Luke 15:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Kadi tatu wandi wakambila bantu bandi ne, Nulue lubilu ne tshilulu tshidi tshitambe buimpe, munuluatshishetshi; numuele kakanu ku munu ne bisabata ku makasa.

MUKANDA WA MYIDI MUKULU

²² Kadi tatu kuambila bena mudimu bende ne: “Ambulujayi, tualayi tshilamba tshimpe; numuvuadiketshi. Numuele kakanu ku munu. Numutuadile bisabata, numuelebi.

Luke 15:22 ပူးပေါင်းရင်းမြစ်များ

Genese 41:42

Palô wakakohola kakanu ka tshimanyinu tshiandi tshifundahu ku munu wandi, wakakela ku munu wa Yosefe, wakamuluatshisha bilulu bia lin, wakamuela lukanu lua or mu nshingu muandi,

Estere 3:10

Mukelenge wakakohola kakanu ka ku munu wandi, wakakafila kudi Hamana, muana wa Hamedata, Muena Agaga, muena lukuna wa Bena Yuda.

Estere 8:2

Mukelenge wakakohola kakanu kakanyengeye kudi Hamana, wakakaha Môdekai. Esetê wakateka Môdekai ha mutu ha nsubu wa Hamana.

Misambu 132:16

Nenduatshishe bakuidi badimu luhandu, bansanto badimu nebele mbila bua disanka diabo.

Misambu 132:9

Baluatshishe bakuidi bebe ne buakane, bansanto bebe bele mbila bua disanka diabo.

Misambu 18:33

Udi uvuisha makasa anyi bu mikono ya ngulungu mukashi, udi ungimanyika ha mutu ha mikuna yanyi mile.

Misambu 45:13

Muana mukashi wa mukelenge udi ne butumbi buonso mu nsubu wa munda mua mbalasa wa mukelenge. Bilulu biandi bidi bitedibue ne buanda bua or.

Musambu wa Solomo 7:1

Wewe muana wa mukelenge, makasa ebe adi atamba bulengele mu bisabata. Bibelu biebe bidi bu mabue a mushinga mukole adi masonga ku bianza bia nsenda.

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Luke 15:21

Muana wakamuambila ne, Tatu, nakuenzela diulu bibi, nakuenza bibi ku mesu kuebe kabidi; tshiena bianyi muimpe kabidi bua kumbikilabo ne, Muanʼebe.

Luke 15:23

Nulue ne muana wa ngombe udi ne manyi, numushihe, tudie bietu, tusanke bietu,

Rome 13:14

Kadi nudiluatshishe ne Mukelenge Yesu Kilisto; kanulongoluedi mibidi malu bua kumana nkuka yai.

Rome 3:22

Buakane mene bua Nzambi bua ku ditabusha dia mu Yesu Kilisto kudi bonso badi bamuitabusha; bualu bua kakuena ditahuluka.

Rome 8:15

Bua kanuakuangata nyuma wa buhika tshiakabidi bua kutshina; kadi nuakuangata nyuma wa buhianyi bua bana utudi tubikila nʼandi Nzambi ne, Aba, Tatu.

Ngalate 3:27

Bualu bua nuenu bonso bakabatijibua mu Kilisto, nuakaluata Kilisto.

Efeze 6:15

bamane kubuesha makasa enu mu bisabata bia kudilongolola kua lumu luimpe lua ditalala.

Dielulula 33:25

Milonda yebe ya bibi bia musoko neyikale ya tshiamu tshifike ne tshiamu tshia mitaku, bukole buebe nebuikale bule bua matuku ebe onso.

Didimanyisha 19:8

Bakaha mukashi bua kudiluatshisheye ne tshilulu tshia line tshilengele, tshidi tshikenka ne tshitoke; bualu bua tshilulu tshia line tshilengele tshidi bienzedi biakane bia basanto.

Didimanyisha 2:17

Udi ne matshu unvue budi Nyuma wambila ekelesia. Kudi udi uhita bukole, nemuhe tshituha tshia mana masokoka, ne nemuhe dibue ditoke, ne ha dibue dina dihia-dihia difundahu didi muntu kai mudimanye, anu yeye udi udiangata.

Didimanyisha 3:18

Ndi nkulesha lungenyi lua kusumba ngolo kundi udi mulengeshibue mu kahia bua wewe ulue mubanshi, ne bivualu bitoke bua kudiluatshisha nʼabi bua bundu bua butaka buebe kabumueneki, ne buanga bua kulaba ku mesu ebe bua wewe umanye mua kutangila.

Didimanyisha 6:11

Bakabahesha, muntu ne muntu, diyeka ditoke; ne bakabambila bua kuanza kuikisha tshituha tshihi tô ne hakumbashibua bahika nʼabo, ne bana babo ba mu Kilisto, badi balua kushihibua bu bobo.

Didimanyisha 7:9

Ku nyima kua malu a nakatangila, ne mona, tshisumbu tshinene tshia bantu tshiakadi muntu kai mua kubala, munkatshi mua ditunga dionso, ne munkatshi mua bisamba bionso, ne bantu bonso, ne miaku yonso, bimana ku mpala kua nkuasa wa butumbi ne ku mpala kua Muana wa Mukoko, baluatshishibue maye, ka matoke, bikale ne malala a mabue mu bianza biabo.