Luke 8:52 - Mukanda wa Nzambi Dihungila Dikulukulu ne Dihungila Dihia-dihia 2003

⁵² Bonso bakadi badila, bakadi bamujinga; kadi yeye wakamba ne, Kanudidi; bualu bua yeye kena mufue, udi mulale tulu.

MUKANDA WA MYIDI MUKULU

⁵² Bantu bonsu bavua badila muana, bela miyenga. Ke Yezu kubapuwisha ne: — Puwayi! Nsongakaji ki mmufue to. mMulale!

Luke 8:52 ပူးပေါင်းရင်းမြစ်များ

Genese 23:2

Sala wakafua mu Kiyata-aba (eu udi Hebelone) mu buloba bua Kanana, Abalahama wakaya bua kuaula muadi wa Sala ne bua kumujinga.

2 Samuele 18:33

Kanyinganyinga kakole kakakuata mukelenge, yeye wakabanda ku nsubu wakadi ku mutu kua tshibi, wakadila; hakadiye uya, wakamba ne, Muanʼanyi Abashaloma, muanʼanyi, muanʼanyi Abashaloma! Meme nakadi kukufuila, Abashaloma, muanʼanyi, muanʼanyi!

Ekesode 24:17

Dimueneka dia butumbi bua Yehowa diakadi bu kahia kakole ha mutu ha mukuna ku mesu kua Bena Isalele.

Zekâya 12:10

Nengitshikishile ba mu tshiota tshia Davidi ne ba mu Yelushalema nyuma wa luse ne wa kutendekena; nebamumone wakutuabo difuma; nebamuashile muadi bu mudi muntu washila muanʼandi umuehele muadi, nebamudile ne kanyinganyinga kakole, bu mudi muntu udila ne kanyinganyinga kakole bua lufu lua muanʼa bute wandi.

Matayi 11:17

Tuakunuelela nshiba, kanuena baje, tuakudila, kamina badikume mu biadi.

Luke 23:27

Tshisumbu tshinene tshia bantu tshiakamulonda ne tshia bakashi bakadi badila bamujinga.

Luke 23:48

Bantu bonso bakadi balue kutangila malu â bakahingana badikuma mu biadi, hakamonabo malu akenjibue.

Luke 8:51

Hakalueye ku nsubu, kakitabusha bua muntu mukuabo abuele nʼandi anu Petelo ne Yone ne Yakobo ne tatu wa muana ne mamu wandi.

Luke 8:53

Bakamuseka, bakamanya ne, Yeye udi mufue.

Yowanane 11:4

Hakunvua Yesu dî edi, wakamba ne, Edi kadiena disama dia lufu, kadi didi bualu bua butumbi bua Nzambi ne bua Muana wa Nzambi kutumbishibueye.