Luke 15:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hakamaneye bintu bionso, tshiole tshinene tshiakalua ku luseke alu; wakabanga kukengela bintu.

MUKANDA WA MYIDI MUKULU

¹⁴ Nsongalume mumane kudila makuta onsu, tshiyole tshia nzala tshikole kubuela mu ditunga adi. Ke nsongalume awu kutuadija kukenga.

Luke 15:14 ပူးပေါင်းရင်းမြစ်များ

2 Kulondolola 33:11

Nunku Yehowa wakatuma tupitene tua masalayi a mukelenge wa Ashû kudibo, bakakuata Manashe, bakamusuika nkanu, bakaya nʼandi ku Babulona.

Nsumuinu 13:25

Muntu muakane udi udia, udi ushikisha nzala yandi, kadi difu dia muntu mubi didi diunvua nzala.

Yezekiyele 16:27

Bua malu â, mena, nakuolola tshianza tshianyi ha mutu hebe, nakukehesha bia kudia biebe bia buatshia-buatshia, nakukufila mu bianza bia badi nʼebe lukuna bua bakuenzele bu mudibo basue, bana bakashi ba Bena Peleshete mene badi bakuatshika bundu bua malu ebe a tshikama.

Luke 15:13

Hakahita matuku makese, muana muakunyi wakasangisha bintu biandi bionso, wakaya mu luendu kule ku luseke lukuabo; wakatangadishaku bintu biandi bionso ku malu mabi akenzenzeye.

Luke 15:15

Wakaya, wakadilamika kudi muntu wa ku luseke alu; muntu au wakamutuma mu madimi andi bua kudisheye ngulube.