Luke 2:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Balami bakahingana, batumbisha Nzambi bamutendelela, bualu bua malu anso akunvuabo ne akamonabo, bu muakabambilabo.

MUKANDA WA MYIDI MUKULU

²⁰ Ke balami ba mikoku kupingana kuabu. Bavua batendelela Mvidi Mukulu, bamutumbisha bua bionsu bivuabu bumvua ne bamona. Bualu bionsu bitua bienzeka amu muvua mutumibue mubamanyishe.

Luke 2:20 ပူးပေါင်းရင်းမြစ်များ

Misambu 106:48

Yehowa, Nzambi wa Isalele, avudishibue disanka, ku tshibangidilu tô ne kunshikidilu! Bantu bonso bambe biabo ne, Amen! Tumbishai Yehowa!

Misambu 107:15

Basakidile Yehowa bua luse luandi lujalame ne bua bienzedi biandi bia kukema bidiye wenzela bana ba bantu!

Misambu 107:21

Basakidile Yehowa bua luse luandi lujalame ne bua bienzedi biandi bia kukema bidiye wenzela bana ba bantu!

Misambu 107:8

Basakidile biabo Yehowa bua luse luandi lujalame ne bua bienzedi biandi bia kukema bidiye wenzela bana ba bantu!

Yeshaya 29:19

Bena kalolo kabidi nebavudishe disanka diabo mu Yehowa, bahele ba munkatshi mua bantu nebasanke mu Wa Tshijila wa Isalele.

Matayi 9:8

Kadi bakatangila bantu bualu ebu, bakatshina, bakatumbisha Nzambi, bualu bua yeye wakaha bantu bukole nunku.

Marke 1:7

Yeye wakamba bualu bua Nzambi ne, Udi ulua ku nyima kuanyi udi muntambe meme, tshiena ne buakane bua kuzonzama mua kusulula mionshi ya bisabata biandi.

Luke 18:43

Wakatabala lukasa, wakamulonda utumbisha Nzambi; bantu bonso, hakatangilabo bualu ebu, bakatumbisha Nzambi.

Bienzedi 11:18

Hakunvuabo malu â, bakahua, bakatumbisha Nzambi ne, Nzambi wakuha bisamba bia bendekabidi kukudimuna kua mutshima bua kuikalabo ne muoyo.