Luke 24:27 - Mukanda wa Nzambi Dihungila Dikulukulu ne Dihungila Dihia-dihia 2003

²⁷ Wakabangila ku Mose ne ku baprofete bonso, wakabajinguluila malu akafundabo mu Mukanda wa Nzambi wonso bualu buandi.

MUKANDA WA MYIDI MUKULU

²⁷ Diba adi Yezu kubumvuija bionsu bivuabu bafunde bualu buende mu Mikanda ya tshijila, kutuadija ku mikanda ya Moshe, too ne ku ya bambi bonsu.

Luke 24:27 ပူးပေါင်းရင်းမြစ်များ

Genese 12:3

Nensankishe bantu badi bakuvudishila wewe disanka, nengele muntu mulau udi ukuela wewe mulau Bisamba bionso bia ha buloba nebisanke bua bualu buebe.

Genese 22:18

bisamba bionso bia ha buloba nebisanke bualu bua tunkanunuma tuebe, bualu bua wewe wakatumikila di dianyi.

Genese 26:4

Nenvudishangane tunkanunuina tuebe bungi bu mitoto ya mulu, nempe tunkanunui na tuebe buloba ebu buonso bisamba bionso bia ha buloba nebisankishibue bua tunkanunuina tuebe.

Genese 3:15

Nenteke lukuna hankatshi hebe ne mukashi, ne hankatshi ha bana bebe ne bana bandi, muana wa mukashi neakukume ku mutu kuebe, ne wewe neumusume ku tshikankanyi-tshiandi.

Genese 49:10

Dikombo dia bukelenge kadiena diumuka kudi Yuda, tshibangu tshia bukokeshi katshiena tshiumuka hankatshi ha makasa andi to ne halua Shilo, ne bantu bonso nebakukukuile.

Misambu 132:11

Yehowa wakaditshiha kudi Davidi ne mutshima udi wa bushuwa, kena ukudimuka bua kubenga dî diandi ne, Neashikike wahatuka munda muebe mu nkuasa webe wa bukelenge.

Yeshaya 1:23

Bakokeshi bebe badi batomboka, ne badi bakuatanganyi ba bulunda ne bibi. Muntu yonso wa munkatshi muabo udi musue mbueshilu, udi ukeba anu maha. Kabena balumbulula bilumbu bia bana ba nshiya ne kulumbulula kuakane, ne tshilumbu tshia mukashi wa mu lufuila katshiena tshifika kudibo.

Yeshaya 50:6

Nakafila nyima wanyi kudi batutshi, ne matama anyi kudi batudi ba nsuki ya muedi wanyi; tshiakasokoka mpala wanyi ku bundu ne kudi batuidi ba lute.

Yeshaya 7:14

Nunku Mukelenge muine neanuhe tshimanyinu. Monai! Mukashi utshidi kamama neimite difu, nealele muana wa balume, neamuidike dina ne, Imanuele.

Yeshaya 8:17

Nengindile Yehowa udi usokoka mpala wandi kudi bana ba Yakoba, nemmutekemene mene.

Yeshaya 9:1

Kadi mufitu kawena wikalaku kabidi ha buloba buakadi ne kanyinganyinga diambedi. Mu tshikondo tshia diambedi yeye wakafuisha buloba bua Zebulona ne buloba bua Nafatale bundu, kadi mu matuku atshidi alua neavuishe butumbi kudi buloba budi mu nshila udi uyila ku mai manene, budi dishiya dia Yadene, Galela wa munkatshi mua bisamba bia bantu.

Yezekiyele 34:23

Nenteke mulami umue ha mutu hai, yeye neayidishe, muntu wanyi Davidi mene; yeye neayidishe, yeye neikale mulami wai.

Yezekiyele 37:25

Nebashikame mu buloba bunakahesha Yakoba, muntu wanyi, muakashikamabo kudi batatu benu; bobo ne bana bakalelabo ne bikulu babo, nebashikamemu tô ne tshiendelele; ne Davidi, muntu wanyi, neikale mukokeshi wabo kashidi.

Danyele 7:13

Nakatangila mu bikena kumona butuku kabidi, ekumona, mukuabo mufuane muana wa muntu ulua mu matutu a mu diulu, wakafika kudi Wa Kale wa Matuku a Bungi, bakafua nʼandi ku mpala kuandi.

Mika 5:6

Nebabutule buloba bua Ashû ne muele wa nvita, ne buloba bua Nimeloda tô ne ku bibuelelu biabu. Yeye neatuhandishe kudi Muena Ashû halueye mu buloha buetu, hadiateye ku mikalu yetu.

Mika 7:20

Neuleshe Yakoba lulamatu luebe, ne luse luebe lujalame kudi Abalahama, bu muwakaditshiha kudi batatu betu, bibangile ku matuku a kale.

Zekâya 13:7

Bika, muele wa nvita, taha mulami wanyi wa mikoko, ne muntu udi nyanʼanyi mu mudimu! Edi ndi dia Yehowa wa misumba. Taha mulami wa mikoko, mikoko itangadishibue; nengolole tshianza tshianyi kudi bana ba mikoko.

Zekâya 9:9

Sanka bikole, wewe muana mukashi wa mu Siona; ela mbila ne disanka, wewe muana mukashi wa mu Yelushalema. Mona, Mukelenge webe udi ulua kûdi; yeye udi muakane ne wakutamba hadi nʼandi lukuna bukole; udi ne kalolo, udi wenda ha nyima ha mpunda, ba nyima ha muana wa nyama wa mpunda mene.

Malaki 4:2

Kadi diba dia buakane nedinubandile nuenu badi banemeka dina dianyi, mibidi yenu neyondahibue mu nkenka yadi. Nuenu nenuluhuke, nenunaye bu bana ba ngombe haluhukabo mu tshikumbi.

Dibadika 21:14

Nunku bakafunda mu mukanda dina diau Nvita ya Yehowa ne, Waheba wa mu Sufa ne tshibanda tshia Ânona,

Marke 4:34

yeye kakadi ubambila malu tshianana, anu mu nsumuinu; kadi wakajinguluila bayidi bandi malu au onso ha nkayabo.

Luke 24:25

Yesu wakabambila ne, Nuenu bantu kabai ne lungenyi, nudi nunenga ha kuitabusha mei onso akamba baprofete!

Luke 24:44

Wakabambila ne, Â adi mei anyi anakanuambila hanakadi nʼenu, ne, Budibo nʼabu mbua kushikisha malu onso akafundabo bualu buanyi mu mikenshi ya Mose ne mu luseke lua baprofete ne mu misambu.

Yowanane 1:45

Filipo wakasangana Natanaele, wakamuambila ne, Tuakumona wakafunda Mose mu mikenshi, ne baprofete, Yesu wa ku Nazaleta, muana wa Yosefe.

Yowanane 12:41

Yeshaya wakamba malu â, bualu bua yeye wakatangila butumbi buandi; yeye wakamuamba nunku,

Yowanane 5:37

Tatu wakantuma waku ngamba kabidi. Kanuena banze kunvua dî diandi tshikondo tshimue, kanuena banze kutangila mubidi wandi.

Yowanane 5:39

Nudi nukeba kujingulula malu adi mafunda mu Mukunda wa Nzambi, bua nudi nuelangana meshi ne, Mu malu â tudi ne muoyo wa tshiendelele; malu au kabidi adi angamba;

Bienzedi 10:43

Baprofete bonso badi bamba bualu buandi ne, Muntu yonso wamuitabusha neangate dijimisha dia dibi mu dina diandi.

Bienzedi 3:18

Kadi malu akamba Nzambi diambedi mukana mua baprofete bandi bonso ne, Kilisto wanyi neakenge, yeye wakashikisha nunku.

Bienzedi 3:22

Mose mene wakamba ne, Mukelenge Nzambi neanubishile muprofete wa munkatshi mua bana benu, bu muakambisheye meme; nenutumikile mei andi onso anuambileye.

Bienzedi 3:24

Bulelela, baprofete bonso, ku Samuele tô ne ku bakamulonda, bungi buabo bakadi bamba, bakamba bua matuku â kabidi.

Bienzedi 7:37

Yeye Mose eu mene wakambila bana ba Isalele ne, Nzambi neanubishile muprofete wa munkatshi mua bana benu, bu muakambisheye meme.

Bienzedi 8:35

Filipo wakabulula mukana muandi, wakabanga ku dî edi mu Mukanda wa Nzambi, wakamuambila lumu luimpe lua Yesu.

Dielulula 1:45

Nuenu nuakahingana, nuakadila ku mpala kua Yehowa; kadi Yehowa kakunvua dî dienu, kakateleja matshu andi kunudi.

Dielulula 18:15

Yehowa, Nzambi wenu, neanubishile muprofete munkatshi mua bana benu bu meme, nenunvue dî diandi:

Didimanyisha 19:10

Nakahona ku makasa andi bua kumukukuila. Yeye udi ungambila ne, Tangila bua wewe kuenji nunku nasha. Meme udi muhika nʼebe ne wa bana benu ba mu Kilisto badi ne bumanyishi bua Yesu; ukukuile Nzambi; bualu bua bumanyishi bua Yesu budi nyuma wa mei a baprofete.