Malaki 4:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wa misumba udi wamba ne, Monai, dituku nedilue didi diosha bu kahia ka mu tshikutu, ne bonso badi badisue ne benji ba malu mabi honso nebikale bu bisonsa; ne dituku adi didi dilua nedibashidishe, kadiena dibashila nansha muji nansha ditamba.

Malaki 4:1 ပူးပေါင်းရင်းမြစ်များ

Yobe 18:16

Miji yandi neyume muinshi, nebahempe matamba andi kulu.

Misambu 119:119

Wewe udi umana bantu babi bonso ba ha buloba bu mudi mualu umusha tshikanganya; bua muanda eu ndi nnanga mikenji idi ilesha bu mûdi.

Misambu 37:9

Bualu bua benji ba malu mabi nebabutudibue; kadi badi bindila Yehowa nebahiane buloba.

Ekesode 15:7

Mu bunene bua buakane buebe, wewe utu wahita bantu bukole badi badilesha ku mesu kuebe, wewe udi ubatumina tshiji tshiebe, tshidi tshibosha bu bilu.

Yeshaya 40:24

Kabena banze kukunyibua musangu mule, kabena banze kumiaminyibua, kabena banze kuela miji yabo bikole mu buloba, heleye muhuya wandi hamʼbidi habo, ne badi bafubidila, ne nvunde udi ubumusha bu bisote.

Yeshaya 41:2

Wakubisha muntu ku luseke lua esete, udi buakane buakidila mu muaba wonso uyayeye nganyi? Yeye udi umuhesha bisamba bia bantu bidi ku mpala kuandi; udi umuhesha bukokeshi bua kukokesha nʼabu bakelenge; muele wandi wa nvita udi ubavuisha bu dinfuenkenya, buta buandi budi bubavuisha bu bisote bihehuka kudi luhehele.

Yeshaya 47:14

Mona, nebikale bu bisonsa; kadilu nekaboshe; kabena badisungila ku bukole bua kadilu; bua kadilu aka kakena kikala makala a kuotaku, kakena kikala kahia ka kushikama ku mpala kuaku.

Yeshaya 5:24

Nunku bu mudi ludimi lua kahia luosha misengeleke ya mponda, ne bu mudi bisonsa biume bihona hanshi mu kahia, muji wabo newikale bu tshintu tshibole, tshilongo tshiabo netshibande mulu bu mudi luhuishi luenza, bualu bua bakuhita diyisha dia mikenji ya Yehowa wa misumba, bakulengulula dî dia Wa Tshijila wa Isalele.

Yeshaya 9:18

Bualu bua malu mabi adi osha bu kahia, kadi kosha meba ne mingonge, hashishe kadi katemesha mitshi ya mu bihuka kabidi, ne bidi bibanda mulu mu milanjilanji ya muishi wa kahia.

Yeshaya 9:19

Bualu bua tshiji tshia Yehowa wa misumba buloba buakulua, ne bantu badi bu nkunyi ya kuela mu kahia, kakuena muntu udi Usungila muanʼabo.

Yezekiyele 20:38

Nengumushe badi bantombokela ne badi bangenzela bibi munkatshi muenu. Nembahatule mu buloba budibo bashikame, kadi kabena babuela mu buloba bua Isalele; nunku nenumanye ne, Meme ndi Yehowa.

Yezekiyele 21:32

Newikale bu lukunyi mu kahia; mashi ebe neamate mu buloba; kabena bakuvuluka kabidi; bualu bua meme, Yehowa, nakuamba nunku.

Yezekiyele 24:11

Hashishe ambika luesu luikala munda mutuhu heku bua tukuate kahia kakole, bua tshiamu tshialu tshia mitaku tshikuate kahia tô ne hakunzatshi, ne bua bukoya bualu bulungule ne buvingutuke munda mualu, ne bua dimoma dialu diumuke.

Yezekiyele 34:17

Bua bualu buenu, nuenu ba mu tshisumbu tshianyi tshia mikoko. Mukelenge Yehowa udi wamba ne, Monai, nendumbulule bilumbu bidi hankatshi ha mukoko ne mukoko ne bia hankatshi ha bimpanga ne mpumbu ya mbushi.

Yezekiyele 7:10

Monai, dituku edi didiku! Monai, didi dilua! Kunshikidilu kudi kulua ha buihi. Mulangala webe wa bubi wakuela ntonga, dihetu diakusampila,

Yowele 2:1

Elai mpungi mu Siona, elai mbila mu mukuna wanyi wa tshijila! Bena buloba ebu bonso bazakale; bualu bua dituku dia Yehowa didi diamba kulua, didi ha buihi!

Yowele 2:31

Diba nedikudimuke midima ne ngondo neakudimuke mashi, diambedi dituku adi dinene dia Yehowa, didi dikuatshisha bantu buowa, kadiyi dianze kulua.

Amosa 2:9

Kadi meme hanyi nakashiha Muena Amole ku mpala kuabo, bule buandi buakadi bu bua mitshi ya cèdre, ne bukole buandi buakadi bu bua mitshi ya telebinta; kadi nakanyanga mamuma andi akadi kulu, ne miji yandi ya kuinshi.

Obadya 1:18

Bena Yakoba nebikale kahia, ne Bena Yosefe nebikale ludimi lua kahia, ne Bena Esau nebikale bisonsa, ne bobo nebaboshe, nebabashidishe, kakuena muntu umuehele washala kudi Bena Esau, bualu bua Yehowa nguakuamba dî edi.

Nahume 1:10

Badi bajingakane bu mingonge ya meba, badi bakuatshike maluvu abo, badi balue bu bisonsa biume

Sefanya 1:14

Dituku dinene dia Yehowa didi ha buihi; didi ha buihi ne didi didiendesha lukasa! Tshiona tshia dituku dia Yehowa tshidiku; muena bukitu neadile bikole mu diba adi.

Sefanya 1:18

Biamu biabo, nansha bia argent, nansha bia or, kabiena mua kubahandisha mu dituku dia njiya ya Yehowa; kadi buloba buonso nebuhie ku kahia ka mukau wandi. Bualu bua neabutule bantu bonso badi bashikame ha buloba ne dibutula didi dikuatshisha bantu buowa.

Zekâya 14:1

Monai, dituku dia Yehowa dilualua, dialuabo kuabanyangana bintu biebe munkatshi muenu mene biakanyengabo mu nvita.

Malaki 3:15

Mpindiu tudi tubikila badi badisue ne, Badi ne dikasa dimpe; bulelela, benji ba malu mabi hadi bajadikibua; bulelela, badi bateta Nzambi badi bahanduka.

Malaki 3:18

Hashishe, nenujingulule ditahuluka didi hankatshi ha bantu bimpe ne bantu babi, hankatshi ha badi bakuatshila Nzambi mudimu ne badi kabayi bamukuatshila mudimu.

Malaki 3:2

Kadi nganyi wamanya mua kushala holâ mu dituku dia kulua kuandi? Nganyi washindama hamuenekeye? Bualu bua yeye udi bu kahia ka mukunjishi wa biamu, ne bu nsabanga wa musukuidi wa bilulu.

Malaki 3:3

Yeye neashikame hanshi ukunjisha ne ulengesha tshiamu tshia argent, nealengeshe bana ba Lewi. Neabakenkeshe bu or ne argent, bua bobo bikale kudi Yehowa bu bantu badi bafila milambu kudiye mu buakane.

Malaki 4:5

Monai, nennutumine Eliya muprofete diambedi dituku dia Yehowa kadiyi dianji kulua, dituku adi dinene ne didi dikuatshisha bantu buowa.

Matayi 3:12

tshihehudi tshiandi tshidi mu tshianza, yeye neatokeshe tshituilu tshiandi bimpe; yeye neasangishe mponda wandi mu mudiba, kadi yeye neoshe bisote mu kahia kadi kakai kajima tshiendelele.

Luke 19:43

Bualu bua matuku nealue adi badi nʼebe lukuna babuelela luhangu, nebatunyunguluke, nebakutshintshimike ku nseke yonso,

Luke 21:20

Hanuatangila bena nvita banyunguluke musoko wa Yelushalema, mimanye ne dibutuka diau diakulua.

Luke 6:23

Dituku adi nusanke, nutuhike bua disanka, bualu bua difutu dienu didi dinene mu diulu; bualu bua bankambua babo bakenzela baprofete nunku kabidi.

2 Tesalonike 1:8

Neadisombuele kudi bantu badi kabai bamanye Nzambi ne kudi badi kabai batumikila lumu luimpe lua Mukelenge wetu Yesu;

2 Petro 3:7

Kadi bua dî diodiumue diulu didiku katataka ne buloba kabidi biakabutshidibua bua kuhia ne kahia bilamibue tô ne ku dituku dia dilumbulula ne dia dibutuka dia bantu badi babenga Nzambi.