Malaki 2:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nuenu nudi nukonka ne, Bualu kai? Mbualu bua Yehowa wakadi mumonyi wa hankatshi hebe ne mukashi wa ku bunsongalume buebe awakulekela; kadi yeye udi muena kuebe ne mukashi wa dihungila diwakuhunga.

MUKANDA WA MYIDI MUKULU

¹⁴ Nudi nukonka ne: katshiena ubianyisha bua tshinyi? Bualu nuvua balaye ku mesu kua Maweja-Nangila ne: nendamate mukaji undi musele ku buana buanyi. Yeye ke muena kuanyi undi musungule. Kadi nuenu kumubenga.

Malaki 2:14 ပူးပေါင်းရင်းမြစ်များ

Genese 2:18

Yehowa Nzambi wakamba ne, Kambimpe bua mulume ashale nkayandi nansha, nemmufukile mukuatshishi bu mudiye.

Genese 31:50

Biwakengesha bana banyi ba bakashi, anyi biwabaka bakashi bakuabo, kakuena mumanyi mukuabo hankatshi hetu, anu Nzambi udi mumanyi wa bualu buetu, meme ne wewe.

Nsumuinu 2:17

Udi ulekela mulombodi wakamubangila hakadiye nsongakashi, udi uhua tshihungidi tshia Nzambi wandi muoyo.

Nsumuinu 30:20

Nshila wa mukashi wa masandi udi nunku: udi udia, udi ukuhula ku mishiku, udi wamba ne, Tshiena muenze bualu bubi.

Nsumuinu 5:20

Bua munyi, wewe muanʼanyi, mûdi ne bua kukuatshika ne dinanga dia mukashi wa bende, ne bua kuela tshituha mu tshiadi tshia muena tshiendenda?

Muambi 9:9

Usanke ne mukashi webe ûdi munange matuku onso a muoyo webe wa ha buloba akukuhabo muinshi mua diba, matuku ebe mene a ha buloba; ebu mbuebe buhianyi bua mu muoyo ne mu midimu yebe iudi wenza muinshi mua diba.

Musambu wa Solomo 1:15

Mona, wanyi munanga, wewe udi mulengele, mona, udi mulengele be; mesu ebe adi bu a nyunyu wa nkutshi.

Yeshaya 54:6

Bualu bua Yehowa wakumbikila bu mukashi mulekedibue ne munyingalashibue mu mutshima wandi, bu mukashi mubakibue mu bunsongakashi buandi hamuhidiabo.

Yeshaya 58:3

Badi bakonka ne, Tuakajila bia kudia, kuakututangila munyi? Tuakunyingalasha mitshima yetu, wewe wakulengulula muanda eu munyi? Tangilai, mu dituku dinudi nujila bia kudia nudi milonda anu malu adi mitshima yenu misue kuenza, nudi nukengesha bena mudimu benu bonso.

Yirmeya 29:23

Yehowa udi wamba ne, Bualu bua bantu aba bakuenza malu a hatuhu mu Isalele, bakuenda masandi ne bakashi ba bena mutumba nʼabo; bakuamba mei a mashimi mu dina dianyi andi tshiyi mubambile bua kuambabo; meme nyeye udi mumanye bualu ebu ne udi mumanyi wabu.

Yirmeya 42:5

Nunku bakambila Yelemiya ne, Yehowa ikale mumanyi wa bushuwa ne utudi mua kueyemena, bua atuhishe bituikala katuyi benze dî dionso didi Yehowa Nzambi webe ututumina mukana muebe.

Yirmeya 8:12

Bakakuatshika bundu hakenzabo malu mabi, anyi? Nansha, kabakakuatshika bundu, nansha kakese; bakûma mu mesu; nunku Yehowa udi wamba ne, Nebahone munkatshi mua badi bahona; mu tshikondo tshinabakengesha nebalenduke.

Yirmeya 9:2

Nakadi kusua kuikala ne muaba wa tshilala benyi mu tshihela wa bena ngendu bua meme mmanye mua kushiya bana betu ne kumuka kudibo! Bualu bua buonso buabo badi bendi ba masandi ne tshisumbu tshia batungidianganyi.

Yezekiyele 16:8

Hanakahitshila ha buihi nʼebe kabidi, nakakutangila, ne wakatshidi mu tshikondo tshia kukunangabo; nunku nakakubaluila tshmialu tshianyi, nakabuikila butaka buebe. Nunku Mukelenge Yehowa udi wamba ne, Bulelela, nakaditshiha kûdi, nakahunga nʼebe tshihungidi, ne wewe wakalua wanyi.

Mika 1:2

Unvuai, nuenu bantu, buonso buenu; telejaiku, wewe buloba ne bintu biebe bionso. Mukelenge Yehowa, Mukelenge mu ntempelo wandi wa tshijila, anuleshe.

Malaki 2:15

Nzambi kakatufuka ne kakatuha muoyo, anyi? Yeye udi ukeba tshinyi? Udi ukeba bana badi banemeka Nzambi. Nunku nudimuke bienu bua umue wenu kalekedi mukashi wa ku bunsongalume buandi.

Malaki 3:5

Yehowa wa misumba udi wamba ne, Nensemene ba buihi nʼenu bua kulumbulula bilumbu bienu; nengikale mumonyi udi utuisha batempeshi ba mbuku ne bena masandi lubilu, bantu badi baditshiha ne mitshihu ya mashimi, badi bakengesha muena mudimu hadibo bamufuta difutu diandi ne mukashi wa mu lufuila ne muanʼa nshiya, bantu badi bakengesha muntu wa tshisamba tshia bende ne badi kabayi bantshina mene.

Malaki 3:8

Muntu neibe bintu bia Nzambi, anyi? Kadi nudi nuiba bintu bianyi! Nudi nunkonka ne, Tuakuiba bintu biebe kudi kunyi? Nku tshia dikumi tshia bintu ne ku bintu binudi nufila.

Balombodi 11:10

Bakulu ba mu Gilada bakambila Yefeta ne, Yehowa ikale mumanyi wa bualu hankatshi hetu; bulelela, netuenze bu mu dî diebe.

1 Samuele 12:5

Wakabambila ne, Yehowa udi mumanyi wa bualu kunudi, ne wandi wakedibua manyi udi mumanyi wa bualu dituku edi ne kanuakasangana tshintu tshia bende mu tshianza tshianyi. Bakamba ne, Yeye udi mumanyi.