Luke 21:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nenudiangatshile mioyo yenu bualu bua dinanukila dienu.

MUKANDA WA MYIDI MUKULU

¹⁹ Nenupande amu panuikala nunanukila.

Luke 21:19 ပူးပေါင်းရင်းမြစ်များ

Misambu 37:7

Shala holâ ku mpala kua Yehowa, umuindile ne lutulu. Kunyingabadi bualu bua muntu udi ututa dikasa dimpe mu nshila muandi, ne bua muntu udi ujadika malu mabi adiye uhangidisha.

Misambu 40:1

Nakindila Yehowa ne lutulu, wakatelela matshu andi kundi, wakunvua muadi wanyi.

Abakuke 3:16

Nakunua malu â, ne mutshima wanyi wakuhampakana, mishiku yanyi yakukanka bua tshiona atshi. Mifuba yanyi yakuvingutuka, nakuzakala mu muaba unakuimana; ndi ne bua kuindila dituku dia ntatu, muhuwe talalâ; tô ne haluadi kudi bantu badi batukengesha.

Matayi 10:22

Bantu bonso nebikale nʼenu lukuna bua dina dianyi; kadi wananukila tô ne kunshikidilu neasungidibue.

Matayi 24:13

Kadi wananukila tô ne kunshikidilu neasungidibue.

Luke 8:15

Au a mu buloba buimpe adi bu bantu bakunvua dî mu mitshima mimpe ne ya kalolo, badi badilama bikole, badi bavudisha maminu bua dinanukila diabo.

Rome 15:4

Bua malu onso akafundabo diambedi akafundibua bua kutuyisha, bua tuetu tuikale ne ditekemena bua ditantamana dietu ne bua busambi bua mu Mukanda wa Nzambi.

Rome 2:7

Badi bakeba butumbi ne buneme ne malu adi kâl manyanguka, ku dinanukila diabo mu mudimu muimpe, neabafute muoyo wa tshiendelele.

Rome 5:3

Bualu bukuabo kabidi, tutumbile bietu mu ntatu, tumanye ne, Ntatu idi yenzesha ditantamana,

Rome 5:4

ne ditantamana didi dienzesha dijadikibua, ne dijadikibua didi dienzesha ditekemena.

Rome 8:25

Kadi bituatekemena bitudi katu! tumona ku mesu, tudi tuindila ne ditantamana.

1 Tesalonike 1:3

katui tulekela kuvuluka mudimu wenu wa ditabusha ne mudimu wenu mukole wa dinanga ne dinanukila dienu dia mu ditekemena dia Mukelenge wetu Yesu Kilisto, ku mesu kua Nzambi udi kabidi Tatu wetu.

2 Tesalonike 3:5

Ne Mukelenge alombole mitshima yenu mu dinanga dia Nzambi ne mu dinanukila diakadi Kilisto nʼadi.

Ebrewu 10:36

Bualu bua nudi ne bualu bua kuikala ne didikankamika bua, hanuenza bu mu disua dia Nzambi, nudi mua kuangata mulayi.

Ebrewu 6:11

Tudi basue muntu ne muntu wa munkatshi muenu aleshe disuminyina diodiumue bua kuheta tshiuwidi tshia ditekemena tô ne kunshikidilu;

Ebrewu 6:15

Nunku, bualu bua yeye wakananukila kuikala ne lutulu, wakaheta mulayi.

Yakobe 1:3

bualu bua nudi bamanye ne diteta dia ditabusha dienu didi dienzesha ditantamana.

Yakobe 1:4

Ditantamana dikale ne mudimu wadi muimpe tshishiki, bua nuenu nuikale bakane tshishiki, bakumbane mu malu onso, kanui nuhanga mu bualu bumue.

2 Petro 1:6

ne ku lungenyi luenu nutentekashe didikanda; ne ku didikanda dienu nutentekashe didikankamika; ne ku didikankamika dienu nutentekashe buimpe bua Nzambi;

Didimanyisha 1:9

Meme, Yone, muanʼenu wa ma Kilisto, ne muabanyanganyi nʼenu wa mu dikenga ne bukelenge ne ditantamana bidi mu Yesu, nakadi mu tshisanga tshidibo babikila ne Patemo, bualu bua dî dia Nzambi ne bua dimanyisha dia Yesu.

Didimanyisha 13:10

Bikala muntu ubuesha bakuabo mu buhika, Uyaya mu buhika; bikala muntu ushiha bakuabo ne muele wa nvita, budiye nʼabu mbua kushihibua ne muele. Eku kudi ditantamana, ne ditabusha dia basanto.

Didimanyisha 14:12

Eku nkutantamana kua basanto, badi batumikila mikenshi ya Nzambi, ne ditabusha dia Yesu.

Didimanyisha 3:10

Bualu bua wakalama dî dia kutantamana kuanyi, nenkulame kabidi ku diba dia kuteta, diodio didi diamba kulua kudi ba ha buloba bonso, bua kuteta badi bikala ha buloba.