Malaki 3:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Yeye neashikame hanshi ukunjisha ne ulengesha tshiamu tshia argent, nealengeshe bana ba Lewi. Neabakenkeshe bu or ne argent, bua bobo bikale kudi Yehowa bu bantu badi bafila milambu kudiye mu buakane.

MUKANDA WA MYIDI MUKULU

³ Neasombe panshi, bu mudi muntu udi wengulula, ulengeja tshiamu. Neumbushe mikiya yonsu ya batuangaji ba mu ndelanganyi ya Levi, pashishe bobu nebalambule milambu yabu kudi Maweja-Nangila. Neabatokeshe bu mudibu batokesha tshiamu tshia mpawungi, ne tshiamu tshitoke tshia mushinga mukole. Diba adi, batuangaji nebafile milambu yabu kudi Maweja-Nangila, mushindu udi mikenji yamba.

Malaki 3:3 ပူးပေါင်းရင်းမြစ်များ

Misambu 116:17

Nenfile mulambu wa disakidila kûdi, nembikile dina dia Yehowa.

Misambu 4:5

Nufile milambu ya buakane, nueyemene Yehowa.

Misambu 4:6

Ba bungi badi bamba ne, Muntu kayi watulesha diakalengele? Yehowa, utubandishile munya wa mpala webe.

Misambu 50:14

Fila mulambu wa disakidila kudi Nzambi, futa mitshihu yebe kudi Udi Mutambe Bunene wa mu Diulu.

Misambu 50:23

Udi ufila disakidila bu mulambu wandi udi untumbisha; nendeshe luhandu lua Nzambi kudi muntu udi ulongolola nshila wandi bimpe.

Misambu 51:19

Hashishe, newikale ne disanka bua milambu mifidibue mu buakane, neusanke bua milambu ya kuosha ha kahia ne ya nyama ya kuosha mijima. Hashishe, nebafile bana balume ba ngombe ha tshioshelu tshiebe.

Misambu 66:10

Bualu bua wewe Nzambi wakatuteta; wakatuteta bu mudibo bateta tshiamu tshia argent mu tshikutu tshia kahia.

Nsumuinu 17:3

Luesu ludiku lua kulengesha tshiamu tshia argent, tshikutu tshidiku tshia kulengeshila tshiamu tshia or; kadi Yehowa udi uteta mitshima.

Nsumuinu 25:4

Umusha tshikanganyi ku tshiamu tshia argent, ne tshiamu tshia kuenza nʼatshi dilonga tshidi tshimueneka kudi nsenda.

Yeshaya 1:25

Nempingishe tshianza tshianyi kabidi hamʼbidi hebe bua kukukengesha, nenkulengeshile ku tshikanganya tshiebe bu mudibo balengesha ne buanga bua nsabanga, nenkûmushile tshiamu tshiebe tshionso tshia hatuhu.

Yeshaya 48:10

Mona, nakukulengesha, kadi tshiakukulengesha bu mudibo balengesha tshiamu tshia argent; nakukuteta mu tshikutu tshia makenga.

Yeshaya 61:6

Kadi nuenu nenubikidibue ne, Bakuidi ba Yehowa; bantu nebanuidike dina ne, Bi kuatshi ba mudimu wa Nzambi wetu. Nenudie biuma bia bisamba bia bantu, ne nenuditumbishe mu butumbi buabo.

Yirmeya 9:7

Nunku Yehowa wa misumba udi wamba ne, Monai, nembengulule, nembatete, bualu kai bukuabo bundi mua kuenza muana mukashi wa bana betu?

Yezekiyele 20:38

Nengumushe badi bantombokela ne badi bangenzela bibi munkatshi muenu. Nembahatule mu buloba budibo bashikame, kadi kabena babuela mu buloba bua Isalele; nunku nenumanye ne, Meme ndi Yehowa.

Danyele 11:35

Bamue ba munkatshi mua badi ne meji nebahone bua kulengeshibua, bua kuvuishibua balengele ne bua kutokeshibua, tô ne hafika tshikondo tshia kunshikidilu. Bualu bua tshikondo tshiakasungulabo tshitshidi ku mpala.

Danyele 12:10

Ba bungi nebadilengeshe, nebaditokeshe, nebavuishibue balengele; kadi bantu babi nebananukile kuenza malu mabi; kakuena umue wa mu bantu babi wajingulula malu, kadi bantu badi ne meji nebâjinguile.

Osheya 14:2

Nuye ne mei makane, hinganai kudi Yehowa. Numuambile ne, Utûmushile mibi yonso, witabushe malu adi makane, bua tuetu tufile mishiku yetu kûdi bu milambu ya ngombe.

Zekâya 13:9

Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

Malaki 4:1

Yehowa wa misumba udi wamba ne, Monai, dituku nedilue didi diosha bu kahia ka mu tshikutu, ne bonso badi badisue ne benji ba malu mabi honso nebikale bu bisonsa; ne dituku adi didi dilua nedibashidishe, kadiena dibashila nansha muji nansha ditamba.

Dibadika 8:6

Angata Bena Lewi munkatshi mua Bena Isalele, ubalengeshe.

Luke 3:16

Yone wakabandamuna buonso buabo ne, Bulelela, ndi nubatiza ne mai, kadi udi muntambe meme ulualua, tshiena ne buakane bua kusulula mionshi ya bisabata biandi; yeye neanubatize mu Nyuma Muimpe ne mu kahia;

Rome 12:1

Nunku, bana betu, ndi nusengelela, bua luse lua Nzambi, bua nufile mibidi yenu bu mulambu udi ne muoyo, wa tshijila, udi usankisha Nzambi bimpe; bualu ebu budi kutendelela kuenu kudi ne meshi.

Rome 15:16

bua meme kuikala mukuatshishi wa mudimu wa Kilisto Yesu mutumibue kudi bisamba bia bende, ngenza mudimu wa muakuidi wa mu lumu luimpe lua Nzambi, bua kufila kuanyi kua bisamba bia bende kuvuishibue mulambu udi Nzambi musue, mujidibue kudi Nyuma Muimpe.

Filipe 2:17

E, bulelela, binahongolodibua ha mulambu ne ha ditendelela dia ditabusha dienu, ndi nsanka bianyi, ne ndi nsanka ne buonso buenu;

Filipe 4:18

Kadi ndi ne bintu bionso ne bitamba; nakukuta bualu bua nakangata bintu kudi Epafodito biakafuma kunudi, muhuya wa dihembu dimpe, mulambu muitabushibue, udi usankisha Nzambi.

2 Timote 4:6

Bualu bila ntshidi mpongolodibua bu mulambu wa bia kunua, ne tshikondo tshia tshimuangi tshianyi tshiafiki.

Tite 2:14

Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.

Ebrewu 12:10

Bulelela, bobo bakatukengesha matuku makese, bu muakuelabo meshi ne, Mbimpe; kadi yeye wakatukengesha bua kutukuatshisha, hua tuetu tuikale bangatshi ba tshijila tshiandi.

1 Petro 1:7

bualu bua kuteta kua ditabusha dienu, nasha ditetshibua ne kahia, didi ditamba ngolo udi ujimina mushinga mukole, nekusanganyibue ne butumbi ne dinemekibua ne buneme halua dibuluibua dia Yesu Kilisto.

1 Petro 2:5

nunku nuenu kabidi, bu mabue adi ne muoyo, nuakashibua nsubu wa Nyuma, bua kuikala bakuidi ba tshijila; bua nuenu kufila milambu idi ya nyuma mitabushibue kudi Nzambi bualu bua Yesu Kilisto.

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.

Didimanyisha 1:6

ne wakatuvuidisha bukelenge ne bakuidi kudi Nzambi wandi udi kabidi Tatu; kudi yeye mene kuikale butumbi ne bukokeshi tô ne tshiendelele. Amen.

Didimanyisha 3:18

Ndi nkulesha lungenyi lua kusumba ngolo kundi udi mulengeshibue mu kahia bua wewe ulue mubanshi, ne bivualu bitoke bua kudiluatshisha nʼabi bua bundu bua butaka buebe kabumueneki, ne buanga bua kulaba ku mesu ebe bua wewe umanye mua kutangila.

Didimanyisha 5:10

Ne wakabayuisha bukelenge ne bakuidi kudi Nzambi wetu; ne bobo badi bakokesha ha buloba.