Luke 15:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yeye wakabika, wakalua kudi tatu wandi. Hakadiye kuakua, tatu wandi wakamumona, luse luakamukuata, wakanyema lubilu, wakamuela tshituha ku nshingu, wakamutuatua mishiku.

MUKANDA WA MYIDI MUKULU

²⁰ Ke yeye kujuka bua kupingana kudi tatuende. Yeye mutshikale kule ne nzubu wabu, tatuende kumumona. Kumumvuilaye luse bikole. Kuyaye lubilu bua kusambakena nende. Kumupukilaye ne disanka, umutua mishiku.

Luke 15:20 ပူးပေါင်းရင်းမြစ်များ

Genese 33:4

Esau wakaya lubilu bua kumuakidila, wakamuela tshituha ku nshingu, wakatuangana nʼandi mishiku, bakadila.

Genese 45:14

Yeye wakela Benyamina tshituha ku nshingu, wakadila, ne Benyamina wakadia ku nshingu wandi kabidi.

Genese 46:29

Yosefe wakalongolola dikalu diandi wakaya kusangakena ne Isalele, tatuʼandi, mu Goshene Wakafika kudiye, wakamuela tshituha ku nshingu, wakadila to musangu mule.

2 Samuele 14:33

Nunku Yoaba wakaya kudi mukelenge, wakamuambila mei â. Hakabikileye Abashaloma, yeye wakaya kudi mukelenge, wakatua mpala wandi hanshi ku mpala kua mukelenge; mukelenge wakatua Abashaloma mishiku.

Misambu 86:15

Kadi wewe, Mukelenge, udi Nzambi udi ufuila bantu luse ne diakalengele; udi ne lutulu ludi lukanda tshiji tshiebe, udi mûle tente ne luse lujalame ne lulamatu lua bushuwa.

Misambu 86:5

Bualu bua wewe, Mukelenge, udi muimpe, ne mutshima webe udi musue kubuikidila bantu mihi yabo; udi mûle tente ne luse lujalame kudi bonso badi bakubikila,

Yeshaya 49:15

Mukashi udi mua kuhua muanʼandi utshidi wamua mabele muoyo, bua yeye kafuidi muana wa balume wakuleleye luse, anyi? Bulelela, bantu aba mene badi mua kuhua muoyo, kadi meme tshiena nkuhua wewe muoyo.

Yeshaya 57:18

Nakutangila bienzedi biandi, ne nenshikishe disama diandi; nemmulombole kabidi, nemmufute ne busambi, nenfukile bianyi bena madilu bandi mamuma a ku mishiku.

Yirmeya 31:20

Efelayima udi muanʼanyi munanga, anyi? Udi muana undi nkongoluela, anyi? Bua misangu yonso hanamujiana, ntshidi mmuvuluka. Yehowa udi wamba ne, Nunku mutshima wanyi udi umujinga, nemmufuile luse bulelela.

Osheya 11:8

Bena Efelayima, ndi mua kunulekela munyi? Bena Isalele, ndi mua kunufila kudi mukuabo munyi? Ndi mua kunuenzela bu munakenzela Adema munyi? Ndi mua kunuvuisha bu Bena Seboima munyi? Mutshima wanyi wakuandamuka munda muanyi, luse luanyi luonso luakutema.

Luke 15:19

Tshiena bianyi muimpe kabidi bua kumbikilabo ne, Muanʼebe, umbueshe mu mudimu bu bena mudimu bebe bakuabo.

Luke 15:21

Muana wakamuambila ne, Tatu, nakuenzela diulu bibi, nakuenza bibi ku mesu kuebe kabidi; tshiena bianyi muimpe kabidi bua kumbikilabo ne, Muanʼebe.

Bienzedi 2:39

Mulayi wa bualu ebu udi kunudi ne kudi bana benu balela ne kudi bonso badi kule, kudi bonso mene babikila Mukelenge Nzambi wetu kudiye.

Bienzedi 20:37

Buonso buabo bakadila bikole, bakela Paulo bituha ku nshingu, bakamutua mishiku,

Efeze 2:13

Kadi katataka mu Kilisto Yesu nuenu bakadi kule diambedi nuakavuishibua ha buihi mu mashi a Kilisto.

Efeze 2:17

Ne yeye wakalua, wakanuambila bakadi kule ne bakadi ha buihi lumu lua ditalala;