Luke 16:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Yesu wakambila bayidi bandi kabidi ne, Muntu mubanshi wakadiku, wakadi ne mulami wa bintu biandi; bakamubanda ku mesu kua mukelenge wandi ne, Yeye utu watangalasha bintu biebe.

MUKANDA WA MYIDI MUKULU

¹ Yezu kuambila balongi bende ne: — Muena biuma kampanda uvua ne mumulaminyi wa bintu. Bantu kuambila muena biuma ewu ne: mukulaminyi wa bintu udi utulakaja bintu biebe.

Luke 16:1 ပူးပေါင်းရင်းမြစ်များ

Genese 15:2

Abalama wakamba ne, Mukelenge Yehowa, wewe neumpe tshintu kai, bualu bua meme tshiena ne muana, ne muhianyi wa bintu bianyi udi Elieze, muena Damaseke?

Genese 43:19

Bakasemena ha buihi ne mulami wa nsubu wa Yosefe, bakayikila nʼandi ku tshibi tshia nsubu,

1 Kulondolola 28:1

Davidi wakabikila bantu banene bonso ba mu Isalele, bakadi ku mutu kua bisamba, ne tupitene tua bisumbu bia bantu tuakakuatshila mukelenge mudimu mu milongo yatu, ne tupitene tua bantu tshinunu ne tua bantu lukama, ne bakadi ku mutu kua bintu bionso bia mukelenge ne bimuna biandi ne bia bana bandi ne tuhita ne bena bukitu mu Yelushalema.

Nsumuinu 18:9

Muntu udi ulenguluka mu mudimu wandi udi muanʼabo ne mubutudi.

Osheya 2:8

Yeye kakamanya ne mmeme mene nakamuha manvua, nvinyo mihia-mihia ne manyi; nakamukumbashila argent ne or biakukuatshilabo nʼabi Bâla mudimu.

Matayi 20:8

Hakamba diba kubuela, muena budimi wakambila mulami wa bintu biandi ne, Bikila bena mudimu, ubahe difutu diabo, uhangile kudi ba kunshikidilu tô ne kudi ba diambedi.

Luke 12:42

Mukelenge wakamba ne, Nganyi mulami wa bintu udi ulamata nfumu wandi ne dinanukila, ne udi muntu wa lungenyi? Nfumu wandi neamuteke ha mutu ha bantu bandi bua yeye kubaha bidia biabo, halua dituku diabi.

Luke 15:13

Hakahita matuku makese, muana muakunyi wakasangisha bintu biandi bionso, wakaya mu luendu kule ku luseke lukuabo; wakatangadishaku bintu biandi bionso ku malu mabi akenzenzeye.

Luke 15:30

kadi bakulua muana webe eu, wakutangadisha bintu biebe kudi bakashi ba masandi, wewe wakumushihela muana wa ngombe wa manyi.

Luke 16:19

Muntu mubanshi wakadiku uluata bilulu bikunze ne bia mushinga mukole, wakadi ne disanka diandi ne butumbi ku dituku ku dituku.

Luke 16:2

Wakamubikila, wakamukonka ne, Bualu buebe bunakunvua budi tshinyi? Umpeshe mukanda wa bulami buebe, bualu bua wewe kuena mumanye mua kushala mulami kabidi.

Luke 19:20

Mukuabo wakalua, wakamba ne, Mukelenge, mpalata webe kayeu, unakadi musuike mu dituaya;

Luke 8:3

ne Yoana mukashi wa Kuza mulami wa bintu wa Helode, ne Susana ne bakuabo ba bungi, bakadi babakuatshisha ne bintu biabo.

Tite 1:7

Bualu bua budi mukulu-mutangidi nʼabu mbua kuikala kai mua kubandibua, bu mudi mulami muteka kudi Nzambi; kikadi biandi muena tshitshu; kukuatshi tshishi lubilu; kikadi muena diyoyo bua malulu; kikadi mukumianganyi ne bakuabo; kikadi ne lukuka lua biuma.

Yakobe 4:3

Nudi nulomba ne kamuena nuangata bintu, bualu bua nudi nabilomba bibi, anu bualu bua kubimuangalasha ku masanka enu.

1 Petro 4:10

bu muakangata muntu ne muntu tshihedi, nukuatshishangane nkatshi munkatshi muenu, bu balami bimpe ba ngasa muvulangane wa Nzambi.