Luke 9:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kadi bantu ba bungi, hakatangilabo bualu ebu, bakamulonda; yeye wakabakidila, wakabambila bualu bua bukelenge bua Nzambi, wakakolesha bakadi ne mabedi.

MUKANDA WA MYIDI MUKULU

¹¹ Kadi bantu kumanya bualu, kulonda Yezu. Ke Yezu kubakidila, kubalongesha malu a Bukalenga bua Mvidi Mukulu, kujikija masama a bavua nawu.

Luke 9:11 ပူးပေါင်းရင်းမြစ်များ

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

Matayi 12:15

Hakamanya Yesu bualu ebu, wakumukaku; bantu ba bungi bakamulonda; yeye wakabakolesha bonso,

Matayi 14:14

Yeye wakumuka mu buatu, wakatangila tshisumbu tshinene tshia bantu, wakadi nʼabo luse, wakakolesha bahedi babo.

Matayi 21:31

Bubidi buabo, muana kai wakenza bu muakamba tatu wandi? Bakandamuna ne, Wa kumudilu. Yesu wakabambila ne, Bulelela, ndi nuambila ne, Basangishi ba mulambu ne bakashi ba masandi badi badianjila kubuela mu bukelenge bua Nzambi ku mpala kuenu.

Matayi 21:43

Ndi nuambila ne, Nebanunyenge bukelenge bua Nzambi, nebabuhe tshisamba tshidi tshikuama mamuma abu.

Luke 1:53

Bakadi ne nsala wakabukutshisha ne bintu bimpe; Babanshi wakabahingisha hatuhu.

Luke 5:31

Yesu wakabandamuna ne, Badi ne bukole kabena ne muondahi bualu, anu badi ne mabedi.

Luke 8:1

Hakahita tshituha tshihi, Yesu wakendakana mu bimenga ne mu misoko mikese, wambila bantu bualu bua Nzambi, wenda ne lumu luimpe lua bukelenge bua Nzambi; bayidi bandi dikumi ne babidi bakadi nʼandi,

Luke 8:10

Yeye wakamba ne, Bakunuha bienu lungenyi lua kumanya malu a bukelenge bua Nzambi adi masokoka; kadi badi bambila bakuabo malu anu mu nsumuinu; nunku hamonabo, kabena bamona bimpe; hunvuabo, kabena bajingulula.

Luke 9:10

Hakahingana bapostolo, bakambila Yesu malu akenzabo. Wakabangata, wakaya nʼabo nkayabo mu musoko, dina diau Bete-saîda.

Luke 9:12

Diba diakamba kubuela, bayidi bandi dikumi ne babidi bakalua, bakamuambila ne, Umuangalashe bantu, baye mu misoko ne mu luseke elu bua kulala ne bua kuangata bia kudia: bualu bua kunoko tudi mu tshihela.

Luke 9:2

Yeye wakabatuma bua kuambilabo bantu bualu bua bukelenge bua Nzambi, ne bua kukoleshabo bena mabedi.

Yowanane 4:34

Yesu wakabambila ne, Bidia bianyi bidi kuenza bu mudi wakuntuma musue ne kushikisha mudimu wandi.

Yowanane 6:37

Bonso badi Tatu umpa nebalue kundi; tshiena ngihata walua kundi.

Bienzedi 28:31

ubambila bua bukelenge bua Nzambi, ubayisha malu a Mukelenge Yesu Kilisto ne dikima dionso, muntu kakamukanda.

Rome 10:14

Munyi muamutendekenabo kabai banze kumuitabusha? Munyi muamuitabushabo kabai banze kunvua lumu hiandi? Munyi munvuabo lumu luandi kabai ne muambidi.

Rome 10:17

Nunku ditabusha didi difuma ku diunvua, ne diunvua didi bua dî dia Kilisto.

Rome 15:3

Bua Kilisto kabidi kakadisankisha, kadi bu muakafundabo ne, Bihendu bia bakadi bakuhenda, biakahona hamʼbidi hanyi.

2 Timote 4:2

Ambila bantu dî dia Nzambi mene; nanukila kubambila misangu miakane ne misangu idi kayi miakane; ubakande ku malu abo, ubabele, ubasengelele ne lutulu luonso ne diyisha.

Ebrewu 4:16

Nunku, tusemene ne dikima hehi ne nkuasa wa butumbi wa ngasa, bua tuetu tuhete luse ne bua tusangane ngasa bua kutukuatshisha mu tshikondo tshia dikengela dietu.