Luke 8:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Ba ha dibue badi bu bantu badi bitabusha dî ne disanka, hakudiunvuabo; kadi Bobo kabena ne miji, badi bitabusha tshituha, ku dituku dia diteta dia munda badi basesuka.

MUKANDA WA MYIDI MUKULU

¹³ Bakuabu, bidi bibenzekela bu mudi ntete idi imata mu buloba bua mabue. Badi bumvua muaku wa Mvidi Mukulu, bawakidila ne disanka. Kadi muaku ewu kawena ushindama munda muabu. Badi bitaba anu bua matuku makese. Padi dikenga dibakuata, badi bajimija ditaba.

Luke 8:13 ပူးပေါင်းရင်းမြစ်များ

Yobe 19:28

Binuamba ne, Monai bu mutulualua kumukengesha! Binuamba ne, Bualu bua muji wa bualu bua makenga andi udi umueneka munda muandi!

Nsumuinu 12:12

Bantu babi badi basamina muoyo ku bintu bidi benji ba malu mabi banyenga, kadi muji wa bantu bakane udi ukuama mamuma.

Nsumuinu 12:3

Muntu kena mushindame ku malu mabi, kadi muji wa bantu bakane kawena unyungishibua.

Yeshaya 58:2

Kadi badi bakeba lungenyi kundi ku dituku ku dituku, badi ne disanka bua kumanyabo nshila yanyi, bu mudi bantu badi benza malu adi makane, ne badi kabayi balekela kulonda mikenji ya Nzambi wabo benza; badi bandomba mikenji idi mua kuyuisha buakane, badi basanka bua kusemena ha buihi ne Nzambi.

Yezekiyele 33:32

Wewe udi kudibo bu muimbi wa misambu ya dinanga, muikale ne dî diakane, ne mumanye mua kuimba tshisanji bimpe; badi bunvua mei ebe, kadi kabena baenza.

Osheya 6:4

Nuenu. Bena Efelayima, nennuenzele tshinyi? Nuenu, Bena Yuda, nennuenzele tshinyi? Bua buimpe buenu budi bu ditutu dia lunkelu, anyi bu mume udi ukama lukasa.

Marke 6:20

bualu bua Helode wakadi Utshina Yone, wakamanya ne, Yeye udi muntu muakane ne wa tshijila, wakamulama bimpe. Hakunvua Helode mei a Yone, wakalubakana, wakunvua mei andi ne disanka.

Luke 8:12

Ba kukala kua nshila badi bantu bakunvua dî; hashishe, diabolo ulualua, udi unyenga dî mu mitshima yabo ne, Kabitabushi, kabasungidibu.

Luke 8:14

Au akamata mu mionshi ya meba adi bu bantu bakumpua dî; hatshidibo baya mu nshila, meshi abo ne biuma ne masanka a muoyo udibo nʼau katataka bidi bibafiekela mu nshingu, kabena bakuama maminu aboba.

Yowanane 15:2

Ditamba dianyi dionso didi kadî dikuama mamuma, yeye neadiumushe, kadi ditamba dionso didi dikuama mamuma yeye neadilengeshe bua kukuamadi mamuma makuabo.

Yowanane 15:6

Bikala muntu kai ushala munda muanyi, nebamumushe bu ditamba, neafube; badi bunguisha matamba, baêla mu kahia, adi ahla.

Yowanane 5:35

Yeye wakadi muinda utema ukenka; nuenu nuakitabusha bua kusanka mu dinkenka diandi musangu.

1 Korente 13:2

Ne bingikala ne tshihedi tshia kuambila bantu dî dia Nzambi, ne binamanya malu onso atshidi masokoka ne lungenyi luonso, ne bingikala ne ditabusha dionso dindi mua kumusha nʼadi mikuna, kadi bingikala tshi ne luse, ndi tshianana.

1 Korente 15:2

kudilu kunudi nusungidibua binuananukila kulonda dî dinakanuambila, binuikala kanui bitabushe hatuhu.

Ngalate 3:1

Nuenu Bena Galatia bahote, ku mesu kuenu kuakatekabo Yesu Kilisto mushihibue ku mutshi mutshiamakane hatoke, wakanuhambuisha nganyi?

Ngalate 3:4

Nuakakenga mu malu a bungi nunku tshianana, anyi? (Binuikala bakenge tshianana bulelela.)

Efeze 3:17

ne bua Kilisto ikale mu mitshima yenu bua ditabusha; bua muanda eu, ne nuenu, bamane kuela miji ne bashibue mu dinanga,

Kolose 1:23

binuananukila mu ditabusha, bajadikibua ne bashindikibue bikole, ne kanui basesuishibue ku ditekemena dia lumu luimpe lunuakunvua, luakambibua munkatshi mua bifukibua bionso munshi mua diulu; lunakavuishibua, meme Paulo, muena mudimu walu.

Kolose 2:7

nuikale ne miji yenu miedibue munda muandi, nuikale nuashibue munda muandi, ne nuikale nujadikibue mu ditabusha dienu, bu munuakayishibua; nukumbane mu disakidila.

1 Tesalonike 3:5

Bua muanda eu meme kabidi, hanakadi tshi mua kudikanda, nakatuma Timote bua meme kumanya mudi ditabusha dienu; bua bumue muteyi wakanuteya, ne mudimu wetu mukole wakalua hatuhu.

1 Timote 1:19

Ulamate ditabusha ne muoyo-mukese muimpe; bakuabo bakumusha malu â kudibo, bakanyanguka mu ditabusha diabo bu mudi majua matshibuke mu mai.

Ebrewu 10:39

Kadi tuetu katuena ba munkatshi mua badi baluka tshia nyima tô ne ku dibutuka, kadi tudi munkatshi mua badi ne ditabusha tô ne ku diheta dia muoyo.

Yakobe 2:26

Bu mudi mubidi mutahuluka ku nyuma wau udi mufue, nunku kabidi, ditabusha didi ditahuluka ku kuenza didi difue.

2 Petro 2:20

Bualu bua, hakamanabo kuhanduka mu malu a ha buloba, kumanya kuabo kua Mukelenge ne Musungidi, Yesu Kilisto, biakuatshibuabo mu malu â kabidi ne biatambibuabo bukole, tshikadilu tshiabo tshia kunshikidilu tshidi tshitamba tshia kumudilu bubi.

2 Petro 2:22

Bualu buakulua kudibo bu mudi lusumuinu lulelela luamba ne, Mbua muhingane ku bilushi biandi kabidi, ne ngulube mumane kuowa wakahingana kudibonda mu bitahikidi.

1 Yone 2:19

Bobo bakumuka munkatshi muetu, kadi kabakadi betu mene; bu bobo bikale betu, bakadi kuikala nʼetu; kadi bakumuka bua bobo bamueneshibue ne, Buonso buabo kabakadi betu mene.

Yuda 1:12

Aba mbobo badi mabue masokome mu masanka a bidia bia dinanga hadiabo nʼenu; badi balami ba mikoko badi badidisha kabai ne ditshina; badi matutu adi kâi ne nvula matuala ku mpala kudi tshihehele; badi mitshi ya mu mushihu idi kayi ne mamuma, mifue misangu ibidi mijudibue ne miji;