Luke 6:42 - Mukanda wa Nzambi Dihungila Dikulukulu ne Dihungila Dihia-dihia 2003

⁴² Munyi mûdi mumanye mua kuambila muanʼenu ne, Muanʼetu, nkûmushe kasosa kadi mu disu diebe, kui utangile mutshi munene udi mu diebe disu? Wewe udi muena lubombo, diambedi umushe mutshi mimene udi mu disu diebe, nunku neumone mua kûmusha kasosa kadi mu disu dia muanʼenu.

MUKANDA WA MYIDI MUKULU

⁴² mMunyi muudi mua kuambila muanenu ne: ‘Muanetu, semena, nkumushe kasosa mu disu,’ kuyi umona mutshi munene udi mu diebe? Wewe muena mpala ibidi, bangabanga umushe mutshi munene udi mu disu diebe. Nanku neumone bimpe bua kumusha kasosa kadi mu disu dia muanenu.”

Luke 6:42 ပူးပေါင်းရင်းမြစ်များ

Nsumuinu 18:17

Udi udianjila kuamha tshilumbu tshiandi udi umueneka bu mubinga; kadi halua muena tshilumbu nʼandi, udi ukononona buluba buandi.

Matayi 26:75

Petelo wakavuluka di diakamba Yesu ne, Tshilala katshi tshianze kusama, wewe neumpidie misangu isatu. Yeye wakaluhuka, wakadila bikole.

Matayi 7:3

Udi utangidila kasosa kadi mu disu dia muanʼenu tshinyi, kui utangila mutshi munene udi mu disu diebe?

Matayi 7:4

Munyi mûdi wambila muanʼenu ne, Nkumushe kasosa kadi mu disu diebe, kadi mutshi munene udi mu diebe disu?

Luke 13:15

Kadi Mukelenge wakamukudimuna dî ne, Nuenu bena lubombo, mukuabo wenu kai udi kai usulula ngombe wandi anyi nyama wa mpunda ku tshidilu bua kuyeye kumunuisha mai dituku dia Lumingu?

Luke 22:32

kadi nakukulombela wewe Nzambi bua ditabusha diebe kadihangi; wewe, hawakudimuka, ukoleshe mitshima ya bana benu.

Luke 6:41

Ntshinyi tshiudi utangidila kasosa kadi mu disu dia muanʼenu, kui utangila mutshi mimene udi mu disu diebe?

Luke 6:43

Kakuena mutshi muimpe udi ukuama mamuma mabi; kakuena kabidi mutshi mubi udi ukuama mamuma mimpe.

Bienzedi 13:10

wakamba ne, Wewe, mûle tente ne mashimi ne budimu, muana wa diabolo, udi ne malu makane onso lukuna, kuena ulekela kunyanga nshila milulame ya Mukelenge, anyi?

Bienzedi 2:38

Petelo wakabambila ne, Kudimunai mitshima yenu, nubatijibue buonso buenu mu dina dia Yesu Kilisto bualu bua kunujimishilabo mibi yenu; nunku nenuangate kuha kua Nyuma Muimpe.

Bienzedi 8:21

Wewe kuena ne tshituha anyi luseke mu bualu ebu, bua mutshima webe kawena muimpe ku mesu kua Nzambi.

Rome 2:1

Nunku, wewe kampanda, utu walumbuluisha bakuabo, kuena ne tshia kudibingisha nʼatshi; udi udihisha biebe ne dilumbulula diudi ulumbuluisha nʼadi mukuabo; bualu bua hawalumbuluisha mukuabo, wewe utu wenza malu momumue.

2 Korente 5:18

Kadi malu onso adi afuma kudi Nzambi, wakatulengesha kudiye bualu bua Kilisto wakatuha mudimu wa kulengeshisha bakuabo kudiye:

2 Timote 2:21

Nunku biumusha muntu malu mabi â munda muandi, yeye neikale bu tshitekelu tshiteka bua buneme, tshia tshijila, tshikumbane mudimu wa mukelenge, tshilongolola bua mudimu muimpe wonso.

2 Petro 1:9

Kadi muntu udi kai ne malu â udi mufofo, utangila anu bidi ha buihi, muikale ne tshihua muoyo bua dilengesha dia ku malu mabi andi a diambedi.