Luke 16:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Mu Muaba wa Bafue yeye wakatangila mulu, hakadiye mu makenga, wakamona Abalahama kuakua ne Lazalo mu tshiadi tshiandi.

MUKANDA WA MYIDI MUKULU

²³ Muena biuma uvua ukengakana bikole mu kandondu ka bafue. Ukenzakana, kumonaye Abrahame ku bule, Lazare muikale pabuipi nende.

Luke 16:23 ပူးပေါင်းရင်းမြစ်များ

Misambu 16:10

Bualu bua wewe kuena ushiya muoyo wanyi mu Muaba wa Bafue; kuena witabusha bua muntu webe wa tshijila atangile Dijimba dia Bafue.

Misambu 49:15

Kadi Nzambi, neahikule muoyo wanyi ku bukole bua Muaba wa Bafue, bua yeye neangangate.

Misambu 86:13

Bua luse luebe lujalame lûdi undesha ludi lunene; bualu bua wakuhandisha muoyo wanyi ku ndondo wa mu Muaba wa Bafue.

Misambu 9:17

Budi bantu babi nʼabu mbua kualukila mu Muaba wa Bafue; bonso mene ba mu bisamba bia bantu badi bahua Nzambi muoyo nebenze nunku.

Nsumuinu 15:24

Kudi muena meji nshila wa muoyo udi kulu, bua yeye ehuke ku Muaba wa Bafue udi hanshi.

Nsumuinu 5:5

Makasa andi adi ahueka tô ne ku lufu, biendedi biandi bîdi bilamata ku Muaba wa Bafue.

Nsumuinu 7:27

Nsubu wandi udi nshila wa ku Muaha wa Bafue, udi uhueka tô ne ku nsubu ya lufu.

Nsumuinu 9:18

Kadi muntu au kena mumanye ne, Bafue badimu; kena mumanye ne, Badi bamuendela buenyi badi mu ndondo wa Muaba wa Bafue.

Yeshaya 14:15

Kadi neuhuekeshibue tô ne ku Muaba wa Bafue, ku ndekelu wa Tshina tshia Bafue.

Yeshaya 14:9

Muaba wa Bafue udi muinshi mua buloba udi mubishibue bua kukuakidila hawafikamu, udi ukusonsuela bafue, bakokeshi banene bonso ba ha buloba mene, bua kukuakidilabo; udi ujula bakelenge bonso ba bisamba bia bantu mu nkuasa yabo ya bukelenge.

Matayi 11:23

Ne wewe Kapênuma, nebakubandishe mu diulu, anyi? Neuhueke biebe mu Muaba wa Bafue; bualu bua bu malu a kukema akenjibua munkatshi muebe, menjibue mu Sodoma, wakadi kushala tô ne katataka.

Matayi 18:9

Biakulenduisha disu diebe, waditula, wadimasha; bua wewe kubuela mu muoyo ne disu dimue kudi kutamba bua wewe kuimashibua mu Ngena wa kahia ne mesu abidi.

Matayi 23:33

Nuenu nyoka, ne bana ba nyoka, nudi bamanye mua kuhanduka dihila dia mu Ngena munyi?

Matayi 5:22

kadi meme ndi nuambila ne, Muntu yonso udi ne muanʼabo tshishi nebamubande ku tshilumbuluidi; muntu yonso wamhila muanʼabo ne, Laka, nebamubande kudi balumbuludi banene; muntu yonso wambila munga muntu ne, Wewe udi muhote, udi mua kukengeshibua mu Ngena wa kahia.

Matayi 5:29

Bikala disu diebe dia ku tshianza tshia balume dikulenduisha, wadiula, wadimasha; bualu bua kujimisha tshintu tshimue tshia mubidi webe kudi kutamba kuedibua kua mubidi webe wonso mu Ngena.

Matayi 8:29

Bakela dî bikole ne, Wewe Muana wa Nzambi, tudi nʼebe bualu kai? Wewe wakulua kutukengesha diambedi dituku dia dikenga dietu kadî dianze kulua, anyi?

Luke 16:24

Wakela dî diandi bikole ne, Tatu Abalahama, unfue luse, utume Lazalo, atue lusongo lua munu mu mai, antalashe ludimi luanyi, bualu bua meme ndi ne dikenga mu kahia aka.

Luke 16:28

meme ndi ne bana betu batanu; abambile, kabalu mu muaba eu wa dikenga.

Luke 8:28

Hakamoneye Yesu, wakela dî diandi bikole, wakadihonena ku mpala kuandi, wakela dî diandi bikole ne, Ndi nʼebe bualu kai, wewe Yesu, Muana wa Nzambi Mutambe Bunene wa mu diulu? Ndi nkutendekena ne, Kunkengeshi;

1 Korente 15:55

Lufu, kutamba kuebe kudi hanyi? Lufu, kalonda kebe kadi hanyi?

2 Petro 2:4

Bualu bua bikala Nzambi kai muengeleke banjelo hakenzabo bibi, kadi yeye wakabela mu Ngena ne wakabafila mu nyongola ya mîdima, bua balamibuemu tô ne ku dilumbuluisha diabo;

Didimanyisha 20:10

Ne diabolo wakadi ubadinga wakedibua mu dishiba dia kahia ne soufre, kudi nyama wa luonji ne muprofete wa mashimi kabidi, nebakengeshibue munya ne bufuku tshiendelele.