Luke 2:36 - Mukanda wa Nzambi Dihungila Dikulukulu ne Dihungila Dihia-dihia 2003

³⁶ Muprofete mukashi, dina diandi Ana wakadiku, yeye wakadi muana wa Fanuele wa tshisamba tshia Ashê, wakadi mununu be, bayandi wakamubaka hakatshidiye kamama, wakashala nʼandi bidimu muanda mutekete,

MUKANDA WA MYIDI MUKULU

³⁶ Kuvua kabidi Ana, muambi mukaji. Uvua muana wa Penuwele, wa mu tshisamba tshia Ashere. Ukavua ne bidimu bia bungi. Uvua mushale mu dibaka ne bayende wa ku buana bidimu muanda mutekete.

Luke 2:36 ပူးပေါင်းရင်းမြစ်များ

Genese 30:13

Lea wakamba ne, Ndi ne disanka, ne bakashi nebambikile ne, Muena disanka Wakamuidika dina ne, Ashe.

2 Bakalenga 22:14

Nunku Hilekiya, muakuidi munene, ne Ahikama ne Akabo ne Shafana ne Asaya bakaya kudi Huleda, muprofete mukashi, wakadi mukashi wa Shaluma, muana wa Tikewa, muana wa Hâhasa, mulami wa bilulu bia mukelenge; (yeye wakadi mushikame mu luseke luibidi lua mu Yelushalema); bakasomba nʼandi.

Yobe 5:26

Neubuele mu lukita luebe hawalua muntu mukole, bu tshisumbu tshia blé tshidibo babanda nʼatshi ku tshishihuidi mu tshikondo tshiabobeye.

Misambu 92:14

Nebakuame mamuma tô ne mu bununu buabo, nebikale mitshi miule tente ne mai ne idi mibishi tshiendelele,

Ekesode 15:20

Mîyama, muprofete mukashi, muanʼabo mukashi ne Alona, wakangata tshisanji mu tshianza tshiandi, ne bakashi bonso bakamulonda ne bisanji, benda batuhika.

Yezekiyele 13:17

Wewe, kabidi, muana wa muntu, kolesha disu kudi bana bakashi ba bana benu, badi bamba mei adi afuma anu mu meji a mu mitshima yabo; ubambile mei a kubahisha nʼau ne,

Luke 2:35

muele wa nvita neutubule muoyo webe, nunku meshi a mu mitshima ya ba bungi neamueneke.

Luke 2:38

Yeye wakalua ha diba adi, wakasakidila Nzambi, wakambila bonso bakadi batekemene buhikudi bua Yelushalema bualu buandi.

Bienzedi 2:18

E, halua matuku au nengitshikishile bahika banyi balume ne bahika banyi bakashi Nyuma wanyi, nebambe malu adi kâi manze kulua.

Bienzedi 21:9

Yeye wakadi ne bana bakashi banai bakatshidi tumama, bakadi bamba malu akadi kâi manze kulua.

1 Korente 11:5

Kadi mukashi yonso udi utendelela anyi udi wambila bakuabo dî dia Nzambi ne mutu wandi kawi mubuikila, udi uhuekesha butumbi bua mutu wandi; bualu ebu budi muomumue ne yeye muikale ne mutu wandi mubeya.

1 Korente 12:1

Bana betu, tshiena musue nuenu nuhange kumanya bualu bua bihedi bia kudi Nyuma.

1 Timote 3:2

Nunku budi mukulu-mutangidi nʼabu mbua kuikala kai ne bilumbu; ikale biandi muena mukashi umue; ikale biandi muena meshi mahola ne buhuekele; amanye mua kulongolola malu andi bimpe; ikale musankididi wa benyi; ikale muakane wa kuyisha bakuabo.

1 Timote 5:9

Kabafuidi mukashi wa mu lufuila mu mulongo wa ba mu lufuila bikaleye kai muanze kufika ku bidimu makumi asambombo, yeye mumane kuikala mukashi wa anu muntu umue;

Yoshua 19:24

Buhianyi buitanu buakadi bua tshisamba tshia Bena Ashê ku meku abo.

Didimanyisha 7:6

Ba mu tshisamba tshia Ashê, lubombo ne binunu bibidi: Ba mu tshisamba tshia Nafatale, lubombo ne binunu bibidi; Ba mu tshisamba tshia Manashe, lubombo ne binunu bibidi;

Balombodi 4:4

Debola, muprofete wa Nzambi mukashi, mukashi wa Lapidota, wakadi ulumbuluila Bena Isalele ku tshikondo atshi.

1 Samuele 1:2

wakadi ne bakashi babidi: dina dia muadi diakadi Hana, ne dina dia mulonde muadi diakadi Penina. Penina wakadi ne bana kadi Hana kakadi ne bana nansha.