Luke 3:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yone wakabandamuna buonso buabo ne, Bulelela, ndi nubatiza ne mai, kadi udi muntambe meme ulualua, tshiena ne buakane bua kusulula mionshi ya bisabata biandi; yeye neanubatize mu Nyuma Muimpe ne mu kahia;

MUKANDA WA MYIDI MUKULU

¹⁶ Kadi Yowanane kubambila bonsu ne: — Meme ndi nnutua mu mayi. Kadi udi mumpite meme ku bukole, nealue. Meme tshiena mukumbane nansha mua kumukopola bisabata. Yeye neanutue munda mua Mueyelu wa Tshijila, ne mu kapia.

Luke 3:16 ပူးပေါင်းရင်းမြစ်များ

Nsumuinu 1:23

Andamukai bua kunvua kubela kuanyi. Monai! Nennuitshikishile nyuma wanyi hamʼbidi henu, nennumanyishe mei anyi.

Yeshaya 32:15

Malu â neikaleku tô ne hatshikishabo Nyuma wa mu diulu hamʼbidi hetu, handamuka tshihela budimi budi bulua ne bia kudia bia bungi, ne babadibua budimi budi bulua ne bintu bia bungi bu ditu.

Yeshaya 4:4

Nebabikidibue ku dina adi hashikisha Mukelenge kuvuwa bukoya bua bana bakashi ba mu Siona, ne halueye kumusha mamata a mashi a ba mu Yelushalema munkatshi mua musoko, ku nyuma wa kulumbulula kuakane ne ku nyuma wa kubutula.

Yezekiyele 36:25

Nennumiamine mai matoke tô, nenuikale bakane; nennulengeshe ku bukoya buenu buonso ne ku mpingu yenu yonso.

Zekâya 13:9

Nengele tshituha etshi tshisatu mu kahia, nembafule bu mudibo bafula tshiamu tshia argent, nembatete bu mudibo bateta tshiamu tshia or. Nebambikile mu dina dianyi, nembunvuile. Nengambe bianyi ne, Bobo badi bantu banyi; bobo nebambe ne, Yehowa udi Nzambi wetu.

Matayi 3:11

Bulelela, ndi nubatiza mu mai bualu bua nuenu nukudimune mitshima yenu; kadi udi ulua ku nyima kuanyi udi muntambe meme, tshiena ne buakane bua kutuala bisabata biandi; yeye neanubatize mu Nyuma Muimpe ne mu kahia;

Matayi 3:12

tshihehudi tshiandi tshidi mu tshianza, yeye neatokeshe tshituilu tshiandi bimpe; yeye neasangishe mponda wandi mu mudiba, kadi yeye neoshe bisote mu kahia kadi kakai kajima tshiendelele.

Yowanane 1:26

Yone wakabakudimuna di ne, Ndi mbatiza bantu mu mai; munkatshi muenu mudi muimane unudi kanui bamanye,

Yowanane 1:27

yeye mene ulualua ku nyima kuanyi, tshiena ne buakane bua kusulula mionshi ya bisabata biandi.

Yowanane 1:33

Tshiakumumanya; kadi wakantuma bua kubatiza bantu mu mai wakungambila ne, Muntu uwatangila Nyuma uhuekela hamʼbidi handi, mumuikile, yeye nguabatiza bantu mu Nyuma Muimpe.

Yowanane 7:38

Misulu ya mai a muoyo nebatuke munda mua wangitabusha, bu muakamba Mukanda wa Nzambi.

Bienzedi 1:5

Bulelela, Yone wakabatiza bantu ne mai, kadi matuku kêna mashale a bungi anuabatijibua mu Nyuma Muimpe.

Bienzedi 10:44

Hakatshidi Petelo wamba mei â, Nyuma Muimpe wakahuekela bonso bakunvua dî.

Bienzedi 2:33

Yeye, mumane kubandishibua ku tshianza tshia balume tshia Nzambi, mumane kuangata mulayi wa Nyuma Muimpe kudi Tatu, wakuitshikisha bualu ebu bunudi numona ne bunudi nunvua.

1 Korente 12:13

Bualu bua mu Nyuma umue buonso buetu tuakabatijibua mu mubidi umue, ne tudi Bena Yuda anyi Bena Gelika, anyi bahika anyi badishikamine; bakatunuisha Nyuma umue.