Luke 8:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Kadi yeye wakabandamuna ne, Mamuʼanyi ne bana betu badi anu bantu batu batelesha dî dia Nzambi, batu badienza.

MUKANDA WA MYIDI MUKULU

²¹ Ke Yezu kuambila bantu bonsu ne: — Mamu ne bana betu mbantu badi bateleja muaku wa Mvidi Mukulu, baukumbaja.

Luke 8:21 ပူးပေါင်းရင်းမြစ်များ

Matayi 17:5

Hakatshidiye wamba nunku, monai, ditutu diengelela diakababuikila; dî diakaluhuka mu ditutu ne, Eu udi Muanʼanyi munanga, yeye udi unsankisha bimpe, munvuilai.

Matayi 25:40

Mukelenge neabambile ne, Bulelela, ndi nuambila ne, Bualu bua nuenu nuakenzela umue wa mu bana betu badi batambe kuhuekela nunku, nuakangenzela meme.

Matayi 25:45

Yeye neabambile ne, Bulelela, ndi nuambila ne, Bualu bua nuenu kanuakenzela umue wa mu bantu aba badi batambe kuhuekela nunku, kanuakangenzela meme.

Matayi 28:10

Hashishe, Yesu wakabambila ne, Kanutshinyi; yai bienu, nuambile bana betu ne, Yai mu Galela, nenunmoneku.

Luke 8:15

Au a mu buloba buimpe adi bu bantu bakunvua dî mu mitshima mimpe ne ya kalolo, badi badilama bikole, badi bavudisha maminu bua dinanukila diabo.

Luke 8:20

Bakamuambila ne, Mamu webe ne bana benu badi bimane ku bula, badi basue kukutangila.

Yowanane 13:17

Binuamanya malu â, nenuikale ne disanka binuâenza.

Yowanane 20:17

Yesu wakamuambila ne, Kundengi tshianza, bualu bua tshiena muanze kuya kulu kudi Tatu; ya kudi bana betu, ubambile ne, Ndi nya kulu kudi Tatu wanyi ne Tatu wenu, kudi Nzambi wanyi ne Nzambi wenu.

2 Korente 5:16

Nunku mu malu atshidi ku mpala katuena bamanye bantu ku mibidi yabo; bituamana kumanya Kilisto ku mubidi wandi diambedi, katataka katuena bamumanye nunku kabidi.

2 Korente 6:18

Nengikale kunudi bu Tatu, ne nuenu nenuikale kundi bu bana balume ne bana bakashi, Mudi muamba Nzambi wa Bukole Buonso.

Yakobe 1:22

Kadi nuikale benji ba di, kanuikadi anu bunvui badi, bua nunku nudi nudidinga.

1 Yone 2:29

Binuamanya ne, Yeye udi muakane, nudi bamanye ne, Muntu yonso kabidi utu wenza malu makane wakuledibua kudiye.

3 Yone 1:11

Munanga, kuidikishi bualu budi bubi, kadi idikisha bualu budi buimpe. Muntu utu wenza bimpe udi wa Nzambi; muntu utu wenza bibi, kena muanze kumona Nzambi.