Luke 3:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Nukuame mamuma adi makanangane ne dikudimuna dia mitshima yenu, kanuhangi kudiamba mu mitshima yenu ne, Tuetu tudi ne Abalahama tatu wetu; meme ndi nuambila ne, Nzambi udi mumanye mua kubisha mabue â alue bana ba Abalahama.

MUKANDA WA MYIDI MUKULU

⁸ Enzayi malu adi aleja ne: nudi bakaje nsombelu yenu. Kanudiambidi munda muenu ne: “Abrahame ke nkambua wetu.” Bualu ndi nnujadikila ne: Mvidi Mukulu udi mua kuandamuna mabue aa, ashale ndelanganyi ya Abrahame!

Luke 3:8 ပူးပေါင်းရင်းမြစ်များ

Nehemya 5:11

Ndi nnusengelela ne, Nuhingishe madimi abo ne madimi a tumuma ne madimi a olive ne nsubu yabo ne tshia lukama lua argent ne blé ne nyinyo ne manyi binuakangata kudibo, anu lelu eu.

Yezekiyele 33:24

Muana wa muntu, bantu aba badi bashikame mu bikulu bia mu buloba bua Isalele batshidi bamba ne, Abalahama wakadi anu muntu umuehele, kadi yeye wakahiana buloba ebu; nunku, bualu bua tuetu ludi ba bungi, nebatuhe buloba ebu bu buhianyi buetu.

Matayi 21:43

Ndi nuambila ne, Nebanunyenge bukelenge bua Nzambi, nebabuhe tshisamba tshidi tshikuama mamuma abu.

Matayi 3:8

Nukuame mamuma makane adi alesha dikudimuna dia mitshima yenu;

Matayi 3:9

kanuedianganyi meshi munda muenu ne, Tuetu iudi ne Abalahama tatu wetu; ndi nuambila ne, Nzambi udi mumanye mua kubisha mabue â alue bana ba Abalahama.

Luke 13:25

Habika muena nsubu, hinshileye tshibi, nuenu nenubange kuimana ku bula nukokola ku tshibi ne, Mukelenge, utunzuluile; yeye neanuandamune ne, Tshiena mumanye kunuakufuma;

Luke 13:26

hashishe nenubange kuamba ne, Tuakadi tudia nʼebe, tunua nʼebe, wewe kabidi wakadi uyisha bantu mu misesu yetu;

Luke 14:9

wakumbikila nʼandi nealue, neakuambile ne, Ushile muntu eu muaba; wewe neubange kuangata muaba mutambe bukese.

Luke 19:40

Yeye wakabakudimuna dî ne, Biahuabo, mabue nêle mbila.

Luke 19:9

Yesu wakamuambila ne, Lelu luhandu luakulua ku nsubu eu, bualu bua yeye kabidi udi muana wa Abalahama.

Luke 5:21

Bafundi ne Bafalese bakabanga kukonkangana ne, Muntu eu udi uhenda Nzambi nganyi? Muntu kai udi mumanye mua kujimisha mibi, anu Nzambi nkayandi?

Yowanane 8:33

Bakamukudimuna ne, Tudi bana ba Abalahama, katuakadi bahika ba muntu tô ne katataka; udi wamba ne, Nebanuhe budishikaminyi, munyi?

Yowanane 8:39

Bakamukudimuna ne, Abalahama ntatu wetu, Yesu wakabambila ne, Bu nuenu bikale bana ba Abalahama, nuakadi kuenza bienzedi bia Abalahama.

Bienzedi 26:20

kadi nakambila ba mu Damaseke diambedi, ne ba mu Yelushalema, ne ba mu luseke luonso lua Yudaya, ne ba bisamba bia bende kabidi, bua kukudimunabo mitshima yabo, batshinguluke kudi Nzambi, benze malu adi makanangane ne dikudimuna dia mitshima yabo.

Rome 4:16

Bua bualu ebu bahianyi budi bufuma ku ditabusha, bua kuikalabu bua ngasa. Buakadi nunku bua kujadikabo mulayi kudi tunkanunuina tuonso; kenkudi badi ne mikenshi nkayabo, kadi kudi badi ne ditabusha dia Abalahama kabidi, udi biandi nkambua wa buonso buetu,

Rome 9:7

bualu bua badi tunkanunuina tua Abalahama; kadi mbu muakafundabo ne, Mu Isaka tunkanunuma tuebe, netubikidibue.

Filipe 1:11

ne bua nuenu nûshibue tente ne mamuma a buakane adi afuma kudi Yesu Kilisto bua butumbi ne kutumbishibua bia Nzambi.