Luke 17:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nudilame bimpe; bienza muanʼenu bibi, umubele; biakudimuneye mutshima wandi, umujimishile bubi buandi.

MUKANDA WA MYIDI MUKULU

³ Nuadimukayi! Pikala muanenu wa balume mubunde tshibawu, umubele bimpe. Pikalaye munyingalale bua tshilema tshivuaye muenze, umumvuile luse.

Luke 17:3 ပူးပေါင်းရင်းမြစ်များ

Misambu 141:5

Muntu muakane antute, muanda eu newikale luse kundi; ambele biandi, kubela kuandi nekuikale bu manyi ha mutu hanyi; mutu wanyi kaubengi manyi au; bua ntshidi ndomba bua malu mabi abo.

Ekesode 34:12

Udimuke, kuhungi tshihungidi ne bantu ba mu buloba bûdi uya; bualu ebu kabulu buteyi munkatshi muenu.

Nsumuinu 17:10

Dî dia mibelu didi dibuela mu mutshima wa muena lungenyi didi dihita mikumu lukama hamʼbidi ha muhote.

Nsumuinu 27:5

Kubela muntu hatoke kudi kutamba luse lusokoka buimpe.

Nsumuinu 9:8

Kubedi mubuidi, bua yeye kakukinyi; biwabela muena meji, yeye neakunange.

Lewitiki 19:17

Kuikadi ne lukuna mu mutshima kudi muanʼenu, kadi ubele muena mutumba nʼebe, bua wewe kutuadi bubi bua bualu buandi.

Matayi 18:21

Hashishe, Petelo wakalua, wakakonka Yesu ne, Mukelenge, muanʼetu neangenzele bibi misangu bungi munyi inamulekela bubi buandi? Misangu muanda mutekete, anyi?

Luke 21:34

Nudilame bimpe, bua mitshima yenu kainemi ne mudiu ne dibuluka dia maluvu ne malu a ha buloba, ne bua dituku adi kadilu kunudi lukasa bu buteyi?

Efeze 5:15

Nunku nudimuke bienu bu munudi nuenda; kanuendi bu badi kabai ne meshi, kadi nuende bu bena meshi;

Dielulula 4:15

Nudimuke bienu bimpe; bualu bua kanuakatangila tshifuanyikishi tshia muntu dituku diakasomba nʼenu Yehowa mu Holeba munkatshi mua kahia;

Dielulula 4:23

Nudimuke bienu, kanuhu muoyo bua tshihungidi tshia Yehowa, Nzambi wenu, tshiakahungeye nʼenu: kanudisongidi luhingu anyi tshifuanyikishi tshia tshintu tshimue tshiakanuhidisha Yehowa, Nzambi wenu,

Dielulula 4:9

Nuanji kudimuka, nulame mioyo yenu bilengele, bua kanuhu muoyo bua malu anuakatangila ne mesu enu, ne bua mei au kaluhuki mu mitshima yenu matuku onso a muoyo wenu; kadi nuamanyisha bana benu ne bana ba bana benu;

Ebrewu 12:15

Nutangile bimpe bua muntu kikadiku udi uhanga ngasa wa Nzambi, ne bua muji wa bululu mutoloka kaunutatshishi, ne bua bualu buau bantu ba bungi neboneke;

Yakobe 5:19

Bana betu, hikala mukuabo wa munkatshi muenu uhambuka mu nshila wa bushua, ne mukuabo umuandamuna;

2 Yone 1:8

Nudilame bua kanujimishi midima ituakenza, kadi bua nuenu nuangate difutu dikumbane,