Luke 21:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Yeye wakamba ne, Nuende badimuke, muntu kanuhambuishi; ba bungi nebalue mu dina dianyi, bamba ne, Meme nyeye mene; bamba kabidi ne, Dituku diakulua; kanubalondi.

MUKANDA WA MYIDI MUKULU

⁸ Yezu kuandamuna ne: — Nuadimukayi! Muntu kanushimi! Bualu bantu ba bungi nebafike, bangata dina dianyi, badiamba ne: “Ndi Kristu,” bamba kabidi ne: “Diba dikadi dikumbane!” Kanubalondi to.

Luke 21:8 ပူးပေါင်းရင်းမြစ်များ

Yirmeya 29:8

Bualu bua Yehowa wa misumba, Nzambi wa Isalele, udi wamba ne, Kanuitabushi bua baprofete badi munkatshi muenu ne bena mbuku banudinge; kanuteleji matshu enu ku bilota bidibo balota.

Matayi 24:11

Baprofete badi ne mashimi ba bungi nebabike, nebahambuishe ba bungi,

Matayi 3:2

Kudimunai mitshima yenu; bualu bua bukelenge bua mu diulu budi hehi.

Matayi 4:17

Ku tshikondo atshi Yesu wakabanga kuambila bantu bualu bua Nzambi ne, Kudimunai mitshima yenu; bualu bua bukelenge bua mu diulu budi hehi.

Luke 17:23

Nebanuambile ne, Kayeu kuakua! Kayeu aha! Kanuyi, kanubalondi.

Luke 21:7

Bakamukonka ne, Muyishi, malu â nealue dituku kai? Tshimanyinu tshia malu â ne akadi ha kulua ntshinyi?

Luke 21:9

Hanunvua bualu bua nvita ne mayoyo kanutshinyi; budi malu â nʼabu mbua kulua diambedi, kadi nshikidilu kena ulua lukasa.

Yowanane 5:43

Nakulua mu dina dia Tatu wanyi, kanuena nungitabusha; biadiluila mukuabo mu diandi dina, nenumuitabushe.

Yowanane 8:24

Ebu mbualu bunakunuambila ne, Nenufue mu mibi yenu; binuikala kanui nungitabusha, nenufue mu mibi yenu.

Yowanane 8:28

Yesu wakamba ne, Hanuabisha Muana wa muntu, nenumanye ne, Meme nyeye, ne tshitu ngadienzela bualu, kadi ntu ngamba anu malu akunyisha Tatu.

1 Korente 6:9

Kanuena bamanye ne, Bantu babi kabena bahiana bukelenge bua Nzambi, anyi? Kanudingibu; bena tshiendenda, anyi bena mpingu, anyi bena masandi, anyi badileshi bu bakashi, anyi balume badi benzelangana malu a bundu,

Efeze 5:6

Muntu kanudingi ne mei a hatuhu; bualu bua malu â tshishi tshia Nzambi tshilualua kudi bana ba buhidia.

2 Tesalonike 2:3

Muntu kanudingi muanda wonso; bua dituku adi kadiena dilua anu bialua ditombokela dia Nzambi diambedi, ne anu biabuluibua muntu wa buhidia, muana wa dibutuka mene.

2 Timote 3:13

Kadi bantu babi ne badingi ba bakuabo nebadiundadiunde mu malu mabi abo matuku onso, badingangana, badingila.

1 Yone 4:1

Bananga, kanuitabushi nyuma yonso, kadi nutete nyuma ne, Idi ya Nzambi, anyi; bualu bua baprofete ba bungi ba mashimi bakamuangalaka ha buloba.

2 Yone 1:7

Bualu bua bena mashimi ba bungi bakamuangalaka ha buloba, kabai bajukula ne, Yesu Kilisto udi mulue mu mubidi. Eu udi muena mashimi ne mufuilakanyi ne Kilisto.

Didimanyisha 1:3

Muntu udi ubala, ne badi bunvua mei a buambi ebu, ne badi balama malu adi mafundamu, badi ne disanka; bua tshikondo tshidi ha buihi.

Didimanyisha 12:9

Dragon munene wakedibua hanshi, nyoka au wa kale, yeye udi muidikibue ne, Diabolo ne Satana, mudingi wa ba ha buloba bonso; wakedibua hanshi ha buloba, ne banjelo bandi bakedibua nʼandi hanshi.