Luke 6:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Mu matuku â yeye wakaya ku mukuna bua kutendelela Nzambi; wakamutendelela tô butuku buonso.

MUKANDA WA MYIDI MUKULU

¹² Tshikondu atshi Yezu uvua mubande ku mukuna bua kutendelela. Uvua mushaleku butuku bujima, utendelela Mvidi Mukulu.

Luke 6:12 ပူးပေါင်းရင်းမြစ်များ

Misambu 22:2

Aka, Nzambi wanyi, ndi ndila kûdi mu munya, kadi wewe kuena witaba; ndi ndila kûdi mu diba dia butuku, kadi tshiena nsangana dikisha.

Yeshaya 26:9

Nakukujinga mu mutshima wanyi butuku; e, ndi nkukeba ne mutshima wanyi wonso. Bualu bua, hikala kulumbulula kuebe ha buloba, badi bashikame ha buloba badi bayila buakane.

Danyele 6:10

Hakamanya Danyele ne mukelenge wakamana kufunda dina diandi ha mukanda udi ne mukenji, wakabuela mu nsubu wandi wa mulu wakadi ne madidishi matangile ku luseke lua Yelushalema. Wakadi utua binu biandi hanshi misangu isatu ku dituku ku dituku, ulomba Nzambi wandi, umusakidila bu muakadiye wenza diambedi.

Matayi 5:1

Hakamona Yesu bisumbu bia bantu, wakabanda ku mukuna; hakashikameye, bayidi bandi bakatua kudiye;

Matayi 6:6

Kadi wewe, hawatendelela Nzambi, ubuele mu kasubu kebe ka tshisokomenu, winshile tshibi, utendelele Tatu webe, udi biandi mu tshisokomenu, ne Tatu webe udi umona mu musokoko neakuhe.

Marke 1:35

Hatshiatshia, butuku kabui buanze kutshia, yeye wakabika, wakaluhuka, wakaya mu tshihela, wakatendelelaku Nzambi.

Marke 3:13

Yesu wakabanda ku mukuna, wakabikila bakasueye; bakaya kudiye.

Marke 6:46

Hakabalayeye, wakaya mu mukuna bua kutendelela Nzambi.

Luke 5:16

Kadi yeye wakaya biandi mu bihela, wakatendelela Nzambi.

Luke 6:11

Bakafuna bulobo, bakela tshifufu tshiabo ne, Netuenzele Yesu tshinyi?

Luke 6:17

Yeye wakahueka nʼabo, wakimana ha muaba mubatame ne tshisumbu tshinene tshia bayidi bandi ne bantu ba bungi ba mu luseke luonso lua Yudaya ne ba mu Yelushalema ne ba mu luseke lua Tulo ne Sidona kukala kua mai manene, bakalua bua kunyua di diandi, ne bua yeye kushikisha mabedi abo;

Luke 9:18

Hakadiye utendelela Nzambi ha nkayandi, bayidi bakadi ha buihi nʼandi; yeye wakabakonka ne, Bantu badi bangamba meme ne, Nganyi?

Luke 9:28

Yesu wakashikisha kuamba malu â; hakahita matuku bu muanda mukulu, yeye wakangata Petelo ne Yone ne Yakobo, wakabanda nʼabo ku mukuna bua kutendelela Nzambi.

Luke 9:29

Hakadiye utendelela Nzambi, mpala wandi wakakudimuka, bilulu biandi biakalua bitoke, biakengelela.

Yowanane 6:3

Yesu wakabanda ku mukuna, wakashikamaku ne bayidi bandi.

Kolose 4:2

Nunanukile mu ditendelela dienu nutabalamu ne disakidila;

Ebrewu 5:7

Nyeye mu matuku a mubidi wandi wa ha buloba, hakatendeleleye ne mitendelelu ne misengelelu misangisha ne muadi mukole ne binsonshi kudi yeye wakadi ne bukole bua kumusungila ku lufu, ne hakamunvuilabo bua ditshina diandi dia Nzambi;

1 Samuele 15:11

Nakakudimuna mutshima bua nakasungula Shaula mukelenge, bualu bua yeye wakasesuka, kena undonda, kena utumikila mikenji yanyi. Samuele wakadi ne tshiji tshikole, wakadila kudi Yehowa butuku abu buonso.