bukole, wende nʼandi ntanta wa kilometa ibidi.

Marke 15:21

Muntu dina diandi Simona, Muena Kulene, tatu wa Alesandelo ne Lufo, wakadi ufuma ku mpata; hakasangileye nʼabo, masalayi akamuenzesha ku bukole bua kuyeye nʼabo, mutuale mutshi mutshiamakane wa Yesu.

Luke 23:26

Hakadibo baya nʼandi, bakakuata muntu dina diandi Simona, Muena Kulene, wakadi ufuma mu ntshiamba, bakateka mutshi mutshiamakane ha diaha diandi, autuale ku nyima kua Yesu.

Yowanane 19:17

Bakangata Yesu; yeye wakaluhuka mudituadile mutshi wandi mutshiamakane, wakaya ku muaba udibo babikila ne, Muaba wa Kabalubalu ka Mutu, mu Buena Yuda ne, Gologota.

Bienzedi 11:20

Kadi bakuabo bakadi Bena Kupulio ne Bena Kulene, hakafikabo ku Antiokia, bakabanga kuambila Bena Gelika kabidi lumu luimpe lua Mukelenge Yesu.

Bienzedi 13:1

Munkatshi mua bena ekelesia ba mu Antiokia muakadi baprofete ne bayishi, mena abo akadi Bânaba, ne Shimeona muidika ne, Nigê, ne Lukio wa ku Kulene, ne Manaene wakakola ne muloho Helode, ne Shaula.

Bienzedi 2:10

ne mu Fugia ne mu Pampulia, ne mu Ejipitu ne mu nseke ya Libue ne Kulene, ne ba ku Lomo badi basomba kunoko, ne Bena Yuda ne ba bende bakitabusha bualu bua Bena Yuda,

Bienzedi 6:9

Kadi bakuabo ba mu nsunagoga udibo babikila ne, Ngua Bena Budishikaminyi, ne wa Bena Kulene, ne wa Bena Alesandelia, ne wa Bena Kilikia ne Bena Asia bakabika, bakela mpata ne Stefano.

Bienzedi 7:58

bakamuhatula mu musoko, bakamukuma mabue. Bamonyi ba bualu ebu bakateka bivualu biabo ku makasa a nsongalume dina diandi Shaula.