Luke 23:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bakabanga kumubanda ne, Tuakusangana muntu eu utombosha tshisamba tshietu uhidisha bantu ne, Kanulambudi Kaisa, wamba kabidi ne, Meme ndi Kilisto, Mukelenge.

MUKANDA WA MYIDI MUKULU

² Kutuadijabu kumusonguela kua Pilate, bamba ne: — Tudi basangane muntu ewu upambula bena ditunga. Udi ukandika bantu ne: kanufutshi tshitadi tshia mukalenga wa bakalenga. Udi udiamba kabidi ne: ndi Kristu, mukalenga wa ditunga.

Luke 23:2 ပူးပေါင်းရင်းမြစ်များ

1 Bakalenga 18:17

Hakamona Ahaba Eliya, yeye wakamuambila ne, Ka wewe mutatshishi wa Bena Isalele, anyi?

Misambu 35:11

Bantemu badi bena tshikisu badi bajuka; badi bankonka bua malu andi tshiyi mumanye.

Misambu 62:4

Bantu aba badi bahunga di diabo anu bua kumutuma hanshi ku muaba wandi wa buneme. Badi basanka mu kuamba kua mashimi; badi bavudishila muntu disanka mukana muabo, kadi munda muabo badi bamuela mulau.

Yirmeya 20:10

Bualu bua nakunvua kusonguela kua bantu ba bungi, buowa ku nseke yonso ne, Numunyoke, ne tuetu netumunyoke, mbu mudibo bamba kudi balunda banyi badi bansue, badi bakeba kumona kudishinda kuanyi; bumue yeye neitabushishibue, nênzeshibue ku bukole, netumuhite bukole, netudisombuele kudiye.

Yirmeya 38:4

Hashishe baminyampala bakambila mukelenge ne, Tudi tukusengelela bua bashihe muntu eu, bualu bua udi utekesha maboko a bena nvita badi bashala mu musoko eu, ne maboko a bantu bakuabo bonso, habambileye mei a nunku; bualu bua muntu eu kena ukebela bantu diakalengele, kadi udi ubakebela dikenga.

Amosa 7:10

Hashishe, Amasaya, muakuidi wa ku Betele, wakatumina Yalobama, mukelenge wa Isalele, dî ne, Amosa wakulelela tshifufu tshibi munkatshi mua tshisamba tshia Bena Isalele; buloba kabuena mua kulama mei andi onso.

Zekâya 11:8

Nakashiha balami basatu mu ngondo umue bualu bua mutshima wanyi wakabanga kuikala nʼabo lutulu, ne mitshima yabo yakandengulula.

Matayi 17:27

Kadi katubalenduishi, uye biebe ku dishiba, wele ndoho mu mai, wangate mushiha wadianjila kulua; hawabuela mukana muau, neusangane nshekela; umuangate, ubaheye bua wanyi ne webe.

Matayi 22:21

Bakamuambila ne, Mbia Kaisa. Yeye wakabambila ne, Nuhe Kaisa bintu bia Kaisa, nuhe Nzambi bintu bia Nzambi.

Matayi 27:11

Yesu wakimana ku mpala kua ngovena Pilato; ngovena wakamukonka ne, Wewe udi Mukelenge wa Bena Yuda, anyi? Yesu wakamuambila ne, Bûdi wamba mbulelela.

Marke 12:17

Yesu wakabambila ne, Nuhe Kaisa bintu bia Kaisa, nuhe Nzambi bintu bia Nzambi. Hakunvuabo dî edi, bakatamba kumukema.

Marke 15:2

Pilato wakamukonka ne, Wewe udi Mukelenge wa Bena Yuda, anyi? Yesu wakamuambila ne, Bûdi wamba mbulelela.

Luke 23:14

wakabambila ne, Nuakulua ne muntu eu kundi ne, Yeye udi utombosha bantu; hanakumulumbuluisha malu andi ku mesu kuenu, tshiena mumusangane ne bualu bunudi bamubande;

Luke 23:5

Kadi bobo bakakolesha dî diabo ne, Yeye udi usonsola bantu, wenda ubambila mu luseke lua Yudaya, mubangile ku Galela tô ne kunoko.

Yowanane 18:29

Pilato wakaya kudibo, wakabakonka ne, Nudi mibanda muntu eu ne bualu kai?

Yowanane 18:30

Bakamukudimuna ne, Bu muntu eu kai muenze bualu bubi, katuakadi kumufila mu bianza biebe.

Yowanane 19:12

Ha diba adi Pilato wakakeba mua kumulekela; kadi Bena Yuda bakela mei abo bikole ne, Biwalekela muntu eu, kuena mulunda wa Kaisa; muntu yonso udi udivuisha bu mukelenge udi utombokela Kaisa.

Bienzedi 24:13

Kabena bamanye mua kushikika ku mesu kuebe malu adibo bambanda katataka.

Bienzedi 24:5

Tuakusangana muntu eu mutatshishi wa bantu, ne mutomboshi wa Bena Yuda bonso ba ha buloba, udi biandi tshilobo tshia tshisumbu tshia Bena Nazaleta;

Rome 13:7

Nualukishile bantu bonso mabanza abo: mulambu kudi muenu mulambu, mpunga kudi unudi mua kuhunga, buowa kudi unudi mua kutekela buowa, buneme kudi unudi mua kunemeka.