Luke 24:38 - Mukanda wa Nzambi Dihungila Dikulukulu ne Dihungila Dihia-dihia 2003

³⁸ Yeye wakabakonka ne, Nudi nutshinyina tshinyi? Makonka adi ajuka mu mitshima yenu bua tshinyi?

MUKANDA WA MYIDI MUKULU

³⁸ Ke Yezu kubakonka ne: — Nudi nupampakana bua tshinyi? Nudi nuela mpata munda muenu bua tshinyi?

Luke 24:38 ပူးပေါင်းရင်းမြစ်များ

Yirmeya 4:14

Wewe, Yelushalema, uvuwa mutshima webe ku malu mabi, bua wewe kusungidibua. Meji ebe mabi neashale munda muebe musangu bule bishi?

Danyele 4:19

Hashishe, Danyele, udibo babikila ne, Beleteshasâ, wakadi ne mutshima muhandike tô tshituha tshia diba, ne meji andi akamutatshisha. Mukelenge wakamuambila ne, Beleteshasâ, tshilota etshi ne dijingulula diatshi kabikutatshishi nansha. Beleteshasâ wakamukudimuna ne, Mukelenge wanyi, tshilota etshi tshikale kudi badi nʼebe lukuna, ne dijingulula diatshi dikale kudi badi basue kukunyoka.

Danyele 4:5

Nakalota tshilota tshiakankuatshisha buowa; meji anakadi ngela munda ha bulalu buanyi ne bikena kumona binakamona ku mutu wanyi biakantatshisha.

Matayi 16:8

Hakamanya Yesu lungenyi luabo, wakamba ne, Nuenu nudi ne ditabusha dikese, nudi nuambidilangana ne, Katuena ne mitanda ya bidia, tshinyi?

Luke 24:37

Kadi mitshima yabo yakabandika, bakatshina, bakelangana meshi ne, Tudi lutangila mukishi.

Luke 24:39

Monai bianza bianyi ne makasa anyi ne, Meme muine; nundenge bianza, nutangile, bualu bua mukishi kena ne munyinyi ne mifuba binudi nuntangila nʼabi.

Ebrewu 4:13

Ne kakuena tshintu tshifukibua tshidi katshi tshimueneshibua ku mesu kuandi, kadi bintu bionso bidi butaka ne bibuluka ku mesu kua utudi nʼandi ne bualu.