Luke 2:41 - Mukanda wa Nzambi Dihungila Dikulukulu ne Dihungila Dihia-dihia 2003

⁴¹ Ku tshidimu ku tshidimu baledi ba Yesu bakaya ku Yelushalema ku disanka dia Kuhita kua Yehowa.

MUKANDA WA MYIDI MUKULU

⁴¹ Ku tshidimu ku tshidimu baledi ba Yezu bavua baya mu Yerushalayime ku tshibilu tshia Dipita dia Maweja-Nangila.

Luke 2:41 ပူးပေါင်းရင်းမြစ်များ

Ekesode 12:11

Nenudie munyinyi nunku ne bilulu bienu biela mikaya, ne bisabata ku makasa ne mulangala ku bianza bienu nenudie munyinyi lubilu, bualu ebu budi kuhita kua Yehowa.

Ekesode 12:14

Dituku edi nedikale kunudi bu tshmilukidi, nenudilame bu disanka dia Yehowa, nuenu nenuvuluke dituku edi ne tshivulukidi etshi tshiendelele.

Ekesode 34:23

Bana benu ba balume bonso nebamueneke kudi Yehowa, Nzambi wa Isalele, misangu isatu ku tshidimu ku tshidimu.

Lewitiki 23:5

Ngondo wa kumudilu, mu matuku dikumi ne anai, diba dia dilolo, ndituku dia kuhita kua Yehowa.

Dibadika 28:16

Dituku dia dikumi ne anai dia ngondo wa kumudilu ndituku dia kuhita kua Yehowa.

Luke 2:42

Hakadiye bidimu dikumi ne bibidi, bakabanda ku Yelushalema bu mudi tshilele tshia disanka;

Yowanane 11:55

Disanka dia Kuhita kua Yehowa dia Bena Yuda diakadi ha buihi; ba bungi bakumuka mu nseke yabo, bakaya ku Yelushalema diambedi Kuhita kua Yehowa kakui buanze kufika, bua kudiuvuabo.

Yowanane 13:1

Diambedi disanka dia Kuhita kua Yehowa kadi dianze kulua, Yesu wakamanya ne, Diba dianyi dia kumuka ha buloba bua kuya kudi Tatu diakufika, yeye mumane kusua bandi mene bakadi ha buloba, wakabasua tô ne kunshikidilu.

Yowanane 2:13

Disanka dia Kuhita kua Yehowa dia Bena Yuda diakadi ha buihi, Yesu wakabanda ku Yelushalema.

Yowanane 6:4

Kuhita kua Yehowa, disanka dia Bena Yuda, kuakadi ha buihi.

Dielulula 12:11

Hashishe nenulue ne bintu binakanuambila ku muaba udi Yehowa, Nzambi wenu, Usungula bua kujadikamu dina diandi; milambu yenu ya kuosha ne nyama yenu mishiha, ne bintu bia dikumi bia bintu bienu, ne bintu bienu bidibo bakuha, ne milambu ya kuditshiha kuenu kunudi nuditshiha nʼaku kudi Yehowa.

Dielulula 12:18

kadi nubidie ku mpala kua Yehowa, Nzambi wenu, mu muaba udi Yehowa, Nzambi wenu, musungule, ne wewe ne muana webe mulume ne muana webe mukashi ne muhika webe mulume ne muhika webe mukashi, ne Muena Lewi udi ku mbelu kuenu: nuikale ne disanka ku mpala kua Yehowa, Nzambi wenu, mu malu onso anudi nuenza ne bianza bienu.

Dielulula 16:16

Balume bonso nebamueneke ku mesu kua Yehowa, Nzambi wenu, misangu isatu ku tshidimu ku tshidimu mu muaba udiye Usungula: ku disanka dia mampa adi kâyi ne luevene, ne ku disanka dia mbingu ai muanda mutekete, ne ku disanka dia bitandatanda; kabamueneki ku mesu kua Yehowa ne bianza bituhu:

1 Samuele 1:21

Muntu eu Elekana ne bonso ba mu nsubu wandi bakaya bua kufilabo milambu ya tshidimu atshi kudi Yehowa, ne bua kuditshiha.

1 Samuele 1:3

Muntu eu wakadi Umuka ku musoko wandi ku tshidimu ku tshidimu bua kutendeleleye ne bua kufileye milambu kudi Yehowa wa misumba ku Shilo. Bana balume babidi ba Eli, bakuidi ba Yehowa, bakadiku mena abo Hofeni ne Pinehasa.