Luke 16:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Muntu mubanshi wakadiku uluata bilulu bikunze ne bia mushinga mukole, wakadi ne disanka diandi ne butumbi ku dituku ku dituku.

MUKANDA WA MYIDI MUKULU

¹⁹ — Kuvua muena biuma uvuala bilamba bimpe bia mushinga mukole. Dituku dionsu uvua udia bilenga, usanka.

Luke 16:19 ပူးပေါင်းရင်းမြစ်များ

Estere 8:15

Môdekai wakumuka ku mesu kua mukelenge muluate bilulu bia bleu ne bitoke bia bukelenge, ne tshifulu tshia butumbi tshia or, ne tshikowelu tshikunzubile tshia bilulu bia lin; bena musoko bakadi mu Shushana bakela mbila, bakasanka.

Nsumuinu 14:24

Tshifulu tshia butumbi tshia bena meji tshidi biuma biabo, kadi tshifulu tshia bahote tshidi buhote buabo.

Nsumuinu 31:22

Udi udikumina bilulu bia ha bulalu; bivualu biandi bidi bia lin bia mushinga mukole ne bikunzubile.

Yeshaya 3:23

ndimuenu ya kukuata ku bianza, bilulu bia mushinga mukole bia lin, bifulu ne bilulu bia kubuikila ha mpala.

Yezekiyele 16:13

Nunku wewe wakalengeshibua ne biamu bia or ne bia argent, ne bivualu biebe biakadi bia tshilulu tshia lin tshinefuke, tshia soie ne tshia malenda mimpe. Wakadia bukula bubotesha bimpe, buitshi ne manyi; wakadi ne bulengele bua mubidi buhite be, ne wakadi ne diakalengele bu dia mukelenge mukashi!

Yezekiyele 16:49

Tangila, ebu buakadi bubi bua muanʼenu wa bakashi Sodoma; yeye ne bana bandi ba bakashi bakadi ne kudisua ne bia kudia bivule, kabayi bakengela tshintu; kabakakolesha maboko a bahele ne a bakengi.

Yezekiyele 27:7

Tshilulu tshiebe tshia kuendesha nʼatshi buatu tshiakadi tshilulu tshia lin tshilengele tshia ku Ejipitu tshiela ne malenda, tshikale bu dibendela diebe; tshilulu tshia ntenta tshia ha mutu ha buatu tshiakadi tshifike ne tshikunze tshia ku bisanga bia Elisha.

Marke 15:17

Akamuluatshisha tshikowelu tshikunze; hakalukau tshifulu tshia meba tshia bukelenge, akamuasatshi ku mutu;

Marke 15:20

Hakashikishau kumuseka, akamuvula tshikowelu tshikunze, akamuluatshisha bilulu biandi. Akaya nʼandi bua kumushiha ku mutshi mutshiamakane.

Luke 15:13

Hakahita matuku makese, muana muakunyi wakasangisha bintu biandi bionso, wakaya mu luendu kule ku luseke lukuabo; wakatangadishaku bintu biandi bionso ku malu mabi akenzenzeye.

Luke 16:1

Yesu wakambila bayidi bandi kabidi ne, Muntu mubanshi wakadiku, wakadi ne mulami wa bintu biandi; bakamubanda ku mesu kua mukelenge wandi ne, Yeye utu watangalasha bintu biebe.

Luke 16:18

Wahidia mukashi wandi, wabaka mukuabo, udi muena masandi; wabaka mukashi muhidia kudi mulume wandi nunku udi muena masandi.

Luke 16:20

Mulombi wa bintu wakadiku, dina diandi Lazalo, bakamuladika ku tshibi tshiandi, mubidi wandi wonso wakadi ne mputa;

Didimanyisha 17:4

Mukashi wakadi muluatshisha ne bilulu bikunzubile ne bikunzekunzu, mulengeshibue ne ngolo ne mabue a mushinga mukole ne a perle, muikale ne luhanza lua ngolo mu tshianza tshiandi lûle tente ne malu a bukoya bua masandi andi.

Didimanyisha 18:16

bamba ne, Mulau, mulau, musoko munene, wakadi muluatshishe bilulu bia line bimpe, ne bikunzubile ne bikunzekunzu, mulengesha ne ngolo ne mabue a mushinga mukole ne mabue a perle!

Didimanyisha 18:7

Bu muakaditumbisheye ne muakadinemesheye, bu nunku kabidi munuhe makenga ne madilu; bualu bua yeye udi udiamba mu mutshima wandi ne, Ndi mushikame mukelenge mukashi, tshiena mukashi wa mu lufuila, ne tshiena ntangila madilu tô kashidi.

Balombodi 8:26

Bujitu bua or ya tukanu tua ku matshu tuakalombeye buakadi nshekele ya or tshinunu tshimue ne nkama muanda mutekete; ku mutu kua bintu ebi kuakadi bilenga bia ku mitu ya bantu ne tukanu tua ku matshu ne bilulu bifike biakaluatabo kudi bakelenge ba Midiyana ne nkanu ya biamu yakadi mu nshingu ya tumelo tuabo.