Luke 7:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Hakafikeye ha buihi ne tshibuelelu tshia mu musoko, hakadi baluhuka ne muntu mufue, wakadi biandi muana umuehele mulela kudi mamu wandi, mamu wandi wakadi wa mu lufuila; bantu ba bungi ba mu musoko bakadi nʼandi.

MUKANDA WA MYIDI MUKULU

¹² Pakavuaye pabuipi ne tshiibi tshia ku tshibuelelu tshia tshimenga, kumonaye bantu bavua baya kujika muntu ku nkita. Muntu awu uvua muana wa balume mulela umue wa mukaji mukamba. Bena mu tshimenga ba bungi bavua bafila mamu awu.

Luke 7:12 ပူးပေါင်းရင်းမြစ်များ

Genese 22:12

Yeye wakamba ne, Kulengi nsongalume tshianza nansha, kumuenzedi bualu, bualu bua katataka ndi mumanye ne wewe udi utshina Nzambi, bualu bua wewe kuakumpidia muanʼebe, muana umuehele mene.

Genese 22:2

Yeye wakamba ne, Wangate muan ebe mulume, muana umuehele, ûdi munange, Isaka mene, uye biebe mu buloba bua Moliya, umufileku bu mulambu wa kuosha ha kalua, ha mutu ha mukuna undualua kukulesha.

2 Samuele 14:7

Nunku, mona, bantu bonso ba mu diku dietu bakadisangisha kudi muntu webe bamba ne, Ufile wakashiha muanʼabo bua tuetu tumushihe bua muoyo wa muanʼabo wakashiheye; nunku nebashihe muhianyi kabidi; nunku nebajimishe dikala dianyi dia kahia didi dishala, nebashiye bayanyi kayi ne dina hanshi ha buloba.

1 Bakalenga 17:12

Yeye wakamuambila ne, Bu mudi Yehowa, Nzambi webe, ne muoyo tshiena ne bidia, kadi ndi ne anu dianza tente dia bukula mu mulondo ne manyi tukese mu kasu; tangila, ndi ngangula tutshi tubidi bua meme kudilambila ne muana wanyi, hatuadia, netufue.

1 Bakalenga 17:18

Mukashi wakakonka Eliya ne, Ndi nʼebe bualu kai, wewe muntu wa Nzambi? Wewe wakuluila bua kunvuluisha bua bubi buanyi ne bua kushiha muanʼanyi!

1 Bakalenga 17:23

Eliya wakangata muana, wakatuluka nʼandi mu muaba wandi, wakabuela nʼandi mu nsubu, wakaya nʼandi kudi mamu wandi; Eliya wakamuambila ne, Tangila, muana webe udi ne muoyo.

1 Bakalenga 17:9

Juka biebe, uye ku Salefata wa mu buloba bua Sidona, sombaku, bualu bua nakelela mukashi wa mu lufuila mukenji bua kukudisha kuinaku.

2 Bakalenga 4:16

Yeye wakamuambila ne, Ku tshikondo etshi, hakumbana ngondo yebe, wewe neukongoluele muana wa balume. Yeye wakamuambila ne, Nansha, mukelenge wanyi, wewe muntu wa Nzambi, kudingi muntu webe mukashi.

2 Bakalenga 4:20

Hakamuambuleye, wakaya nʼandi kudi mamu wandi; yeye wakashikama ha bibelu bia mamu wandi tô ne munda munya, hashishe wakafua.

Yobe 29:13

Disankisha dia kudi muntu wakadi wamba kufua diakalua kundi; nakimbisha mutshima wa mukashi wa mu lufuila musambu wa disanka.

Zekâya 12:10

Nengitshikishile ba mu tshiota tshia Davidi ne ba mu Yelushalema nyuma wa luse ne wa kutendekena; nebamumone wakutuabo difuma; nebamuashile muadi bu mudi muntu washila muanʼandi umuehele muadi, nebamudile ne kanyinganyinga kakole, bu mudi muntu udila ne kanyinganyinga kakole bua lufu lua muanʼa bute wandi.

Luke 7:11

Hakahita tshituha tshihi, yeye wakaya mu musoko, dina diau Naina; bayidi bandi bakaya nʼandi ne tshisumbu tshinene tshia bantu.

Luke 7:13

Hakamutangila Mukelenge, yeye wakamufua luse, wakamuambila ne, Kudidi.

Luke 8:42

bualu bua wakadi ne muana mukashi umuehele, wakadi bu bidimu dikumi ne bibidi; yeye wakamba kufua. Hakadiye wenda, bantu ba bungi bakamunguila.

Luke 8:52

Bonso bakadi badila, bakadi bamujinga; kadi yeye wakamba ne, Kanudidi; bualu bua yeye kena mufue, udi mulale tulu.

Yowanane 11:19

Bena Yuda ba bungi bakadi balue kudi Mâta ne Malia bua kubasamba bua muanʼabo.

Bienzedi 9:39

Petelo wakabika, wakaya nʼabo. Hakalueye, bakaya nʼandi mu nsubu wa ha mutu. Bakashi bonso ba mu lufuila bakadi bimane ha buihi nʼandi, badila, baleshangana mitelu ne bivualu biakatela Dôka hakadiye nʼabo.

Bienzedi 9:41

Petelo wakamukuata ne tshianza, wakamubisha. Hakabikileye basanto ne bakashi ba mu lufuila, wakabalesheye ne muoyo.

Yakobe 1:27

Bualu bua Nzambi bua bushua ne budi kabui bunyanguka ku mesu kua Nzambi Tatu budi nunku, bua kuya kutangila bana ba nshîa ne bakashi ba mu lufuila mu dikenga diabo, ne bua kudilama kai ne ditoba dia ku malu a ha buloba.