Luke 15:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Mukashi kai, bikaleye ne mpalata dikumi, hajimisheye umue, kena Utemesha muinda, akombe mu nsubu, akebe bimpe tô ne hamumoneye?

MUKANDA WA MYIDI MUKULU

⁸ — Ambayi tumone! Mukaji muikale ne nkanu ya tshiamu tshitoke tshia mushinga mukole dikumi, yeye mujimije lumue, udi wenza tshinyi? Neatemeshe muendu, ukomba mu nzubu, ukeba bimpe too ne paluangulaye.

Luke 15:8 ပူးပေါင်းရင်းမြစ်များ

Yezekiyele 34:12

Bu mudi mulami wa mikoko ukeba tshisumbu tshia mikoko yandi mu dituku didiyi mitangadishibue, nunku nenkebe mikoko yanyi; nenyisungile ku miaba kudiyi mitangadishibue mu dituku dia matutu ne dia mîdima mikole.

Matayi 5:15

Bantu kabatu batemesha muinda bua kûbuesha munshi mua mushete, batu bauteka ha mesa a muinda, utemene bantu bonso mu nsubu.

Luke 15:7

Ndi nuambila ne, Nunku kabidi disanka dia mu diulu bua muntu umue mubi wakukudimuna mutshima wandi neditambe disanka bua bantu bakane makumi tshitema ne tshitema badi kabai ne bua kukudimuna mitshima yabo.

Luke 15:9

Hamumoneye, neabikile balunda bandi ne bena mutumba nʼandi, neabambile ne, Nusanke nʼanyi, bua nakumona mpalata wakadi mujimine.

Luke 19:10

Bualu bua muana wa muntu wakuluila bua kukeba ne bua kusungila tshidi tshijimine.

Yowanane 10:16

Ndi ne mikoko mikuabo idi kayi ya mu luhangu elu; bundi nʼabu mbua kulua nʼai, neyunvue dî dianyi; neilue tshisumbu tshimue, ne mulami umue.

Yowanane 11:52

yeye kakafuila anu tshisamba tshimue, kadi wakafuila bua kusangisha mu tshisumbu tshimue bana ba Nzambi bakadi batangadike.

Bienzedi 19:19

Bena matempu ba bungi bakasangisha mikanda yabo, bakayosha ku mesu kua bantu bonso. Bakabala mushinga wai, bakausangana muikale bituha bia argent mbombo itanu.

Efeze 2:17

Ne yeye wakalua, wakanuambila bakadi kule ne bakadi ha buihi lumu lua ditalala;