Luke 7:37 - Mukanda wa Nzambi Dihungila Dikulukulu ne Dihungila Dihia-dihia 2003

³⁷ Mu musoko muakadi mukashi mubi; hakamanyeye ne, Yesu udi ushikama ku mesa mu nsubu wa Mufalese, wakalua ne mulondo wa alabasta, mu mulondo muakadi mananashi;

MUKANDA WA MYIDI MUKULU

³⁷ Mu tshimenga atshi muvua mukaji muena malu mabi. Pavuaye mumvue ne: Yezu udi udia kua Muparushe, kuangataye mulangi wa albatre, muwule ne manananshi.

Luke 7:37 ပူးပေါင်းရင်းမြစ်များ

Matayi 21:31

Bubidi buabo, muana kai wakenza bu muakamba tatu wandi? Bakandamuna ne, Wa kumudilu. Yesu wakabambila ne, Bulelela, ndi nuambila ne, Basangishi ba mulambu ne bakashi ba masandi badi badianjila kubuela mu bukelenge bua Nzambi ku mpala kuenu.

Luke 18:13

Kadi musangishi wa mulambu wakimana ha bule, kakasua kuambula mpala mulu, wakadikuma mu tshiadi, wakamba ne, Nzambi, ndi muntu mubi, unfue luse.

Luke 19:7

Hakamonabo bualu ebu, bakajiana ne, Wakuya kulala mu nsubu wa muntu mubi.

Luke 5:30

Bafalese ne bafundi babo bakajiana bayidi ba Yesu, bakabakonka ne, Nudi nudila, nudi nunuina ne basangishi ba mulambu ne bantu babi tshinyi?

Luke 5:32

Tshiakuluila bua kubikila badi bakane bua kukudimunabo mitshima yabo, nakuluila bua kubikila anu badi babi.

Luke 7:34

Muana wa muntu wakulua udia bidia ne unua maluvu; nudi nuamba ne, Yeye udi muena mudi, udi mukuatshiki wa maluvu, udi mulunda wa basangishi ba mulambu ne wa bantu babi.

Luke 7:36

Mufalese mukuabo wakasua Yesu adie ngandi bidia. Yeye wakabuela mu nsubu wa Mufalese, wakashikama ku mesa.

Yowanane 11:2

Au Malia wakela Mukelenge mananashi, wakamukuhula makasa andi ne nsuki, muanʼabo Lazalo nguakadi usama.

Yowanane 9:24

Bakabikila wakadi mulela mufofo tshiakabidi, bakamuambila ne, Utumbishe Nzambi; iudi bamanye ne muntu eu udi mubi.

Yowanane 9:31

Tudi bamanye ne, Nzambi kena unvua dî dia bantu babi; watendelela Nzambi, wenza bu mudiye musue, neunvue dî diandi.

Rome 5:8

Kadi Nzambi wakatamba kulesha luse luandi kutudi mu muanda eu ne, Hatutshivua bantu babi, Kilisto wakatufuka.

1 Timote 1:15

Dî edi didi mua kueyemenyibua ndidi bonso bamanye mua kuitabusha ne, Kilisto Yesu wakaluila ha buloba bua kusungileye bantu babi, bandi ku mpala kuabo ku bubi.

1 Timote 1:9

Tudi bamanye ne, Mikenshi kayena mielela muntu muakane, kadi idi mielela badi kabai baitabusha ne bena buhidia ne badi kabai banemekela Nzambi ne badi babi ne badi kabai ba tshijila ne bahendi ha Nzambi ne bashihi ba batatu ne bamamu ne bashihianganyi

1 Petro 4:18

Ne biasungidibua muntu muakane anu ne bualu bukole, muntu udi kai wa Nzambi ne udi mubi neamueneke kudi kunyi?