Luke 23:41 - Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Bakakosa tshilumbu tshietu bimpe; tuetu tudi tuangata difutu bu mutuakenza, kadi muntu eu kena muenze bualu bubi.

MUKANDA WA MYIDI MUKULU

⁴¹ Buetu tuetu, dinyoka edi pa bualu. mBatuenzele bilondeshile bituvua benze. Kadi yeye, kena ne bubi budiye muenze.

Luke 23:41 ပူးပေါင်းရင်းမြစ်များ

2 Kulondolola 33:12

Hakadiye mu ntatu nunku yeye wakakeba Yehowa Nzambi wandi, wakatamba kudihuekesha ku mesu kua Nzambi wa bankambua bandi.

Ezela 9:13

Ku nyima kua makenga onso atuakakenga bua malu mabi etu ne kuhila kuetu kunene, bualu bua wewe Nzambi wetu kuakatamba kutukengesha bu muakadi mibi yetu, ne wakutushila difuka edi dia bantu,

Nehemya 9:3

Bakimana mu muaba wabo, bakabala mu mukanda wa mikenji ya Yehowa Nzambi wabo tshituha tshinai tshia dituku; mu tshituha tshinai tshikuabo bakatonda mibi yabo, bakatendelela Yehowa Nzambi wabo.

Danyele 9:4

Nakatendelela Yehowa Nzambi wanyi, nakalonda mibi yanyi kudiye, nakamba ne, Mukelenge, Nzambi mimene udi ukuatshisha bantu buowa, udi ulonda tshihungidi tshiandi ne udi ulesha luse lujalame kudi bantu badi bamunanga ne badi batumikila mikenji yandi;

Matayi 27:19

Hakadiye ushikama mu nkuasa wa bulumbuludi, mukashi wandi wakamutumina dî ne, Kubuedi mu bualu bua muntu muakane eu; lelu nakutamba kukenga mu tshilota bua bualu buandi.

Matayi 27:24

Hakatangila Pilato ne, Nakushikila, diyoyo dikadi ha kujuka, yeye wakangata mai, wakuha bianza ku mesu kua bantu bonso, wakamba ne, Tshiena ne mashi a muntu muakane eu bualu, mbualu buenu.

Matayi 27:4

wakamba ne, Nakuenza bibi bualu bua nakutungila muntu tshitungu udi kai ne bualu. Kadi bobo bakamuambila ne, Ebu mbualu buetu, anyi? Mbualu buebe.

Matayi 27:54

Kapitene ka masalayi lukama ne bakadi nʼandi balama Yesu, hakamonabo buloba bukanka ne malu makuabo akenjibua, bakatamba kutshina, bakamba ne, Bulelela, eu wakadi Muana wa Nzambi.

Luke 23:40

Kadi mukuabo wakamubela ne, Wewe kuena utshina Nzambi, anyi? Wewe udi mu dihila diodimue.

Luke 23:42

Yeye wakamba ne, Yesu, hawabuela mu bukelenge buebe, unvuluke.

1 Tesalonike 2:10

Nuenu nudi bamanyi ne Nzambi udi mumanyi kabidi bu mutuakanuenzela nuenu badi bitabusha malu a tshijila ne adi makane ne adi kâi mua kubandibua;

Yakobe 4:7

Nunku nudikokeshe kudi Nzambi; kadi nukandamene diabolo ne yeye neanunyeme.

1 Petro 1:19

kadi nuakahikudibua ku mashi a mushinga mukole, bu a muana wa mukoko kai ne tshilema ne kai ne ditoba, ku mashi a Kilisto mene;

1 Petro 2:23

hakamuhendabo, yeye kakabahenda kabidi; hakakengeye, yeye kakabakanyina, kadi wakadifila mu bianza bia udi ulumbulula biakane.